BANQUET

dicte dame et dict: Ma tres-redoutée dame, les pais dont aujourd’huy par la grâce de Dieu vous estes dame, sont moult joyeux de vostre venue, et en souvenance des nobles bergères qui par ey devant ont esté pastoures et gardes brebis de par deçà et qui si vertueusement s’y sont conduites, que les dictes pais ne s’en seavent assez louer; ils vous font présent de ceste belle bergère, habillée et embatonnée de vertueux habillements, vous suppliant que l’ayez en souvenance. En ce disant , deux nobles chevaliers prirent la bergère et la présentèrent sur la table , et ma dicte dame la receut très-humainement; et ainsi le lyon recommença sa chanson et retourna pour où il estoit venu.

« Le tiers et dernier entremets pour celuy jour fust un grand dromadaire qui entra parmy la salle, et estoit enharnaché à la manière sarrasinoise à grandes campanes dorées, et sur son dos, avoit deux grans paniers, et entre iceux assis un homme, habillé d’estrange façon; et quant il entra en la salle , celuy qui estoit dessus ouvrit les paniers: et en tiroient oiseaux étrangement peints, comme s’ils veinssent d’Inde: et les gestoit parmi la salle , et pardessus les tables , et retourna par où il estoit venu. Et plus n’en fiist faict pour celuy jour: et ne firent pas après soupers longues danses; car avant que les tables fussent ostées, il sonna trois heures après minuict. Si fust tantost l’espousc menée coucher: et du surplus du secret de la nuit, je le laisse