Copie du temps. Arcliives de Grenoble, B SOU, f. U
a fait les foy et hommage , et Ten laissiez et souffrez paisiblement joir, tout selon la teneur de nos dictes lettres faisans de ce mencion. Et faites du tout cesser le débat ou opposicion sur ce mis par nostre procureur ou advocat fiscal dl dit pays, car tel est nostre plaisir,' et ainsi le lui ordonnons et commandons par ces mesmes présentes. Si en faites tant à ceste fois que plus n'en doyons oïr parler, car plus que tout nous sentons attenuz au dit Guillaume, et ne Tavons fait sans cause ne sans grant advis et deliberacion. Nostre Seigneur soit garde de vous.
Escript en notre chastel de Mehua sur Yevre, le xi° jour de septembre.
CHARLES
PiCART*.
Le président Louvet aux gouverneur 6t gens du
Conseil en Dauphiné
16 septembre U20.
A mes 1res chiers et honnoitrez seigneurs monseigneur le gouverneur, lieutenant du gouverneur, et mssseigneurs du conseil du Daulphiné.
Très chiers et honnourez seigneurs, je me recommande à vous tant comme je puis, et vous plaise savoir que Guillaume de Martel si a dit à Monseigneur comment vous ne lui avez voulu exécuter ses lettres du fait des chasteaulx que mon dit seigneur lui a donnez, en soy complaignant très fort, pour ce qu'il lui semble que tout ce qu'on a fait on ne l'a fait que pour délayer, a requis à Monseigneur que sur ce vous vueille escrire. Si vous en rescript mon dit seigneur, et en vérité il auroit très grant plaisir et voulenté de faire du bien au dit Guillaume, car il y est bien tenu. Messeigneurs, le dit Guillaume est bien content de donner toutes les seurtez, ou de lui, ou de ses enfans, qui possibles seront en ceste matière. Et pour ceste cause va il présentement par devers vous. Je vous prie tant comme je puis que vueilliez faire la besoingne du dit Guillaume, et le expédiez briefment, car je scay certainement que Monseigneur a bien besoin de lui; car en vérité je scay certainement que Monseigneur sera de lui et des siens bien et loyaument
1. Copie du temps. Archives de Grenoble, B 304i, f. 56, et 3004, f. 26.
servi. Et si croy que les faiz de Monseigneur de par dçla n'en vauldront point pix, car je ne faiz point de doubte qu*il ne aime mieulx Monseigneur que seigneur du monde. Très chiers et honnourez seigneurs, se chose vous piaist moy mander, que je le puisse, je le feray de très bon cuer. Et je prie à Nostre Seigneur qu'il vous doint bonne vie et longue.
Escript à Mehun sur Yevre , le xvi« jour de septembre.
Le vostre,
J. LOUVET, SEIGNEUR DE THEYS ET DE FaLAVIER *.
xvu
Le seigneur de Chaumont-Quitry et le vicomte de Narbozme aux maréchaux de France et au maréchal du Dauphin
29 janvier liSl.
A nos ires chiers seigneurs et frères les inaveschaux de France et le
mareschal de Monseigneur le Régent.
Messeigneurs les mareschaux , nous nous recommandons à vous, et sommes arrivés ce soir icy, entre sept et huit heures, et sommes entrés dedans la ville le plus secrètement que avons peu, pour espérance de demain au matin combatre les ennemis qui estoient devant ceste ville. Mais ils ont esté plus gracieux, car bien deux heures après nostre venue, ils ont mis le feu en leurs logis, et s'en sont aies, et ont laisssié leurs canons et autre' cariage. Et demain au matin, au plaisir de Dieu, est Tenlencion des chevaliers et escuiers qui sont icy, et de nous avecques, de leur porter la bataille devant Joigny, où nous pensons qu'ils se sont retrais. Et nous semble par le rapport de ceux du pais que se Monseigneur envoie hastivement par deçà mil ou mil cinq cens combatans, ou plus, en quoy il y ait une partie d'Escossoys, que Ton avitaillera ceste ville, et prendra l'en grant cop de forteresses, et faira l'en d'autres explois qui seront au très grant bien, honneur et prouffit de Monseigneur et désole de ses ennemis. Et vous plaise de ce conseiller Monseigneur qu'il y pourvoie hastivement, ou nous faire assavoir
1. Copie du temps. Archives de Grenoble, B 30U, f. 57, et 3004, f. 25.
son bon plaisir. Nostre Seigneur vous doint tout ce que vostre cuer désire.
Escript à Villeneuve le Roy, ce vingt et neufiesme de janvier, une heure après minuit.
G. DE Ghaumont. g. de Nerbonne*.
xvin
Le Dauphin aux habitants de Tours
20 mars 1421.
A nos ires chiers et bien amez les bourgois, manans et habitans de V nostre ville de Tours,
De par le Re&ent le royaume, Delphin de Viennois.
Très chiers et bien amez, nous sçavons certainement que de toutes vos jouissances vous avez monstre et monstrez par effet la bonne et loyale voulenté que avez à Monseigneur et à nous, et à rencontre . des Anglois nos ennemiz, dont nous vous mercions ; et soyez certains que le recongnoistrons envers voz tous en temps et en lieu. Et vous prions très acerles que continuez, en vous tousjours tenant en Fobeissance de mondit seigneur et de nous, et en résistant de toute force à rencontre de noz diz ennemiz , et en donnant tout aide et faveur à noz genz estant et alans entre les rivières du Loir et de Loire, en espérance de iceux combattre nos diz ennemis. Et souvent nous rescripviez des nouvelles, et nous vous en saurons bon gré. Très chiers et bien amez, Nostre Seigneur soit garde de vous.
Nostre entencion est d'estre briefment, au plaisir de Nostre Seigneur, à toute puissance par delà, pour donner confort à vous et aux autres bons et loyaulx subgiez de Monseigneur et de nous, et pour quer [sic] nos diz ennemiz.
Escript en nostre chastel de Poictiers, le xx« jour de mars.
CHARLES
Chastenier2.
