XII

Le Dauphin aux habitants d'Avignon | Vers le 7 mai 4420.

A noz tres chiers et bien amez les scindis et conseil de la cité d'Avignon.

DE PAR LE REGENT LE ROYAUME, DAUPHIN DE VIENNOIS

Tres chiers et bien amez, nous avons seue l'eschappement du soubzcrestain de Saint Esprit, et les manieres que aucuns de vostre ville y ont tenues, en eulx demonstrant nos ennemis, de favoriser et soustenir l'ennemy de Monseigneur et nostre. Si vous faisons savoir que nous avons en nos mains ceulx qui l'ont delivré, dont nous vous requerrons que vous teniez saisiz de leurs personnes, ou nous vous monstreïons tellement le desplaisir que y aurons prins, que une autre fois aurez cause de vous garder de soustenir et porter les ennemis et rebelles de mon dit seigneur et de nous, qui en tous vos affaires, es temps passez, vous avons esté aidans et favorisans. Et sur ceste matiere rescrivons à Nostre Saint Pere le Pape qu'il nous tiengne pour excusé de ce qui pourroit en advenir.

Tres chers et bien amez, Nostre Seigneur soit garde de vous.

Escript, etc. 2

Le lietuenant du gouverneur et les gens du Conseil | du Dauphiné au Dauphin 29 août 1420.

A nostre tres redoubté seigneur Monseigneur le Regent, Daulphin de Viennots.

Nostre tres redoubté seigneur, nous nous recommandons à vous 4. Copie moderne. Ms fr. nouv. acq., 1001, f. 13, d’après les manuscrits de Saint-

Vincent du Mans.

2. Copie moderne. Ms. fr. nouv. acq., 1001, f. 14. Même provenance.

tant et si humblement comme plus povons, et vous plaise savoir, nostre tres redoubté seigneur, que, la grace Dieu, vostre pays de par deça est en bonne disposicion, et ont grant voulenté et affection les nobles et subgiez d'icellui de resister et contrester à la dampnable entreprinse de voz ennemis. Et pour ce faire ont esté assemblez les trois estas du pays, lesquelz d'un commun accord et consentement, bien voluntoirement et liberalment, ont deliberé de mettre à exequcion les provisions advisées pour la garde et tuhicion du dit pays, derrenierement envoyées par dela. Et en ouitre, nostre tres redoubté seigneur, il est vray que, depuis ung pou de temps en ca, de la partie de Guillaume de Martel, ont esté presentées lettres à vostre conseil de par deça, seellées de vostre seel en las de $oye et cire vert, par lesquelles vous lui donnez voz chasteaulx de Saint-Laurent du Pont et de Meysieu, de quoy tout le conseil et les seigneurs de par deça ont esté moult esmerveilliez. Et pour vous informer, nostre tres redoubté seigneur, de la verité, et nous excuser envers vous en acquitant no3 loyaullez et seremens que avons au regart de vostre demaine, a esté la chose mise en conseil, veuz et visitez les tiltres anciens et la nature et qualité du fief et homage, qui sont liges; et par commune deliberacion de tous a esté conclud que l'en ne povoit proceder à l'enterinement des “ dictes lettres, pour les causes qui s'ensuivent. Premierement, car vostre advocat fiscal s'est opposé contre les dictes lettres et a requis estre oy, laquelle chose lui a esté octroyée, comme raison est. Secondement le dit chastel de Saint Laurent doit hommage lige, et ne le porroit nul tenir qui feust homme d'’autruy, par les ordonnances et coustumes de votre dit pays du Daulphiné. Tiercement, le dit chastel est une des clefz du pays et en frontière contre le pays de Savoye, et la plus principalle, et par laquelle vostre dit pays pourroit estre perdu. Et si a l'en despendu de vostre finance plus de vi" frans pour reparer et emparer le dit chastel. Et murmurent moult fort plusieurs des nobles du pays et Subgiez de ceste matiere, et leur semble bien estrange, attendu voz affaires et ceulx de ce pays. Et pour vous, estant embesoignié et occupé comme à present estes, ce ne seroit pas chose honnourable et prouffitable de diminuer et aliener vostre domaine de par deça, qui vous est si bien seant comme chascun scet. Et mesmement seroit charge à ceulx qui le poursuivent, car, quant vous serez au dessus de voz besoignes, qui sera bien brief au plaisir de Dieu, vous pourrez plus franchement et seurement donner et eslargir de voz biens à ceulx

je » #2 LE PRRS

qui bien vous auront servi. Et doubte l’en par deça que, se la chose venoit à effect, qu'il n’en advenist un grant inconvenient irreparable. Si vous supplions, nostre tres redoubté seigneur, que sur ce il vous plaise nous avoir et nous tenir pour excusez, et nous mander et commander voz bons plaisirs et commandemens, et nous sommes et serons tousjours prestz, au plaisir de Nostre Seigneur, de les accomplir, comme tenus y sommes et faire le devons. Nostre tres redoubté seigneur, le benoist Filz Saint-Esprit (sic) vous ait en sa saincte garde. :

Escript à Saint-Marcellin, le xxix° jour d’aoust.

Voz tres humbles et obeissans serviteurs :

LE SIRE DE SAINT-AHOM, - Chevalier, lieutenant du seigneur de la Fayette, gouverneur, ET LES GENS DE VOSTRE CONSEIL EN VOSTRE PAYS DU DAULPHINÉ !.

Le Dauphin aux gouverneur et gens du Conseil et des Comptes en Dauphiné

11 septembre 1420.

‘A nos amez el feaulx le gouverneur ou son lieutenant et les gens de” nostre conseil et des comptes de nostre pays du Daulphine.