Ms. fr. 2701, f

Quel était le sentiment de Jean Jouvenel sur la question qui devait être résolue à Bourges? Le passage suivant est fort instructif sous ce rapport :

« Et encores y a il une aultre chose forte à considerer, c’est assavoir que c’est du contenu de la Pragmatique sanction. C’est consentir que les status, ordonnances, constitulions et loys des sains consilles generaulx des Saints Pères et de vos predecesseurs soient gardés et observez; ont puissance vous ne les prelas de vostre royaume les immuer ou innover, ou conseillier effectuelment chose qui les doye muer ou interpreter? je croy que non. Et combien que ce soit les decrès du conseil de Basle, toutevoye ceux qui estoient à Basle ne les ont pas fait de nouvel ; ce sont les anciens que ilz ont ordonnez estre gardés et observez ; et se aucune chose y a esté muée, ce a esté plus les adoulcir queaultrement, et ce qui par eulx fut fait fut à paine ratiffié et emologué par Nostre Saint Père Eugène. Et si dit on que Nostre Saint Père Nicolas, qui au jour d’uy est, a dit plainement que il ne luy en chault. Et tout ce qu’il fait faire ses diligences de la muer ou changer ce sont aucuns aspoir cardinaulx et aultres de court de Romme qui ne ont regard que à leur singulier proffit pour mener les grans estas et bobans desplaisans à Dieu et au monde... Et se on me disoit que ès assemblées où j'ay esté mon oppinion estoit, en effect, que il la valoit mieux muer, bien est vray que j'ay dit que de deux maulx le mendre est à eslire, et que c’est mains mal, tout consideré, de la muer et changer selon les articles pourparlées entre les ambaxadeurs du Pape et de vostre conseil, que d’en user comme on fait, car la forme et manière d’en user estoit inciville et desraisonnable, de present en partie la chose cesse; et ne faisoient pas les prelas,au moins aucuns, leur devoir selon le contenu d’icelle, mesmement au regard de conferer les benefices. Et croy en tout bon jugement que il fault practiquer la regle de droit : Michal est enim tam naturale unumquoque dissolvi quam eo ligamine quod ligatum est. C’est assavoir que la response du Roy devroit estre que Nostre Saint Père fist consille general, ainsi qu’il l’a promis, comme l'en dit; et que le Roy y envoieroit, et ce qui seroit deliberé et conclud le Roy tendrôit ; et espoir ce seroit ung grant bien; car le Pape par ce moyen se esmouveroit plus tost à la tenir‘. »