ORAISON PRESENTEE PAR LE ROY A NOTRE DAME DE CLERY

Vierge du ciel, vierge en terre honnorée,

Vierge sans per1, mère et fille de Dieu,

Vierge par qui la vie est reparée,

Fay recepvoir ma priere en ce lieu.

1 Sans égale, sine parem.

PIÈCES JUSTIFICATIVES

Fay recepvoir les grâces et louanges Qu’ores je rends a ton filz et seigneur,

Seul filz de Dieu, et créateur des anges,

De tout le monde autheur et gouverneur.

Je recognoys de sa main liberalle Me estre advenu tout le bien que je tiens :

Je tiens de luy la couronne royalle,

Estât, honneur, sens, corps et ame et biens.

Je recognoys que les chevaux et armes Peu serviroient sans son divin povoir,

Et qu’on ne doibt, en nombre de gens d’armes, Ains en luy seul, mettre tout son espoir.

Je recognoys la force et la victoire Venir de luy avecques le bonheur.

Je luy en rends entièrement la gloire,

Car de tout bien luy appartient l’honneur.

C’est le Seigneur des celestes armées,

Le Souverain monarque et Roy des Roys.

Ses forces sont sur toutes estimées,

Ses exploictz grands, et ses jugemens droictz.

D’un seul clein d’œil il gouverne le monde,

Il ha partout le plein commandement,

Au ciel, en terre et en la mer profonde,

Ce qu’il dict est acomply promptement.

Par luy les roys régnent et font justice,

Et ses subjectz sont promptz à obéir.

Son septre faict, par reiglée polyce,

Les meschantz craindre, et les bons resjouyr.

Je recognoys qu’en tous mes grands affaires Il m’a tousjours gardé de pas en pas,

Et il fera encor mes adversaires Mettre à raison ou renverser en bas.

Bien me desploit que par hosti lie guerre Je sois contrainct deffendre mes amys Et mes subjectz, et recouvrer la terre 1 Qu’à très grand tort tiennent mes ennemys.

Je vouldroys bien amollir leur couraige,

Et là prétend ceste myenne oraison,

Ou d’impetrer sur eulx tel advantaige Qu’ils soient contrainctz me faire la raison.

Affin qu’apres, au temps de paix heureuse,

Ton filz soit myeulx servy et aoré,

Et qu’en la France, en tous biens plantureuse,

Je puisse veoir le vieulx siècle doré

Fleurir vertu, charité et prudence,

Et observer sa pure et saincte loy,

Regner justice, honneur et sapience,

Et dessus tout la chrestienne foy.

14 avril 1583.

Devis pour la fortification du bourg de Cléry. — Arch. du Loiret. Fonds de Cléry: Clôture.

Estât de ce qu’il convient faire pour l’enclosture de la ville de Clery, s’il plaist à la Majesté du roy nostre sire.

Premièrement, pour faire ladicte enclosture a esté thoisé le circuyt de ladicte ville, a commencer a la porte qui est vers Orléans. Jusques au coing du fossé de ladicte ville vers les vignes du cloz des Bergeretz a esté trouvé icelle bauche contenir soixante thoises, auquel coing fault faire une tour, lx th.

Item, depuis ledict coing jusques à la porte qui est sur la rue a aller dudict Clery à Meung sur Loire, contient ladicte

t- Les Trois Évêchés, qu’Henri II reconquit dans cette campagne.

PIÈCES JUSTIFICATIVES

bauche huict vingtz quatre thoises de longueur, et fault refaire ladicte porte, et fault faire une tour entre lesdictes huit vingtz quatre toises a l’endroict le plus commode, viij xx iiij th.

Item, depuis ladicte porte de Meung jusques a ung voulge auquel faut faire une tour, à l’endroit de la terre ou jardin de Mathurin Nahier, contient icelle bauche de longueur cinquante thoises, sans comprendre ladicte tour. 1 th.

Item, depuis ladicte tour qu’il fault faire jusques au coing et bout du fossé de ladicte ville vers la rue de la thorelle, y a de longueur huict vingtz thoises, sur lequel bout de fossé fault faire une tour, et une autre tour au mittan, non comprises oudit thoisage. viijxx th.

Item, depuys ledict coing de fossé tirant a la porte de ladicte ville a aller à Bloys, contient ladicte bauche quarente thoises de longueur, xl th.

Item, depuys ladicte porte jusques a l’aultre bout et coing de fossé qui est vers la rue de Chenaubry, ving cinq thoises de longueur, auquel coing fault faire une tour non comprise oudict thoisaige, xxv th.

Item, depuys ledict coing de fossé jusques aux murailles du

cloistre dudict Cléry, y a de longueur six vingtz dix thoises, et fault au mittan faire une tour, non comprise aussi oudict thoisage, vj*xx th.

Item, lesdictes murailles dudict cloistre servent declosture vers la Sollongne et n’ont esté thoisées, et régnent icelles murailles jusques a une tour qui est au bout du jardin de Monsieur Parent, chanoyne de Cléry, et fault commencer a clorre depuys ladicte tour jusques au coing du fossé du boys de Beaulieu vers les Bordes, contient ladicte bauche de longueur tirant vers le vent d’amont soixante thoises, auquel coing de fossé fault faire une tour non comprise audit thoisage, lx th.

Item, depuys ledict coing de fossé de Beaulieu tirant a ung voulge sur le fossé qui est vers la rue des Bordes, contient icelle bauche de longueur soixante seize thoises, auquel voulge fault faire une tour non comprise audict thoisage,

lxxvj th.

Et, depuis ledict bouge jusques a la porte qui est vers Orléans, contient ladicte bauche de longueur quarente thoises,

xl th.

Somme toute dudict thoisage : huict cens thoises, chacune thoise portant quatre thoises de murailles compris les fonde-

mens, ayant par le fondement deux piedz et demy d’espesseur et hors ledict fondement deux piedz d’espesseur, a chau et sable et pierre; au pris de quatre escuz sol. chascune thoise, reviendroient toutes icelles murailles a la somme de douze mil neuf cens escuz.

Plus convient faire faire les neuf tours susdictes de pareille profondeur, haulteur et espesseur que les murailles cy devant declairées, estans lesdictes tours de deux thoises de largeur en carré ou rondeur, compris les euvres ; montera chascune tour a trente deux thoises au prix que dessus ; reviendront ensemble a la somme de unze cens cinquante deux escuz.

Et oultre, pour deflaire et refaire la porte qui est vers Meung sur Loire de l’espesseur qu’elle est a présent, et aussi pour mettre les troys aultres portes a la haulteur qu’il convient suyvant le ediffice d’icelles encommancé, reviendront en tout a la somme de huit cens escuz.

Somme toute pour ladicte enclosture quatorze mil huict cens cinquante deux escuz sol.

Faict le jeudi, quatorzième jour d’apvril mil cinq cens quatre vingtz et troys.

25 mai 1583.

Ordre royal de contraindre les habitants de Cléry et d’une lieue à la ronde à concourir aux travaux de clôture et fortification du bourg de Cléry. — Arch. du Loiret. Fonds de Notre-Dame de Cléry: Clôture. Orig. sur parch.

Henry, par la grâce de Dieuroy de France et de Polongne. Au bailly d’Orléans ou son lieutenant, salut. Noz chers et bien amez les manans et habitans du bourg et paroisse de Saint André de Clery nous ont faict entendre que, suivant le commandement que nous leur avons faict, ils désirent faire continuer la fermeture et closture dudit bourg, suivant la permission qu’ilz ont des feuz roys noz prédécesseurs, et a cest effect, par noz lettres patentes, leur avons permis d’imposer et lever sur eulx la somme de trois cent cinquante escuz sol par an, jusques a ce que ladite closture soit faicte ; et avec ce désirent eulx mesmes d’y besongner et travailler à tour, baillant et fournissant charroys et chevaulx ceulx qui

PIÈCES JUSTIFICATIVES

en auront pour ladite closture, par journées et corvées. Toutesfois, a ce que aucuns tant desdits habitans dudit bourg et parroisse de Saint André que de une lieue a la ronde, attendu qu’ils auront commodité a ladite closture, n’y fassent difficulté, ilz nous ont très humblement supplié leur octroyer noz lettres a ce convenables. Nous à ces causes, desirans leur subvenir en cest endroict, avons déclairé et ordonné, déclarons et ordonnons, voulons et nous plaist que tant lesdits habitans dudit bourg et paroisse de Saint André de Clery que de une lieue a la ronde travaillent et besognent à tour, baillent et fournissent charroys et chevaulx ceulx qui en auront pour ladite closture par journées et corvées jusques à la perfection dicelle. Et à ce faire et souffrir, de l’advis des doien. chanoynes et chappitre dudit Cléry, sieurs temporelz dudit lieu, les contraignez et faictes contraindre par toutes voyes deues et raisonnables, mesmes comme pour noz propres affaires, nonobstant oppositions ou appellations quelzconques, pour lesquelles et sans préjudice d’icelles ne voulons estre aucunement différé, et quelzconques ordonnances, mandemens, deffences et lettres à ce contraires. Car tel est notre plaisir. Donné à Paris, le xxv' jour de may, l’an de grâce mil cinq cens quatre vingz et troys, et de notre règne le neufiesme.

Par le Roy,

Pinart.

9 novembre 1571 1

« Extrait des registres capitulaires de l’Eglise royalle de Cléry ». — Arch. du Loiret. Fonds de Notre-Dame de Cléry. Copie informe sur papier.

Messieurs Le Gallois, Frogier, Bouteiller, Soureau et Tureau, assemblez et capitulans, suivant l’assignation donnée a chacun de Messieurs en particulier, par ordonnance du samedy 3e du présent mois, a la reserve de M. de la Motte qui

1 La suite de ce document nous avait fait mettre en doute l’exactitude de la date d’année. Mais c’est bien en 1571 que le 3 novembre fut un samedi. En 1588, ce fut un jeudi. Ou peut-être faudrait-il lire 5e au lieu de 3e?

HISTOIRE DE CLÉUY

est a la cour du Roy, pour délibérer sur certains projets des anciens statuts de tout temps observes en cette eglise, rapportés par ledit sieur Le Gallois, ancien chanoine, lequel dit sieur Le Gallois, humble chanoine de Peglise collegialle et chapelle royalle de Notre Dame de Clery, remontre et affectueusement supplie messieurs ses confrères de considérer que apres avoir ete par trois fois égarés, vagabonds et fugitifs, et en grand danger de leur vie, ils ont entièrement perdu tous les ornemens, meubles et autres choses appartenant à leur eglise, pour avoir été brûlez par deux fois leurs biens meubles, tittres et enseignemens de leurs rentes et revenus, maisons canonialles, et autres particulières ruinées, brulees et sacagees, avec une infinité de maladies intervenues par frayeur, dont plusieurs sont morts de melancholie, ennuy et fâcherie, pour punition de nos fautes et offenses que le juste Juge nous a fait patir, et fera si nous ne nous réconcilions fraternellement ensemble, delaissans toute rancune et autres choses indignes d’un chrétien, puisqu’il n’observe pas les commandements de Jesus-Christ, qui dit : Mandatum nomim do vobis ut diligatis invicem sicut dilexi vos , et autres passages de la Sainte Écriture. Partant la réconciliation, paix et amitié fraternelle est necessaire pour faire bon œuvre, et estre amis de Dieu, ce qui est facile à faire a tout homme qui a le cœur net et bien assis. Joint aussy a la bonne admonition de Monsieur le procureur general du Parlement de Paris, passant dernièrement par ce lieu de Clery, et autres grands seigneurs, gens de bien. Etans donc a présent en paix et aucunement assurés pour faire assistance a tout ce qui a été interrompu et discontinué pour les raisons que dessus, et pour la pauvreté et rareté des gens d’eglise qu’on ne peut trouver pour venir habiter en ce lieu solitaire, deux fois sujet a gens de guerre, et plusieurs autres incommodités qui etrangent spécialement les gens d’eglise pour avoir essuyé deux fois lesdits troubles, qu’il faut esperer estre assoupis, et avoir bonne esperance avec l’ayde de Dieu en se mettant chacun en son devoir de rétablir et suivre les anciens sentiers et chemins de nos prédécesseurs. Pour quoy faire ledit Gallois, ancien chanoine, baille et présente en chapitre à ses confrères un reglement et ancien statut observé en ladite eglise par cydevant, et devant les troubles advenus en ce royaume, suivant les ordonnances et coutumes louables a icelles églises colle-

PIÈCES JUSTIFICATIVES

gialles, pour faire iceluy statut observer et approuver par toute la compagnie au chapitre general prochain, ou plus tost s’il est possible.

Du 18 novembre 1588

Copie d’un ancien statut rapporté par M. Le Gallois, ancien chanoine, a la compagnie, suivant l’ordonnance du 9 novembre, sur la remontrance par luy faite a la compagnie.

Pour gaigner les distributions ordinaires il faut résider et assister au service divin fait et célébré en cette église, singulis diebus et horis. Et ne sont exempts d’iceluy sinon ceux qui sont malades au dedans du cloistre et du bourg de Cléry, et ceux qui sont empechez et commis pour les affaires de l’eglise.

Pourront neantmoins infra tempus tremcstre continue vel discontinue vacquer a leurs affaires particulières.

Les obits, processions, et stations se gaignent seulement par les presens qui y auront assisté.

Toutes et chacunes les offertes, casuel, lots et ventes, profits de fief, amendes et autres droits seigneuriaux n’appartiennent que aux presens et qui seront trouves residens alors, et qui se présenteront et adviendront, fors et exceptez ceux qui seront trouves dans le temps dans leurs dies ; la portion des autres absens sera employée pour la fabrique et les réparations de l’Eglise.

Les gros se gaigneront a deux testes solemnelles, scavoir par ceux qui assisteront a la Vigile de l’Ascension de nostre Seigneur aux premières vespres et complies, et dans le jour a matines a la procession, a la grande messe, a vespres et complies tout au long, et pareillement la vigile et le jour de la Conception de Notre Dame au mois de décembre, et au chapitre general du lendemain desdites deux testes.

Le gain du gros qui resuite de l’assistance desdites deux testes consiste en vingt livres en argent, quatre muids de froment, deux muids de segle, trois muids d’avoine et quatre arpens de prés ou environ, ainsy que les portions sont de longtemps taillées et reçues par droit d’option, et si quelqu’un ne gaigne que la moitié desd. gros, ne luy appartiendra que la moitié de ce que dessus, l’autre moitié viendra au profit et accroissement de ceux qui auront gaigné tous les deux.

Qui aura résidé continuellement a commencer le jour de la

Nativité de saint Jean Baptiste jusques au jour de Noël ensuivant et inclus et compris, ou per majorem partem cinni continue vel discontinue, il aura gaigné entièrement tous gros fruits.

Les gros fruits consistent en tous grains, bled froment, seigle, orge, avoine, poix, feve, porcs, chapons, poules, poulets, pigeons, oizons et alla hujus modi.

Lesdits gros fruits seront distribués par chacun an selon le gain d’un chacun a la feste de Toussainct ensuivant et autres jours qu’ils échoiront apres l’entiere résidence.

Les malades, comme dessus, et les commis pour les affaires de l’eglise seront repûtes presens en tout et par tout.

Surtout pour subvenir aux affaires de l’eglise et de la fabrique il faut une prebende foraine ou une onzième prebende qui ait en tout et partout la onzième partie de ce que dessus, excepté les porcs, poix, feves, et volailles, laquelle prebende foraine sera receüe par un desdits chanoines, ou autre qu’on verra bon estre, pour en rendre bon et loyal compte et reliquat, ensemble recevra tous les deniers qui seront trouvez dans les troncs et autres lieux qui seront appliqués aux besoings de la fabrique et aux réparations de ladite eglise.

Pour faire observer ce que dessus, il faut un pointeur fidelle qui soit eleu et commis en chapitre pour mettre en faute les defaillans, et luy faire entendre que l’entree a matines se doit faire dedans le Gloria patri du premier psalme du premier nocturne ; pareillement aux obits, savoir dans la fin de verba mea auribus percipe ; aux messes tant ordinaires que aux obits, dans l’epitre ; aux vespres dans le Gloria patri du 1er psaume.

Les messes de fondation doivent être dites et celebrees par les chanoines, chantres et habituez de ladite eglise, et pour n’y faire faute sera commis quelqu’un diceux qui y prendra garde, afin d’estre salarizes chaque semaine par le receveur.

Lesquels Le Gallois, Frogier, Boutillier, Soureau et Tureau, apres avoir entendu la lecture du présent statut, ont ordonné qu’il sera gardé et observé comme étant sainct et louable tant par les chanoines que par les chantres et habitués, et qu’au chapitre general prochain il sera délibéré plus amplement sur les autres affaires de lad. eglise.

PIÈCES JUSTIFICATIVES

Devis pour la fermeture du chœur de la crouppe de l’Eglise Notre-Dame de Cléry. — Arch. du Loiret, C. io ; original sur papier.

Premièrement fault faire ung autel, qui est au cœur de la crouppe de lad. eglise Nostre Dame de Cléry, au lieu d’ung qui a esté rompu, de pareille longueur et hauteur qu’il estoit le temps passé, sur les vieux fondemens qui y sont de présent et carier autour dud. autel de carreau de pierre dure.

Item fault boucher une arcade qui est au-dessus dudit autel à la longueur de sept piedz huit poulces, et de hauteur cinq piedz huit poulces, faire une corniche au bas de lad. arcade, et remplir icelle de parpins garnis de leurs fleurs de lys du costé des basses aisles, le tout de pierre de Bourré.

Item fault reparer ung pilier qui es-t proche de lad. arcade, et y faire une mouchette qui aura de hauteur sept piedz neuf poulces et de largeur dix poulces, de pareille façon que ceulx d’a présent et le faire de pierre d’Apremont.

Item fault faire dix huict balustres de pierre d’Apremont garnis de leurs basses et corniches de pareille façon que ceulx qui y estoient le temps passé, comme il apparoist à présent.

Item fault reposer deux autelz pour mettre les cloisons qu’il conviendra mettre de pareille hauteur et longueur qu’ilz sont à présent.

Item faultreparer les piramides qui sont à présent rompues et faire ung pied d’estal et piramide au dessus dudit pied d’estal, qui auront de hauteur deux piedz et demy au dessus des deux portes de l’entrée du cœur.

Item fault mettre trois rangs de parpins pour boucher les deux arcades a la hauteur de trois piedz qui auront d’espoisseur pour la première assiette sept poulces et le surplus de six poulces et seront de pierre de S. Fiacre.

Item fault faire trois rangs de parpins à la longueur de cinq toises, compris les portes de boys qu’il convient faire de pareille largeur et hauteur que dessus, de pierre de S. Fiacre comme dessus.

Fault faire des colonnes de boys de chesne en longueur de dix toises ou environ, tant pour la fermeture du cœur que aux

deux arcades et faire une porte de boys dans lad. cloison de cinq piedz de large sur six de haut pour entrer dans le cœur garnyes lesd. colonnes de leurs baze, corniches, frises et chapiteaux.

Item faire deux portes de boys a claire voye garnyes de leurs colonnes, bazes, corniches et architraves de pareille façon que dessus.

Item faire un châssis de boys de noyer à l’entour de la contretable du grand autel, attaché avec pattes de fer.

Item aud. grand autel fault mettre des pièces de rapport et remettre des quartiers de pierre de taille ou besoing sera.

Fault ferrer trois portes garnyes de leurs fermetures et serrures fermans a tour et demy, garnyes de leurs clefs et pattes de fer pour détenir les cloisons et les mettre ou besoing sera.

A la charge que l’entrepreneur reparera ou se feront les démolitions mesmes, cariera au dedans du cœur susdit de carreau de pierre dure generallement ou besoing sera et rendra place nette.

Sera tenu icelluy preneur fournir de toutes matières nécessaires ausd. ouvrages lesquelz il rendra faictz et parfaictz dans le jour et feste de Toussaint prochain venant.

Aussy luy sera faicte advance du tiers de la somme a quoy montera le présent bail, luy sera paye le second tiers à la mybesongne et le dernier tiers a la perfection desd. ouvrages, pour laquelle advance sera tenu donner bonne et suffisante caution comme aussi pour l’entier accomplissement dud. bail et aux fraiz d’icellui *.

7 mars 1628

Brevet royal autorisant le chapitre de Cléry à déplacer le chœur et le maître-

autel. — Arch. du Loiret, Cléry, Clôture. Orig. s. parch. lié aux lettres du

12 mars 1628.

Aujourd’huy vu6 mars mvic vingt huict, le roy estant à

1 Le 30 avril 1626, ces travaux furent adjugés au rabais à Jean Malcare, me maçon et tailleur de pierres à Orléans, pour 465 liv. Il présente en mai 1626 comme caution Charles Bourgeois, m« menuzier à Cléry, et comme certificateur de cette caution Pierre Lory, me maçon et tailleur de pierres à Orléans. Malcare et Lory ont signé.

PIÈCES JUSTIFICATIVES

Paris, Sa Majesté, ayant esté très humblement suppliée par les doyen, chanoines et chappitre de l'église collegialle Nostre Dame de Clery a ce qu’il luy pleust leur permettre de changer le cœur et maistre hostel de leurdite eglize, attendu la grande incommodité qu’ilz ont a faire l’office, pour estre ledit cœur trop estroit et trop reserré, estant remply chacun jour de grand nombre de pellerins, tel que d’ordinaire ilz sont contrainctz de quitter a la foulle et se retirer en une des chappelles prochaines pour y faire l’office, inclinant à leur requeste et supplication et désirant contribuer de sa part à ce que plus commodément lesdit chanoines puissent officier et servir en ladite eglize, comme ilz y sont obligez, ensemble rendre plus libre et facile l’accez ausdits pellerins pour y faire leurs dévotions, a permis et permet ausdits chanoines et chappitre de transporter le cœur de ladite eglize dans la crouppe bastie a cet effet audessus dudit cœur, et de rapporter l’autel de la vierge ou est le pellerinage devant le jubé du cœur, de telle sorte qu’il soyt miz a l’opposite du regard de la tombe du roy Louis Unziesme, comme il est a présent et plus particulièrement speciffié dans le desseing de ladite eglize attaché au présent brevet denotté par les lettres B, C et K '. Pour laquelle despense Sadite Majesté entend que les deniers seront pris sur ceux d’octroy que ledit chappitre de Clery a de coustume de prendre chacun an des trois soiz neuf deniers sur chacun minot de sel qui se vend et débité ez greniers a sel des generalitez de Tours, Bourges, Orléans, Moulins et Blois, a eulx accordez par lettres patentes de Sadite Majesté du xviie mars mil six cens vingt deux, qu’elle veult leur estre continué a l’effect susdit. Et pour tesmoignage de sa volonté m’a commandé leur expedier leur présent brevet, qu’elle a voullu signer de sa main et fait contresigner par moy, son conseiller et secrétaire d’Estat de ses commandemens et finances.