I007 REPONSE AUX PROPOSITIONS DE BERNE. T I

s'est raison que ceux qui auront commys plus de forfait ayent plus de privilège et de faveur que ceux qui seront seullement culpabies d'une faulte. Lesdilz suplians, par l'espace de deux ans environ, n'ont cessé de mesdire et détracter de nous par tout vostre pays, et non seulement en tavernes ou par les rues mais en pleine justice. Non seulement nous avons estez vilipendez entre voz subjetz, mais publiquement appelez murtriers, faux juges, brigans, traîtres, faux tesmoins : de quoy souvent nous vous avons advertys, vous suplians ne vouloir soullrir que telz vitupères nous fussent faitz ; jamais nous n'avons peu impélrer de vous autre chose que d'estre renvoyez par devant voz ollîciers pour demander justice desdites injures. Après avoir par trop enduré, à nostre grand regret nous avons commencé d'en faire poursuite.

.\ous laissons à dire comment nous avons esté tenuz en suspend jusques icy par plusieurs délays. Quoy qu'il en soit, tant s'en faut que nous molestions lesditz condamnez que, à l'opposite, nous sommes contraints d'envoyer deçà et delà et noz gens signez, brocardez, injuriez, brefz injures tous les jours renovellées. en quoy il nous convient avoir patience, dont Dieu et le monde nous seront tesmoings. Là dessus vous demandez que nous accordions des différons par moyen amiable, comme si nous estions pareiiz à des malfaicteurs pour transiger avec eulx, ou bien que une Ville et communaulté avec sez gouverneurs et cliefz, après avoir souffert tous opprobres, dbeubt venir en tel appointement.

Tochant ce que vous demandés que totes les causes soient réduites en une justice, nous voudrions bien sçavoir si vous entendez que lesditz condamnez, après nous avoir si vilainement diffamez çà et là par tous les marches, tribunalz et places publiques, doibvent estre quictes en nous criant mercy en un seul lieu ; et voilà pourquoy nous avons dit que si cela estoit, d'autant plus qu'ilz se seroient débordez ilz en auroient tant meilleur marché. Ce ne seroit pas selon l'attente que nous avons conceue de voz lettres, que vous commanderiez à tous voz officiers de nous faire bonne et briève justice : qui plus est quant vous nous renvoyez par devant vostre baillifz de Ternier, nous sommes esbahys que vous ne pensez point que lesditz condamnez ont exercé jusques ycy comme une volerie ordinaire au pont d'Arve, comme si les confins de vostre pays estoient une retraite d'ennemys pour nous assallir et molester. Et maintenant s'ilz ont à plaider là, l'excuse de continuer leur sera donnée, comme s'ilz faisoient résidence au lieu auquel ilz ont procès. Pour le moins nous ne doubtons pas qu'ilz n'ayent usé d'une telle finesse et ruse, mais s'est à vous de considérer si nous debvons estre ainsin foulez de plus en plus, sans chercher aucung remède d'allégement. Parquoy derechefz nous vous prions qu'il vous plaise donner ordre que telle réponce nous soit faite, partout où ils ont offencé, comme le cas le mérite.