SUITE DE CETTE REPONSE

Quant à ce que vous dictes que nous avons deffendu de donner ayde ne faveur à luy ny à ses consors, jusques à pugnir les enfants postumes, il nous faicl mal quant tant de choses vous sont rapportées du tout frivolles qu'elles sont si facillemenl receues. Xous ne ferons point comparaison de vous à nous, car nous sgavons bien (juelle est nostre petitesse non seulement en puissance mais aussi en sçavoir, ainsy il n'est jà besoing de dire quant telles choses nous seroient rapportées de vous que nous ne les vouldrions jamais pensé, mais si on nous les disoit de noz semblables ou s'il s'en trouvoit de moindres que nous, encores vouldrions nous enquérir devant que juger. Vray est que nous avons donné une sentence (jui tournera au dommaige des enfans orphelins d'un trespassé et mesmes d'ung postume; mais elle n'est pas fondée sur ce qu'on vous a donné à entendre, et pensons bien, quant vous eussiés eu à juger en nostre lieu, que vous n'en eussiez pas faict moins, car nous vous estimons si prudens seigneurs et si bien atîectionnez à vostre estât public que, si ung de voz bourgeois avoit déclaré qu'il désiroit qu'à ses despens on poursuyvit à molester la communaulté, que vous ne l'espargneriez point et tant moins le bien qu'il auroit exposé en chose si meschante. Toutefois il n'y a jamais eu défense si rigoreuse comme on le vous a donné à entendre. Et l'expérience l'a monstre, veu que jamais nul des condamnez n'a esté privé de poursuivre son droict, parfaulte de procureur, en toutes causes particulières, tant pour défendre leur bien (ju'en tout ce qui n'attouchoit point le procès criminel auquel il falloit bien qu'ilz respondissent en personnes. Ainsi nous vous prions, au lieu d'escouter ces bruitz tant frivoles, qu'il vous plaise S(;avoir la vérité devant que nous condamner.

De ce (pie vous nous reprochez qu'à vostre requeste et des très baullz, magniOcques et très redoublés Seigneurs des Ligues, nous n'avons point voulu octroier sauf-conduict audit Perrin et à ses adhéranlz pour se justiffier en leurs crimes, nous pensions bien vous avoir contentez par noz excuses tant raisonnables. Pour le moins nous espérons que les très haultz, magnilicques et très redoublés Seigneurs des Ligues cognoistront et ont desjà congneu que nous ne pouvions mieulx faire que ce que nous avons faict. Or combien que nous espérons aussi que vous serez modérez et appaisez par ceste response pour nous laisser poursuyvre nostre droict, toutesfois nous sommes contrainctz de réplicquer ung mot sur la menace (]ue vous nous faictes de donner congé audit Perrin et à ses adhérantz d'envahir noz biens par justice. Premièrement le mot emporte d'usurper par force, ce que nous trouvons bien estrange, veu qu'il n'est {]uestion que de faire rendre compte à ung receveur de ville du bien (lu'il a détenu de la communaulté. Xous estimons bien que ne nous vouldriés faire pis que le duc de Savoie soubz lequel ung nommé Bernard Boulet, qui avoit manié les deniers de la Ville, fust contrainct d'en venir rendre icy compte.