DEFENSE FAITE DE LA PART DE L EVEQUE
DE CONVERTIR, TRAFIQUER, ETC., AVEC LES PRÊCHEURS DE LA SECTE LUTHÉRIENNE, tES SYNDICS, LES BOURGEOIS QUI LA FAVORISENT.
13 juin 1555.
Archives de Genève. Portefeuilles des pièces historiques. Dossier N» 1125.
Causant les erreurs qui s'engendrent en la cité de Genefve par les prédications et les doctrines d'aulcuns prêcheurs luthériens , faulx interpréteurs de la saincte évangille et escriplure, prévaricateurs de nostre ancienne saincte foys catholique et commandement de nostre saincte mère l'Eglise, supportés et maintenus par les sindiques et aultres citoyens,
bourgoys et habitans de la dite cité, qui par amonitions gratieuses que Iheur soyent esté faictes ny si sont vouUu émender ny corriger, ayns ont renuncés tous les sainct sacrement de nostre saincte mère l'Eglise, marier les preslres, abbattus et mis à terre les croyx, image de nostre Dame, saincts et sainctes de paradis et les églises suyvant la loy judayque, veuillient du tout anichiler la cresciente et mémoyre de nostre Rédemption, la passion de nostre Sauveur et Rédempteur Jésucrist, veulliant obvier que l'infeclion de telle meschante secte luthérienne ne soyt semée hors la dicte cité et diocèse de Genefve, par la conversation, fréquentation et familiarité que l'on porroyt havoyr avecque les dits faux et meschans prêcheurs, prophètes de l'anteerist et aussi Sindicques, citoyens, borgeois et habitans en la dicte cité, fauteurs des diclz faux prescheurs, l'on amoneste de la part de très rérévérend père en Dieu monseigneur l'evesque et prince de Genefve toutes manières de gens de quelque estât, condition et prééminence qui soyent de ceste heure en avant ne soyent ousé ny si ardis parler, participer, converser, marchander, servir, donner faveur ny ayde ausdictz Sindiques, prescheurs et citoyens, bourgeois et habitans en la dicte cité de Genève, tenant la dite secle luthérienne secrètement ny publiquement par soy ni par aulcungallié,ny venirenla dicte cité sur penne de excommunication et de xxv livres cà devoyr poyer sens aulcune rémission, la moytié à la partie qui les accusera, et l'aultre moytié au procureur fiscal de nostre dict seigneur de Genefve, pour un chascung faisant du contraire, et ce durant le temps que les dicts faulx prêcheurs seront en la dicte cité, et jusques à ce eux et les dictes erreurs soyent degettés et que tous soyent retournés à nostre saincte mère l'Eglise, ayant aultre mandement de nostre dict seigneur de Genève. Donné Arboex. ce xiij de juing mille v. XXXV, par le dict très révérend seigneur évesque et prince de Genève, Pierre, évesque et prince de Genefve. Machard.
Exlractum est summarium supra scriptum et vulgarizatum a propria original! in latino descripto débite signato et sigillato prout actestor ego subsignatus Régis.
