LXXXIX. — Quando ad missam dicatur « Credo

Omnibus diebus dominicis dicitur Credo in unum Deum per totum annum ; ad minorem missam in conventu nunquam dicitur. Ad omnes missas in Nativitate Domini dicitur; dicitur in Epiphania, in Dedicatione, in Ascensione et in omnibus festivitatibus sanctæ Mariæ, in Inventione sanctæ Crucis et in Exaltatione. De Angelis non dicitur. In festivitate Omnium Sanctorum dicitur et in festivitatibus apostolorum, videlicet in festivitate Philippi et Jacobi, Pétri et Pauli, in festivitate sancti Jacobi, in festivitate sancti Bartholomæi, in festivitate sancti Mathæi,

in festivitate Simonis et Judœ, in festivitate sancti Andreæ, in festivitate sancti. Thomœ, in festivitate sancti Johannis evangelistæ, in festivitate sancti Mathiœ. In Circumcisione non dicitur nisi in dominica evenerit; nec in Cathedra sancti Pétri nec in Conversione sancti Pauli nec in festivitate sancti Johannis ante Portam Latinam nec in Commemoratione sancti Pauli nec ad Vincula sancti Pétri.