XX VII

Jugement des Reneurs de Flandre, en pleine cour convoque en la salle de Lille, touchant les redevables de rentes de Flandre, en retard de s’acquitter, confirme par la comtesse Marquerite *.

Nous Margherite contesse de Flandres et de Haynaut, faisons savoir a tous:

Ke comme nous eussiens mis en nostre liu nostre chier serjant et foiable Phelipon de Bourbourg , segneur de Verlenghehem, pour tenir nos plais de la Reenenghe dou termine de la nativité S. Jehan Baptiste nouvelement passee, et li eussiens dounet pooir de tenir nostre justice et de faire depar nous quankes 2 a la dite reenenghe appartenoit et de conjurer nos reeneurs de Flandres, entre les autres besoignes il les conjura quil deissent par jugement comment on devoit ouvrer et ke on devoit faire de ceaus ki longhement defailloient de paier nos rentes de Flandres. — Seur ce a la semonse dou devant dit Phelipon, nostre reeneurs de Flandres, en plaine court banie en nostre sale a Lille ensegnierent et disent par jugemens ke des ore en avant perpctuement tuit cil ki tienent et tenront en nostre contet de Flandres terres ct iretages , rente devans a nous et à nos successeurs seigneurs de Flandres, ki defauront de paier lor rente par trois ans ensemble, perdent les terres et les iretages devant dis perpetuement , et quil soient et demeurent as segneurs de Flandres, a tous jours. Leoquel jugement nous loons et greons et confermons. Et mandons et commandons a tous les

1 Archives de la chambres des comptes à Lille, 1er cartulaire de Flandre, pièce n° 329. De S'-Genois, pag. 658.

Voyez la note sur le règlement de juillet 1232.

2 Pour autant que, tout ce que.

Baillius de Flandres, ki sunt et seront, quil, tout ensi ke devant est deuisei, le facent tenir chascuns en sa baillie perpetuement. Et quil, au plus tost quil porront apres ce quil auront veues ces letres , facent ce jugement anoncier et crier, par diemence u par jour de feste , par toutes les parroches de lor baïllies. Ce fu fait en lan del incarnation nostre segneur Jeshu Christ M.CC. sissante et seze, le semedi apres le Magdelaine.

XX VIIT*.

Droits d'un marechal hcréditaire de l'hôtel du comte de Flandre".

Septembre 1282.

Nous Guys cuens de Flandre et marchis de Namur faisons savoir à tous, que comme notre chière dame et meire Margherite de bonne memoire jadis contesse de Flandres et de Ilaynau, feist une eschange à Monsieur Bauduin de Bailleul, qui fut li quels fut huissiers heritables de Flandre en teille manière , que elle li donnast à luy à son hoir le mareschaucie de Flandres a tenir heritablement , pour huisserie qu’il tenait devant dicte , et li donnast avec et son hoir heritablement, chascun jour qu'il seroit en l'ostel le seigneurs de Flandres, aveine a chinc chevaux , trois souls de le monoie de Flandre pour ses wages , x coupons de candelles, teille que on le livre et sient livrer en l’ostel de Flandre, ij pos de vin a le mesure de Flandre, et que de sa mesnie mengassent en l'ostel de Flandres tant que a chine chevaux appartient, et li donnast aussi ij paire de dras par an; c'est asavoir a noel une paire, et a penthecouste l'autre paire, ou cent souls de le monoie de Flandre pour

1 Archives de la chambre des comptes à Lille , cartulaire oblong, folio 183. Cité par De S!-Genois, Monumens anciens, pag. 703.

chascune paire , et teille droiture avec que li marescal de Flandre ont en lost, quant li sires y va. Nous l’eschange et le don en teil maniere comme deseure est devisey, greons, loons et approuvons et l'avons en convent, a tenir fermement pour nous et pour nos boirs seigneurs de Flandre à tous jours, à notre ame et foyable Monsieur Sohier de Bailleul, fil et hoir Monsieur Bauduin devant nommey et a son hoir heritaublement sans jamais aler encontre. En tesmoignage de laquel chose nous avons ces presentes lettres fait sceller de nostre scel, qui furent données l’an del incarnation nostre seigneur mil CC IIIT xx et deus, el mois de septembre.