ÊT. TEXTE FRANÇAIS D'UN AUTRE STATUT, ÉMANÉ DES ÉCHEYINS DE BRUGES

C'est li ordenance de tenir la Hanse con apiele Hanse de Londres et entre ceux de Bruges 2.

$ 1. Au premier doit-on savoir con doit par droict ceste hanse wacgner en Engeltière ou à Bruges et con ne peut en nul lieu sir 3

1 Témoin, en flamand getuyyge.

2 Archives de la ville de Lille, registre aux titres À L A1, fol. 128, et Archives du nord de la France ,tom. I, pag. 182.

3 Sér pour séer, siéger.

à la hanse , sil ni a home de Bruges ki soit quens de la hanse et ki nait la hanse de Londres gaaigné.

6 2. Li scildrake doit estre d'Ypre; et se il ni avoit nul d'Ypre ou on hanseroïit, on devroit prendre un scildrake de Dikemue. S'il n’en i avoit nul de Dikemue si en prendroit on un de Rodenborc ; se il n'en i avait nul de Rodenborc si prendroit un d’Audenborc ; se il avenoit cose ke nus de ciaus ni fussent, on ne devroit mie lassier pour cou 1! a hanser par ensi ke il i eust I de Bruges. Et on devroit prendre a escildrake celui ki plus procains en fust , et ki seroit scildrake, il devroit avoir sa hanse de Londres.

6 3. En tous lius ou on siet droite hanse, doivent cil d'Ypre avoir IV arbitres; cil de Tornay 1; cil de Lille 1; cil d'Orcies ]; cil de Furnes I ; cil de Dikemue I] ; cil de Rodenborc III ; cil d'Au- . denborc Il; cil d'Osteborc Î; cil d’Isendike T; cil de La Mue 12; cil de Bruges autant com tout li autres, et se ce fust cose ke tout cil ni feussent mie, on ne devroit pour cou mie lassier a hanser par ensi quil i eust I de Bruges et L escildrake, et arbitres de II viles.

$ 4. Nus ne peut avoir la hanse francement se ses pères ne la eue, et se ce fust cose ke ses peres leust eue et il le volsist waaignier , il devroit donner V sols et III deniers d’estrelin. De ces deniers devra avoir li cuens de la hanse V sols, li escildrake II deniers, li clers I denier. Et tout cil li quel pere neussent mie eut la hanse, ne sont mie franc, si doivent waegnier la hanse XXX sols et III deniers d’estrelins.

$ 5. On doit savoir ke ciaus sunt ovremarke, c'est a dire ki sunt de tel mestier come il i a chi desous escrit, comment il puet gaaignier la hanse; si come foulons, teliers, tordeur, carpentier,

1 Cou pour ceux , et pour ce.

2 L'auteur a imprimé Damme dans l’édition allemande. Nous suivons le manuscrit,

Îl est à remarquer qu’en joignant les villes, désignées dans cette pièce, à celles énumérées dans la précédente , on trouve précisément le nombre de XVII villes, savoir : Brnges, Ypres, Dixmude, Ardenbourg ou Rodenbourg , Oudenbourg, Tournay, Lille, Orchies, Furnes, Oostboury,

Yzendyke, La Mue (ter Muiden), Damme, Thourout, Bergues, Bailleul et Poperinghe.

faiseur de sollers , tinturier ki tignent de leur mains meismes et ki ont les ongles bleus, et bateurs de laines et ciaus ki afaitent les caudières et les chaudrons, ki vont criant aval les rues. Nus de ciaus ne puet avoir sa hanse se il na gaaignie sa conflarie! en la vile ou il est manans Ï marc d’or ou X mars d'estrelins, sans rien laissier , et si doit cesser un an de son mestier devant ke il puisse venir a la hanse et si doit fourjurer a tous jours son mestier, se besoigne ou povretés ne li fait faire. Et quant il aura cou fait puet il gaaignier sa hanse de XXX sols et III deniers d'estrelings. Et s’il avenoit cose ke aucuns de li fais venist en Angletière ki neust gaaignie sa hanse, on li prendroit tout cou qu'il auroit sans meffait. Et cius devroit fourjurer Ja tere a tous jours se il ni venoit en pelerinage , ou en serjanterie, ou pour sa hanse waengnier , et s’il avenoit cose ke aucuns de la hanse aportast ou amenast li fait avoir de gens de li fais mestiers come il i a chi devant nomes, on li prendroit quanke il auroit de li fait avoir sans meffait. Par cou doit on entendre ke nus nest ovremarke se il na fait mestiers ke il i a nomes chi devant de ses mains meismes.

6 6. Se il avenvit ke aucuns d'Engletière detenist a aucun de la hanse le sien, ou ke il li vendist faus avoir ou ke il li fesist en aucune manière tort, par ensi ke cius sen plainsist as freres de la hanse, et ke il coneussent ke ce fust vairs? se il i eust nul de la hanse ki eust a lui compaignie si com dacater u de vendre et il en fust venaus , il auroit perdue sa hanse duskes a cou qu'il lauroit amende.

$ 7. Saucuns a perdu sa droiture de la hanse il ne le puet gaainier fors en Engletière. Ce sunt li faites gens ki leur hanse ont et deviennent tailleur et ki poisent del peson fil et lainne et ki oevrent peaues daigneaus deleur mains meismes et vaire oevre de leur mains meismes, couretiers et tous ceaus ki poisent par livres, et ceaus redoivent regaaignier leur hanse de XII estrelins.

$ 8. On doit savoir ke nus de ces viles ki apartiengnent à la hanse ne doit autre arester , se il ne li doit dette en cele vile ou il l'areste et ke eskevin de cele vile le connoïissent, se il navoit tele cose meffait en celte vile, qu'on le devroit arester par la loi de la

1 Confrérie.

2 Vrai.

vile ou ke il fust banis de la vile, ou se on avoit contredit droit a faire en sa vile ou il seroit. ki contre cou feroit , il seroit en forfait de force enviers le conte et enviers celui, et si le doit cius aquiter de tous cous. force cest VI livres; 1II livres au conte et III livres a celui cui on a fourfait.

6 9. Tout cil ki voelent hanse en Flandres waegnier le puent gaaignier a Bruges tout en tel manière com il le gaaigneroient en Engletière, par ensi ke il doivent porter lettres de leur viles, comment il le puent gaaignier. Dont auront il congiet d'aler querre I scildrake d'Ypre. se il ne truevent nul d'Ypre si prengnent I de Dikemue, et sil ne treuvent nul de Dikemue, si prengnent I de Rodenborc ; et aveuckes celui convient aller gaennier leur hanse. Par cou samble nos eskevins de Bruges bon se il samble bon a nos compaignons de la hanse con escrise ! celui en I brief et son escildrake en I brief de quel liu ke il soit.

10. Or sacies signeurs ki estes compaignon dela hanse , ke nous solions avoir par droit tout le proufit de la hanse con gaagna à Bruges; mais pour vostre amistié et pour efforcier le comun de la hanse, volons dore en avant se il vous samble bon, con face une huge? a Il] cles, et tout cou ke il venra de la hanse ke li quens de la hanse et li escildrake voisent avoeckes la ou on metera cel avoir en la huge, et con nen oste nule cose se le ne soit pour le preu dou comun et par comun consel.

611. Dou pourfit ki venra de la hanse con gaaigne en Engletière, nous samble bon, se il vous samble ausi bon, con despendie la la moitié ou la tierce partie, et con aporte li remanant en la huge pour efforcier le comun droit de la hanse.

6 12. Cou faisons nous eskevins de Bruges à savoir a tous ceaus ki apartiennent a la hanse ke ce sont li droit point ki apartiennent à la hanse. Et s’ili a chose trop grieve u trop legière, nous le volons amender par le kemun consel de vous tous.

1 Escrive, écrive.

2 Coffre.