XXIII

FORQUEVAULX AU ROY.

L'armée pour la Floride partit de Seville le vingt-six du

passé, et descendit à San-Lucar attendre le vent propre, lequel leur sera esté contraire tousiours depuis. La dicte armée consiste en vingt et sept navires, et trois pataches ; ils portent douze ou quinze cents hommes mal en ordre, bonne partie desquels est d'Auvergne, ou d'autres de vos païs, il y a quatre hourques de Flandres du port de trois cents tonneaux, et deux du port de cent, les autres sont de soixante, et de quatre-vints. Ils portent beaucoup de bleds,, poudres et boulets pour la Floride en laquelle Pierre Melendez marquis nouveau d'icelle faict fortifier quatre lieux pour les tenir contre les François, desquels ils se tiennent pour certain d'estre assaillis, et font bruict icy que Vostre Maiesté y envoyé huict mille bons soldats.

(1) Manuscrit 10751, fol. 207, inédit.

et trente grands navires , sans conter les autres des marchans particuliers

Madrid, 29 mars 1566.

XXIV (i).

FORQUEVAULX AU ROY.

Sire, depuis le partement du sieur de Villeroy, Tay eu audience du Roy et Royne catholiques pour la plainte et réquisition qu'il a plu à Yostre Maiesté me commander faire pour avoir iustice et réparation de ceux qui ont malheureusement et cruellement massacré vos suhiects de la Floride. La response n'y satisfaict en rien, que de parole^ disant avoir santi grand desplaisir du faict advenu; voilà tout. Sire , encore que le propos remonstré et respondu d'une part , et d'autre soit esté plus long, ainsi qu'il vous plaira voir la lettre que i'escripfe à la Royne. Ne voulant faillir de dire à Vostre Maiesté comment i'ay entendu que contant les gents qui passèrent avec Melendez et les douze ou quinze cents (qu'on veut estre icy deux mille) lesquels le vont trouver, il aura en tout six ou sept mille hommes, comprins d'autres Espaignols de la Neufve Ëspaigne, ce sont six cents hommes à cheval sur les isles de l'Espaignolle et de Coube, pour les passer en la Floride, afin de résister aux François s'ils y passèrent; c'est le bruit de ceste court.

Madrid, 9 avril 1566.