LU

Rémission octroyée à Fremy Houdrier, dit le Bouchier, de La Warde Maugier t , qici avait pris part aux effrois et assisté à Vincendie de la maison du sire de Fransures.

Mars 1360 (n. st.), à Paris.

Charles, etc. Savoir faisons à touz presenz et à venir nous avoir veu la requeste de Fremy Houdrier, dit le Bouchier, de la Warde Maugier, disans que, comme ou temps de commocions des habitans du plat païs contre les nobles de Beauvaisin et d'environ, le dit Fremy fust mandez de par une grant quantité d'iceulx habitans et leur capitaine assemblez à Bretueil en Biauvaisin, qu'il alast tanlost parler à eulx, sur peine de corps et de biens, il, pour doubte d'eulx, y ala, et fu requis d'aler avecques euU ardoir

^ La Warde-Mauger (Somme), arr. Monldidier, c. Ailly-sur-Noye.

plusieurs maisons des diz nobles, en disant que, s'il n'y aloil, Ten 11 arderoil toutes ses maisons, à cause de sa famé qui est noble, et quant il vist et sost leur volenté si deshordenée, et qu'il ne les en povoit retraire, il suppa avecques les dit capitaine et aucuns de sa compaignie, et paia leur escot, afin qu'il se peust départir d'eulx, ce qu'il fisl tantost après soupper, et s'en ala en sa maison à la dicte Warde et enmena sa dicte famé, ses enfans et aucuns de ses biens en un bois ou bochet, et d'iluecques ala à une autre maison à li apartenant de par sa dicte femme, à Frousures, accompaigniez d'aucuns de ses amis, pour les (leffendre et garder de son pouvoir, à la quelle maison les diz capitaines et habilans vindrent l'endemain devant diner, et avoient ce jour arse et gastée la maison du sire de Brebançon, et disoient qu'il arderoient aussi toutes les maisons du dit suppliant de par sa famé se il n'aloit avecques eulx, li quel, par sauconduit, s aparu et parla à eulx, pour double qu'il ne le meissent à mort et qu'il n'ardissent ses dictes maisons, et, si tost comme eulx le tenirent, eulx le menèrent maugré lui à la maison d'un chevalier, sire de la dicte ville de Fronsures i, et l'ardirent en sa présence, et, si tost comme eulx se départirent d'icelle ville, li diz suppliant s'eschappa d'eulx et s'en ala où sa dicte famé et ses enfans estoient, ne onques puis ne fu en la compaignie des dessus diz capitaine et habitans.... Donné à Paris, l'an de grâce mil CCCLIX, ou mois de mars.

Par monseigneur le régent, à la relacion du Conseil, presenz messeigneurs le chancellier de Normandie, maistre Pierre de la Charité et Guillaume Le Becot : Maroeil.

JJ. 90, n° 476.

1 Fransures (Somme), arr. Montdidier, c. Ailly-sur-Noye.