LE MAIRE DE BELGES

Sont en tous lieux si amples et diffuses Que tout cela n'y vauldroit deux festuz.

Que feray doncq en ces dures battailles ?

Formeray je layz de diverses tailles,

Chantz d'elegie ou queruleux * respons ?

Tout me duyroit et les grains et les pailles

Pour déplorer ces tristes funérailles,

Et pour blasmerla mort et ses tenailles,

Qui scet livrer de si terribles bontz ^.

Mais je n'ay plus ung Virgille qui plaigne

Son Mecenas, ne Catulle qui daigne

Gémir la mort des petits passerons ^ ;

Maistre Alain dort, dont de dueil mon cueur saigne.

Qui pour Millet sa plume en tristeur * baigne;

Grebant qui pleure ung bon roy l'accompaigne :

Si ne sçay plus désormais que ferons.

Encore est hors de ce mondain fabricque ^ Ung mien privé, Robertet magnificque Qui mon feu George en grant pleur honnoura. Et Sainct Gelais colourant maint canticque, Plourant son roy plus cler que nul anticque, Les a suivy. Si croy que rhétorique Finablement avec eulx se mourra.

Ung bien y a que encor me reste et dure, Mon Molinet mouïant ileurs et verdure, Dont le hault bruit jamais ne périra, Et ung Crestin tout plain de flouriture. Que je conserve en vigheur et nature ; Et toy d'Anton, car la tienne escripture Et ta Cronicque à tousjours fleurira.

Si ay je encor quelque autre amy en règne. Qui mon beau clos cultive à pleine resne. Et bien y scet maint plantaige ^ rengier ;

1 Plaintifs, de querulux.

2 Assauts.

* Passereaux.

* Tristesse.

s Pris dans le sens du lalin fabrica, qui signifiait toute espèce de travail d'art, de construction, etc.

* Plante, plantation.

C'est ung second Robertet qui ahenne * Toujours dedens, et jamais ne s'y tenne 2. Mais si tresbien y touche et y assenne Que c'est l'onneur de mon riche vergier. Doncq se tous ceulx en leur gloire sommaire Vivans du let ^ des Muses et grammaire Daignent icy leur chief d'euvre forger, Et desployer les biens de leur aumaire * Pour secourir leur humble Jehan le Maire, En lamentant ung si piteux affaire, Je les supply ne pouvoir prolongier.

1 Laboure.

2 Se fatigue. Tanner se dit encore dans le langage populaire et rustique.

3 Lait.

* Coffre, armoire.