PIÈCES JUSTIFICATIVES
Ban et ordonnance touchant les apothicaires et épiciers. 4 février 1586.
Pour ce que eschevins et conseil de ceste ville de Lille sont deuement advertiz que l’on vend et mect en œuvre en icelle ville pluisieurs malvaises droghes et poudres dont, et nommément de ce que les stilz des apothicquaires et espessiers de ladicte ville ne sont souffissamment polliciez, sourdent grandz inconvéniens, lesdicts eschevins et conseil pour y obvier ont ordonné et statué les poinctz et articles quy s’ensieuvent oultre et pardessus ceulx reprins et contenuz ès lettres anchiennement faictes et despeschées sur le faict desdicts stilz d’apothicquaires et espessiers.
Et premiers. Que nul apothicquaire et espessier ny aultre personne quelconcque ne poldra dolres en avant vendre, mectre en œuvre ny avoir soubz soy aulcunes droghes, pouldres, ny aultres espèces de marchandises dépendans desdicts stilz d’apothicquaires et espessiers, sinon bonne, vertueuse et léalle marchandise, sur les paines et amendes cy après déclarées.
Item que seront commis par lesdicts eschevins et conceil, esgardz, de deux ayans exercé tant l’apothicquairie que espesserie et ne l'exerceans plus, quy se continueront jusques à rappel d'eschevins, et deung aultre exerceant présentement l’ung desdicts stilz quy se renouvellera
de deux ans en deux ans !, et ce affin de visiter touttes les droghues, pouldres et aultres choses estans ès maisons des appothicquaires et espessiers, ensambles des carbatiers ? et carbatresses de ceste ville lesquelz composent pouldres et aultres choses pour en user au faict de leurs stilz.
Item que tous lesdicts apothicquaires et espessiers, carbatiers et carbatresses et aultres personnes vendans ou mectans en œuvre à priz d'argent marchandises d'apothicquaires et espessiers, seront tenuz de à toutte heure faire ouverture ausdicts esgardz de leurs maisons et bouticqués pour faire ladicte visite et de prester serment, ensamble leurs femmes, serviteurs, servantes et aultres leurs domestiques sy avant qu'ilz en soyent requis desdicts esgards qu'ilz ne ont riens cachié, ou faict cachié, ny recelé ou faict receler ou bien transporter en aultres maisons desdictes droghues, pouldres et aultres choses en fraulde et aussy qu'ilz ne ont aultres pouldres et droghues que celles dont lesdicts esgards auront eu vision.
Item que lesdicts esgards polront justicier, brusler et aultrement faire ce qu’ilz trouveront convenir des malvaises droghues et pouldres qu'ilz trouveront et oultre ce imposer pour icelles amendes soyt de 1x sols, vi livres ou aultre à leur discrétion, jusques à la somme de dix livres parisis pour la première fois, en redoublant ladicte amende pour la seconde fois saulf que en cas d'opposition 1lz seront tenus rapporter leur besongnie à la congnoissance d’eschevins et conseil de ladite ville. Et à la m° fois seront lesdicts esgardz tenus d'en advertir lesdicts eschevins et conseil pour par eulx sur ce imposer telle punition à ceulx quy ainsy seront trouvez en deffaulte qu'ilz trouveront au cas appartenir, comme aussy ilz seront tenus faire samblable advertence aux première et seconde fois de deffaulte en ce que dessus sy avant que lesdicts esgardz trouvassent les deffaillans et délincquans mériter plus grande punition que desdicts Lx sols, vi livres ou x livres d’amende quy se applicqueront si comme ung üers au prouffict desdicts esgards, ung aultre tiers au prouffict de la Bourse généralle des povres de ladicte ville et l’aultre tiers aux frais dudict esgard.
Item que tous apprentys, soient filz de maîtres ou non, qui vouldront parvenir à estre francqz apprentifz dudict stil d’apothicquaire seront
JL. Cette phrase, dont la rédaction est embrouillée, doit se comprendre ainsi : Les échevins nommeront trois égards, dont deux n'exerçant plus leur métier, et un l'exerçant encore. k
2. Carbaliers, ouvriers travaillant les carbes, chanvres et lins.
LR
