PRET
tenus de servir et demourer en apprendant ledict stil soubz francq maitre dudict stil exerceant actuellement icellui stil, le terme de deux ans continuelz, et au boult desdicts deux ans passer examen pardevant les maitres dudict stil et en cas qu’ilz soyent trouvez l'avoir bien apprins seront receus à francqz apprentifs et n’estans trouvez telz seront tenuz de continuer leur appresure! encoires ung an; et à l’entré dudict apprentissaige chacun apprentif sera tenu soy faire registrer sur le registre dudict stil et payer non estant filz de maitre pour ledict enregistraige la somme de xc sols parisis et pour ledict examen samblable somme de xc sols ; et estans filz de maitre ne payera que la moictié,
Item quant aux apprentifz d’espessiers pour parvenir à la franchise d’apprentissaige seront seullement tenuz d’estre en appresure telle que dessus deux ans continuelz et de se faire enregistrer et paier comme les apprentifz d’appothicquaires sans passer quelque examen. Bien entendu que tous apprentifz indifférament desdictz deux stilz soyent enffans de maitres ou aultres, advenant le trespas de leur père ou mère, maitre ou maitresse, polront parfaire les deux ans de leur apprentissaige et commenchier soubz aultre maitre desdicts stilz et de chacun d’iceulx en advertissant de ce les maitres d’iceux stilz.
Item que nul ne polra dolres en avant eslever lesdicts stilz d’apothicquaires et espessiers s’il ne a faict telle et semblable appresure que dessus en ladicte ville de Lille au aultre ville franche et privelégée et aussy oultre et pardessus l’examen d’apprentissaige cy dessus spéciffié faict et passé chief d'œuvre et aultre examen en ladicte ville de Lille. Et lequel chief d'œuvre et examen lesdicts appothicquaires debveront passer sur trois compositions telles que leur seront déclarées par lesdicts esgardz, ung docteur en médecine et les maitres dudict stil d’apothicquaires. Et au regard des espessiers pour chief d'œuvre debveront ouvrer trois havotz? de soille3 convertis en pains d’espices et faire une pouldre gallantine, # le tout bien et deuement par l’advis des
