Réaliant, s’alliant de nouveau, se remariant
Item que durant le temps de l’appresure et apprentissaige dudict stil d'apothicquaire lesdits apprentifz, tant jà receuz et admis audict apprentissaige et dont les deux ans ne sont encoires expirez, que ceulx quy dolres en avant se recepveront quelz qu’ilz soyent, aussy bien enffans de maitres que aultres, ne poldront faire quelque composition notable si comme confection ou aultre laxatif entrant au corps d'homme sans la présence et assistence de leurs maitres ou dames sur paine de dix livres parisis d'amende que fourfera 1 le maitre à applicquier ung tiers au prouffict dudict stil, ung aultre tiers au prouffit de la Bourse générale des povres de ladite ville de Lille et l'aultre tiers au prouffict dudict esgard ou de celluy ou ceulx qui amèneront le mésus ? à congnoissance ; et ce pour la première fois, en redoublant ladicte amende pour la seconde fois, et à la me fois, à péril d’estre punis arbitrairement et auquel cas seront tenus lesdicts esgardz ou aultres ayans congnoissance de tel mesus d’en advertir lesdicts eschevins et conseil pour par eulx sur ce impozer telle punition à ceulx quy ainsy seront trouvéz en deffaulte, qu’iz trouveront au cas appertenir, comme aussy ilz seront tenuz faire samblable advertence aux première et seconde fois de deffaulte en ce que dessus, et de rapporter leur besongnie à la congnoissance desdicts eschevins et conseil en cas qu'il y olt opposition sur l'exécution de ladicte amende ou que lesdicts esgardz trouvassent les deffaillans mériter plus grande punition que lesdicts x livres et xx livres d'amende.
Item que nul apothicquaire ne polra dolres en avant vendre à débyt collocquin, rachine de brionia, d’antimonium, d’elaterium et d’aultres droghues corrosives en fachon quelconque sur paine de telle amende et punition à applicquier comme dessus.
Item que tous apothicquaires seront tenus dolres en avant se riégler et conduire au faict de leurs compositions et médecines selon le dispensaire et formulaire que lesdicts eschevins et conseil ont puis naguerres faict dresser par les plus expers et fameux docteurs en médecine de ladicte ville et quy est présentement reposant soubz lesdicts eschevins et conseil sans en ce pooir user d’aultres dispensaires ou formulaires sur paine de xxx livres d'amende pour la première fois, pour la n°, zx livres, le tout à applicquier comme dessus et pour la 11° d’estre privés de l’exercice dudict stil et à cest effect seront lesdicts appothicquaires tenus prendre et lever
