UNION DE BRUXELLES

Nous soubsignez, Prelatz, gens d'esglize, Seigneurs, Gentilzhommes, magistrats des lois, villes, chastellenies et aultres faisans et representans les Estatz des Païs-Bas en cette ville de Bruxelles, a présent assamblez et aultres, estant soubs Tobeissancede très hault, très puissant et très illustre Prince le Roy Philippe, nostre souverain S*" et Prince naturel, etc. ; Sçavoir faisons à tous presens et advenir que voyans nostre patrie estre affligée par une oppression des Espaignols plus que barbare et tyrannicque, avons esté meuz poulsez et constrainctz de nous unir et joindre par ensemble et avecq armes, conseil, gens et deniers assister l'un l'autre contre lesdictz Espaignolz et adherens declairez rebelles a Sa Majesté et nos ennemys. et que ceste union et conjonction a depuis esté confirmée par la pacification dernièrement faicte. Le tout par auctorité et aggreation du conseil d'Estat par Sadicte Majesté commis au gouvernement gênerai desdictz pays. Or comme le but prétendu de ceste union requiert toute fidélité, constance et asseurance mutuelle et reciprocque pour jamais, et que ne voulons aulcunnement par quelque malentendu y avoir matière de soupçon et moins de sinistre volunté en aulcun de nous, mais au contraire les affaires d'icelle union estre procurez, diligentez et exécutez en toute sincérité et diligence, de sorte que personne des subjectz et habitans desditz pays n'ayt occasion raisonnable de se mescontenter on doubter de nous : Pour ces raisons et mesme afin que rien ne soit faict infide-

lement au préjudice de nostre commune patrie et juste défense, ou obmis par négligence ou connivence ce que pour icelle juste défense est ou sera requis, avons en vertu de nostre pouvoir et commission respectivement et aultrement, pour nous et nos successeurs promis, et promectons en foy de chrestiens, gens de bien et vrays compatriotes, de tenir et entretenir inviolablement et à jamais ladicte union et association, sans que aulcun de nous s'en puisse disjoindre ou départir par dissimulation, secrète intelligence, nyaultre manière quelconque, et ce pour la conservation de nostre sainte foy et religion catholicque apostolicque romaine, accomplissement de la pacification, conjointement pour l'expulsion des Espaignols, et leurs adhérons, et la deue obéissance à Sa Majesté, pour le bien et repos de nostre patrie, ensemble pour le maintiennement de tous et chascuns de noz privilèges, droictz, francizes, statutz, coustumes et usances anchiennes, a quoy exposerons tous les moyens que nous seront possibles, tant par deniers, gens, conseil et biens, voires la vie s'il fust nécessaire, et que nul de nous ne pourra en particulier donner aulcun conseil, advis ou consentement, ny tenir communication secrète ou particulière avecq ceulx quy ne sont de ceste union ne au contraire leur révéler auculnement ce qu'est ou sera en nostre assemblée traictié, advisé ou résolu, ains se debvra en tout conformer à ce que portera nostre generalle et commune resolution, et en cas que quelque province, estât, pais, ville, chasteau ou maison fust assiégée, assaillie, envahie, foullee ou oppressée, en sorte que fust, mesmes si aulcun de nous ou aultre s'estant esvertué pour la patrie et commune défense d'icelle contre lesdictz Espaignols, ou aultres affaires en dépendants, tant en gênerai, que en particulier, fust recerché, emprisonné, ranchonné, intéressé, molesté ou inquiété en sa personne, biens, honneur, estatz ou autrement, promectons y donner assistencepar tous les moyens susdictz et mesmes procurer la délivrance des emprisonnez, soit par la force ou aultrement, a peine d'estre dégradez de noblesse, de nom, d'armes et d'honneur, tenus pour parjures, deleaux et ennemis de nostre patrie, devant

Dieu et tous les hommes, et encourir note d'infamie et lascheté a jamais. Et pour valider ceste nostre saincte union et association, avons ceste présente signée de nos mains et seings manuels ce neufième jour de janvier Tan quinze cens soixante-dix-sept.

{Suivent les signatures.)