ORDINATIO NOVIOMENSIS PRO COMMUNIA

Vez ci l’estât de la ville de Noion. La ville doit XYI ™ livres, por

plus ou mains, a l’estimation du maire et des eschevins, c’est à savoir : à ceus qui sunt asenez des rentes a vie, et a ceus qui lour ont baillez lour quémandés en garde, et a ceus desquels il ont emprunté por le besoing de la ville, don nos, auditors, devons avoir les noms et les parties, que nos vos porteron.

Vez ci la délivrance ordrenée par devant nos, auditors, du conseil du maior et des jurés de Noion, au plus profitablement que l’en pourra, por la ville aquiter, si plaist a notre seingnor le Roy.

Premièrement, il doivent XLIIC livres et XX livres parisis de rente a vie chascun an, por laquele deite rendre chascun an la ville, du quemun assentement, s’est accordée que il paieront par taille, ceste première anée, VI m livres, et chascun an après cele meesme summe, se celui qui i sera de par lou roy voit que il le puissent fere, jusqu’à tant que la deite devant dite, c’est a savoir XVI m livres et les rentes a vie, soient paiées. Et sera levée la taille par celui que li roys i estab lira, et en contera par devant les mestres des contes le roy, presenz aucuns des proudeshomes de Noion qui pour ce seront apelez. Et pour ce que la ville sera trop grevée de si grant summe paier, il requièrent nostre seignor le roy qui lour face rabatre les usures, et que ceus qui lour voudront quitter aucunes des dettes, ou des rantes a vie, qui lour soient rabatues de leur somme, pour ce que il ont eu plus que chatel, et il semble a nos, auditors, que il ont achaté moult pollireusement ce qu’il ont achaté puis la deffense nostre seignor le roy, c’est a savoir puis X anz en encba. Et si est ordrené que se aucun ne voloit paier sa taille chascun an, cil qui serait de par le roy rendrait li cors en Ghastelet a Paris ou en autre bone prisson, et vendrait de ses biens tant que sa taille serait paiée ; et se besoing estoit que la taille fust refaite, il la referaient por le conseil de celuy qui serait de par le roy. Et requiert la dite ville de Noion, par ce fesant, que il puissent marchaander et qui ne soient pas a reste pour la deite de la ville, ne que li maires ne la commune ne puissent charchier la ville de plus de deite devant que ceste soit aquitée. Et requirent li maires et li eschevin devant diz que li clers qui tiennent les heritaiges de lour poires et de lour meres, que ils paient les dettes que ils deveent a la commune quant il viveent. Et ausi requirent-il que il paient des biens qui lour sunt venus par eschaance de lour autres parenz. Et sus le choses devant dites parlez au roy, si vos plaist , et nos remandez sa volenté par le porteors de ces letres hâtivement, quer nos n’atendon gures autre chose fors vostre response. En testmong de laquele chose li maior et li jurés de Noion, par l’assentement de la comune, apelée a cloige sonnant, ont mis lour seel, en cest présent eecrit, le diemeinche des Brandons, en l’an Nostre Seignor mil GG sexante XVIII.

(Arch. Nat. J. 1 035, n° 33. Publié par M. de Boislisle dans V Annuaire Bulletin de la Société de l’histoire de France, année 1872, p. 92, et dans Giry : Documents sur les relations de la royauté avec les villes en France de 1180 à 131k, p. 110.