S. D . , VERS

Requête adressée au roi par les bourgeois de Noyon contre leur évêque.

Ce sont les requetes que le ville de Noion fait au roy contre l’evesque de Noion et contre se gent.

Especiaument nous nous douions de ce que li evesques de Noion prant les bourgois dedanz le quemune, ce qu’il ne puet ne ne doit.

Item, il a pluseurs lieus en la vile qui estoient a aisément a la ville que li cler et li canoine ont enclos contre le gré et le volonté du quemun.

Item, puis le Touz Sainz en encha que li maires i vindrent par le roy, avint que li maires requit un sien bourgois et requeroit que l'on li fesit droit et dit li maires au bailliu et au prevost : « Je truis trop peu de cortoisie en vous, car vous menés trop plus aprement nos bourgois qui sont bourgois de la quemune le roy, que vous ne souliet faire avant che que je y venisse. » Dont respondi li baillius que li roys n’avoit nient en la quemunge que VIHXX livres par an, ainçois estoient tous cil de la vile, bourgois l’evesque, et les cors et les cateus, et seur tels paroles furent ajorné Jaque Malice et Jehans li Plastriers; et dit li baillius que par ce qu’il s’estoient avoé de la bourgeoisie le roy, il leur feroit gehir par les bouches qui c’estoient bourgois l’evesque et par ceste raison les tient-il en ajornement , ne n’osent repairier ou pais, car on les menache a mestre en vilien lieu, se on les i tient.

Item, uns nos bourgois qui a nom Berniers , on li metoit sus un fait d’une bataille et l’en tenoit on en prison, li prevost l’evesque ala en la maison ledit Bernier et prist toz ses meubles, che qu’il ne puet ne ne doit, et vint a un sien voisin qui a nom Golars et prist le foy de cheli, si chieus Berniers avoit nul meuble en se maison. Ichil Colars dit que neuil, et li prevost veut encore avoir se foy, et il dit qu’il ne li bailleroit

plus, se eschevin ne le disoient, a qui il se voloit conseiller, et li prevost et ses sergans en le presanche des eschevins le bâtirent si vileniement et li desrompirent ses dras, qu’il li cheirent par les piez et demora en pure sa chemise, et par ce que li eschevin le blâmèrent, il dit qu’il l’en feroit geter en une vileine prison.

Item, Robert Groiselins, Lois de Coquerel et Jehan li Anglois qui nos, bourgois sont, leur metoit sus qu’il avoient fait aucun meffait, dont 11 maires les tenoit en jour, et li prevost l’evesque ala en leur maisons et fit panre par ribaus leur meubles et leur chateux, que faire ne pooit ne ne devoit, duques a tant que li maires et li juré eussent jugié l’amande.

Item , le maires faisoit roier le taille de le vile par les serganz de le ville, si comme il est acoustumé encienement, le sergant roierent en une maison qui taille doit, ou il maint un clerc marié, li clerc vint a un des sergans et le fiert parmi le poistrine et le prist par le geule et dit : « Se vo maires i es toit, qui est ci de par le roy, si l’en ferai-je autant ». Et li maires quant il seut les paroles ala pour roier.

Item , li sergans le prevost l evesque vint a un no sergant de le vile qui clôt les portes et evre et li quémanda li sergant le prevost que il clossit le porte plus tôt qu’il ne soloit, et respondi qu’a lui n’estoit-il mie por ce faire , ainz estoit au maieur de le vile , qui lui paient son salaire. Adonc li sergans le prevost entra en se maison et le bâti et li et se mere et li apoia l’espée as memeles et dit qu’il l’occiroit, se il ne s’en aloit avec lui en la prison l’evesque et l’amena par se force et le jeta en la fosse as larrons ; et por ce que II de nos borgois en parlèrent, les mist en prison, et tient on en jour celui qui est en lieu de maieur, parce qu’il requit le délivrance du sergant de le ville ; et li prevost li respondi qu’il panroit des gens qu’il vorroit sanz droit et sanz jugement et les mestroit la ou il avoit mis les autres.

Item, de che que li veques veut conoistre des lettres de la quemune et la crestienté et a la laie justice.

Item, requiert li maires et le quemune que V borgois, qui furent mis hors du conseil de la ville, dusques au rapiau leu roy, que il soient arriéré mis au conseil, car li quemuns les tesmonges a preudes homes et a liaus et de bone renommée.

Item, le vile de Noion a bien usé, de si lont tems comme il puet sovenir, d’avoir le pasturage et fossez du fermeté de le ville, et li vesque de novel les ahane et les loe et enclôt, par quoi la vile y pert son aisément.

(flibt. Nat., fonds lat., 9015, n» 26. Parchemin paraissant avoir appartenu a un rouleau.)

Projet de liquidation de la commune de Noyon.