REGISTRE AUX BÀNS MUNICIPAUX

Che sont H ban et les cueres de le vile de Saint-^Omer.

Primes du pain,

1. On a commandé ke tout boulengier fâchent pain revable selonc le vente del blei, seur forfait de vj sous et ij s. as corriers et xijd. as sergans de le vile, s*aucuns d'aus en fiist pandeis, et de perdre le pain et le corbeille. Et ke nus foumiers ne boulengiers venge pain à boutre ne à boutresse ne ait compaignie avoec aus sour le meisme fourfait.

2. Et ke nus ostes ne abrokieres de blei voist avoec marchant de Uei pour aidier, acbateir ou pour vendre blei el markié sour le fourfait de iij libr. et de perdre son mestier an et jour.

3. Et ke nus ne demande bevrage ne bontei ne abrokerie de blei ke on venge el markié sour le meisme fourfait.

4. Et ke nus ne destoume le blei à wardeir el markié pour veoir s'il est loiaus et ausi boens desous ke deseure.

5. Et on doit les karetes et les sas regardeir el markié anchois k'on les ^imaine quant il sont vendu et se le karete n'est bone et loiale ausi desous comme deseure, ele ert à xx s. et li sas à V s. dont li corrier ont le quarte part.

6. Et s'aucuns ait achatei karete de blei et il ne le fait rewardeir d*aucun des rewardeurs anchois ke il le fait emmeneir del markié, il li convendra prendre teil com il le fait enmeneir del markié et faire au marchant son paiement sans barat ; et se plainte en venist, il seroit à vj s.