Vous Cûucherei. futur de getir. en latin Jacere

rablement. Et bien toute la voie que li connestables et je en alames amont, il revenoit aval. Et en la manière que li Turc amenèrent le conte de Bretaingne et sa bataille, en ramenerent-il mon signour Guion Malvoisin et sa bataille, qui ot grant los, il et sa gent, de celle jornée. Et ce ne fu pas de merveille se il et sa gent se prouvèrent bien celle journée; car l'on me dist, icil qui bien savoient son couvrfie, que toute sa bataille (n'en failloit gueres) estoit toute de chevaliers de son linnaige et de chevaliers qui estoient sui home lige.

248. Quant nous eûmes desconfiz les Turs et chaciés de lour herberges, et que nul de nos gens ne furent demourei en l'ost, li Beduyn se ferirent en l'ost des Sarrazins, qui moût estoient graiis gens. Nulle chose dou monde il ne lessierent en l'ost des Sarrasins, que il n'emportassent tout ce que li Sarrazin avoient lessié; ne je n'oy onques dire que li Beduyn, qui estoient sousjet aus Sarrazins, en vausissent pis de chose que il lour eussent tolue ne robée, pour ce que lour coustume est teix et lour usaiges, que il courent tousjours sus aus plus febles.