DES BÉDOUINS

point en Mahommet, ainçois croient en la loy iïaali, qui lu oncles Mahommet* ; et aussi y croient li Vieil de la Montaigne, cil qui nourrissent les Assacis. Et croient que quant li om meurt pour son signour ou en aucune boneentencion, que l'ame d'ans en va en meillour cors et en plus aaisié que devant; et pour ce ne font force li Assacis se l'on les occist quant il font le conmandement dou Vieil de la Montaigne'-. Dou Vieil de la Montaigne nous tairons orendroit, si dirons des Beduyns.

•IbO. Li Beduyn ne demeurent en ville, ne en cités, n'en chastiaus, mais gisent adès aus chans ; et lour mesnies, lour femmes, lour enfans fichent le soir de nuit, ou de jour quant il fait mal tens, en unes manières de herberges que il font de cercles de tonniaus loiés à perches, aussi comme licher à ces dames sont; et sur ces cercles gietent piaus de moutons que l'on appelle piaus de Damas, conrées en alun : li Beduyn meismes en ont grans pelices, qui lour cuevrent tout le cors, lour jambes et lour pies.

îlbi. Quant il pleut le soir et fait mal tens de nuit, il s'encloent dedans lour pelices, et estent les frains à lour chevaus, et les Icssent paistredelez aus. Quant ce vient l'endemain, il restendent lour pelices au soleil

1 Voy. §g 458 à 4CI. Ali n'était ptii l'oocle, maii le cousin de MakomOL

3. Sur Ali, surla^ccte desAssassins et sur le Vieux de la Uuntagne, M peut cunsiiUer le iiiéinuire de

M. Sylvestre de Sacy (Mémoires de l'Académie des inscriptions, t. IV, p. 1). On trouvera plus loin de long's détails sur deux messages nu Vieux de la Montagne à saint Louis f§^ 451 i 4G3;.

et les frotent et les conroient; ne jà n'i perra chose que elles aient estei moillies le soir. Lour créance est teix, que nus ne puet morir que à son jour, et pour ce ne se veulent-il armer; et quant il maudient lour enfans, si lour dient : « Ainsi soies-tu maudis, comme li « Frans qui s'arme pour poour de mort* ! » En bataille , il ne portent riens que l'espée et le glaive.

252. Presque tuit sont vestu deseurpeliz, aussi comme li prestre;de touailles sont entorteillies lour testes, qui lour vont par desous le menton : dont laides gens et hydeuses sont à regarder, car li chevel des testes et des barbes sont tuit noir. Il vivent dou lait de lour bestes, et achietent les pasturaiges, es berries aus riches homes, de quoy lour bestes vivent. Le nombre d'aus ne sauroil nulz nommer ; car il en a ou reaume de Jérusalem et en toutes les autres terres des Sarrazins et des mescreans, à qui il rendent grans treus chascun an,

253. J'ai veu en cest pais, puis que je reving d'outre mer, aucuns desloiaus crestiens qui tenoient la loy des Beduyns, et disoient que nulz ne pouoit morir qu'à son jour; et lour créance est si desloiaus, qu'il vaut autant dire comme Diex n'ait pouoir de nous aidier. Car il seroient fol cil qui serviroient Dieu, se nous ne cuidiens que il eust pooir de nous eslongier nos vies ^ et de nous garder de mal et de mescheance;

i. Voy. g 461. I 3. Voy. encore § 4C1.