LX. JOIN VILLE TOMBE MALADE. ARRANGEMENT AVEC

LES sarrasins; triste État de larmée.

299. Pour les bleceures que j'oi le jour de quaresme-prenant, me prist la maladie de l'ost, de la bouche et des jambes, et une double tierceinne, et une reume si grans en la teste que la reume me filoit de la teste parmi les nariles ; et pour les dites maladies, aconchai ou lit malades en la mi-quaresme' : dont il avint ainsi que mes prestres me chantoit la messe devant mon lit, en mon paveillon; et avoit la maladie que j'avoie.

300. Or avint ainsi que en son sacrement il se pasma. Quant je vi que il vouloit cheoir, je qui avoie ma cote veslue, sailli de mon lit touz deschaus, et l'embraçai, et li deis que il feist tout à trait et tout bêlement son sacrement; que je ne le lairoie tant que il l'averoit tout fait. Il revint à soi, et fist son sacrement, et parchanta sa messe tout entièrement; ne onques puis ne chanta.

301. Après ces choses, prist li consaus le roy et li consaus le soudanc journée d'aus acorder. Li traitiés del'acorder fu teix, que l'on devoit rendre au soudanc Damiete, et li soudans devoit rendre au roy le reaume de Jérusalem ; et li dut garder li soudans les noalades qui estoient à Damiette, et les chars salées

«. * mars 1250

126 HISTOIRE DE SAINT LOUIé.

(pour ce que il ne mangoient point de porc), et Im engins le roy, jusques à tant que li roys pourroit ren-! voier querre toutes ces choses.

302. Il demandèrent au consoil le roy quel seurtei il donroient par quoy il reussent Damiete. Li consaus le roy lour offri que il detenissent un des frères le roy tant que il reussent Damiete, ou le conte d'Anjou, ou le conte de Poitiers. Li Sarrazin distrent que il n'en feroient riens, se on ne lour lessoit le cors le roy en gaige ; dont mes sires Geffrois de Sergines, li bons chevaliers, dist que il ameroit miex que li Sarrazin les eussent touz mors et pris, que ce que il lour fusl reprouvei que il eussent lessié le roy en gaige.

303. La maladie commença à engregier en l'ost en tel manière, que il venoit tant de char morte es gencives à nostre gent, que iî couvenoit que barbier* ostassent la char morte, pour ce que il peussent la viande maschier et avaler aval. Grans pitiés estoil d'oïr braire les gens parmi l'ost ausquiex l'on copoil la char morte ; car il breoient aussi comme femmes qui traveillent d'enfant.