Vuy. IZil

voieroient ceus qui joueroient à nous des espées, aussi comme il avoient fait aus autres. Et s'en alerent.

337. Maintenant que il s'en furent alei, se feri en nostre paveillon une grans tourbe dejoenes Sarrazins, les espées çaintes* ; et amenoient avec aus un home de grant vieillesce, tout chanu, liquex nous fist demander se c'cstoit voirs que nous creiens en un Dieu qui avoit estei pris pour nous, navrez et mors pour nous, et au tiers jour resuscitez. Et nous fespondimes : « Oyl. » Et lors nous dist que nous ne nous deviens pas desconforter, se nous avions soufertes ces persecucions pour li; « car encore, dist-il, « n'estes-vous pas mort pour li, ainsi comme il fu « mors pour vous; et se il ot pooir de li resusciter, « soies certein que il vous deliverra quant li plaira. »

338. Lors s'en ala, et tuit li autre joene gens après h; dont je fu moût liés, car je cuidoie certeinnement que il nous fussent venu les testes tranchier. Et ne tarja gueres après quant les gens le soudanc vindrent, qui nous distrent que li roys nous avoit pourchacie nostre délivrance.

339. Après ce que li viex hom s'en fu alez qui nous ot reconfortez, revint li consaus le soudanc à nous, et nous dirent que li roys nous avoit pourchacie nostre délivrance, et que nous envoissiens quatre de nos gens k li pour oyr comment il avoit fait. Nous y envoiames