LXXVIII. DES SOUFFRANCES DE LA REINE A DAMIETTE

397. Or avez oy ci-devant les grans,persecucions que li roys et nous souffrîmes; lesquiex persecuclons, la royne n'en eschapa pas, si comme vous orrez ciaprès. Car trois jours devant ce que elle acouchast, li vindrent les nouvelles que li roys estoit pris; desquiex nouvelles elle fu si effrée que toutes les fois que elle se dormoit en son lit, il li sembloit que toute sa chambre fust pleinne de Sarrazins; et s'escrioit : «: Aidiés, aidiés! » Et pour ce que li enfes ne fust peiiz dont elle estoit grosse, elle fesoit gésir devant son lit un chevalier ancien de l'aage de quatre-vins ans, qui la tenoit par la main. Toutes les fois que la royne s'escrioit, il disoit : «Dame, n'aies garde; car «je suis ci. »

398. Avant qu'elle fust acouchie, elle fist vuidier hors toute sa chambre, fors que le chevalier, et s'agenoilla devant li et li requist un don; et li chevaliers li otroia par son sairement. Et elle li dist : « Je vous « déniant, fist-elle, par. la foy que vous m'avez baillie, K que se li Sarrazin prennent ceste ville, que vous « me copez la teste avant qu'il me preignent. » Et li chevaliers respondi : « Soies certeinne que je le ferai « volontiers; car je l'avoiejà bien enpensei, que vous »( occiroie avant qu'il nous eussent pris, »