UN ASSASSIN
588. Tandis que li roys fermoit Sayete, je alai à^sa messe au poiat dou jour, et il me dist que je l'atendisse, que il vouloit chevauchier; et je si fis. Quant nous fumes aus chans, nous venimes par devant un petit moustier, et veismes, tout à cheval, un prestre qui chantoitla messe. Li roys me dist que cis moustiers estoit fais en l'onnour dou miracle que Diex fist dou dyable que il geta hors dou cors de la fille à la veuve femme; et il me dist que se je vouloie, que il orroit leans la messe que li prestres avoitcommencie et je li dis que il me sembloit bon à faire.
589. Quant ce vint à la paiz donner, je vi que li CiCrs qui aidoit la messe à chanter, estoit grans, noirs, megres et hericiés, et doutai que se il portoit au rov la paiz, que espoir c'estoit uns Assacis, uns mauvais liom, et pourroit occire le roy. Je alai penre la paiz au clerc et la portai au roy. Quant la messe fu chantée et nous fumes montei sus nos chevaus, nous trouvâmes le légat es chans; et li roys s'aprocha de li et m'appela, et dist au légat : « Je me pleing à vous dciu « seneschal, qui m'apporta la paiz, et ne vout que 11 « povres clers la m'aportast. »
590. Et je diz au légat la raison pourquoy je l'avoie fait; et li legas dist que j'avoie moût bien fait. Et li roys respotidi : < Vraiement non fist. » Grant descort
ENVOYES DU SEIGNEUR DE TRKBIZONDE. 2il»
y ot d'aus dons, et je en demourai en paiz. Et ces nouvelles vous ai-je contées, pour ce que vous veez la grant humilitei de li. De ce miracle que Diex fist à la fille de la veuve feiTrtne parle li Evangiles, qui dit que Diex estoit. quant il fist le miracle, m parte Tyri et Syndonis ; car lors estoit la citns de Sur que je vous ai nommée, appelée Tyri; et la cités de Sayette que je vous ai devant nommée, Sydoine.
CXVI. ENVOYÉS DV SEIGNEUR DE TRÉBISONDE ; ARRIVÉE DE LA REINE A SAYETTE.
591. Tandis que li roys fermoit Saye'.e, vindrent à li li messaige à un grant signour de la narfonde Grèce, liquex se fesoit appeler le grant Commenie et signour de Trafentesi ^ Au roy apportèrent divers joiaus à présent. Entre lesautres li apportèrent ars de cor, dont 'es coches entroient à vis dedans les ars ; et quant on les sachoit hors, si trouvoit l'on que il estoient dehors moût bien tranchant et moût bien fait '.
592. Au roy requislrent que il li envoiast une pucelle de son palais, et il la penroit pour femme. Et li roys respondi que il n'en avoit nulles amenées d'outre mer; et lour loa que il alassent en Constantinnoble à l'empereour, qui estoit cousins le roy, etli requeissent
1. Comnène, seigneur de Trébi- 1 2. Celle phrase est for» obscure «..ihif. '■ cl peut-être «Itérée.
que il lour baillast une femme pour lour sigQOur, tel qui fust dou li^aige le roy et dou sien. Et ce fist-il, pour ce que li emperieres eust aliance à cestui grant riche home contre Vatache, qui lors estoit emperieres des Griex.
593. La royne, qui nouvelement estoit relevée de dame Blanche, dont elle avoit géu à Jaffe, ariva à •Sayette ; car elle estoit venue par mer. Quant j'oy dire qu'elle estoit venue, je me levai de devant le roy et alai encontre li, et l'amenai jusques ou chastel.
594. Et quand je reving au roy, qui estoit en sa chapelle, il me demanda se la royne et li enfant estoient haitié ; et li diz oil. Et il me dist : « Je soy bien « quant vous vous levâtes de devant moy, que vous « allés encontre la royne ; et pour ce je vous ai fait « atendre au sermon. » Et ces choses vous ramentoifje, pour ce que j'avoie jà estei cinq ans entour li, que encore ne m'avoit-il parlei de la royne ne de ses enfans, que je oïsse, ne à autrui ; et ce n'estoit pas bone manière, si comme il me semble, d'estre estrange de sa femme et de ses enfans.
