CXLI. RÉFORME DE LA PRÉVOTÉ DE PARIS

715. La prevostés de Paris estoit lors vendue aus bourjois de Paris, ou à aucuns; et quant il avenoit que aucun l'avoient achetée, si soustenoient lour enfans et lour neveu en lour outraiges; carli jouvencel avoient fiance en lour parens et en lour amis qui la prevostei tenoient. Pour ceste chose estoit trop li menus peuples défoulez, ne ne pouoient avoir droit des riches homes, pour les grans presens et dons que il fesoient aus prevoz.

716. Qui à ce temps disoit voir devant le prevost, ou qui vouloit son sairement garder qu'il ne fust parjures, d'aucune debte ou d'aucune chose où l'on fust tenus de respondre, li prevoz en levoit amende, et estoit punis. Par les grans injures et par les grans rapines qui estoient faites en la prevostei, li menus peuples n'osoit demoureren la terre leroy, ains aloient demourer en autres prevostés et en autres signouries. Et estoit la terre le roy si vague, que quant li prevoz tenoit ses plaiz, il n'i venoit pas plus de dix personnes ou de douze.

71". Avec ce il avoit tant de maufaitours et de lar-