‹ Histoire des églises réformées de Pons, Gemozac, et Mortagne, en SaintongeChapitre 77 sur 110 · FRAGMENT D'UN ANCIEN TRAITÉ , IMPRIMÉ A NEUCHATEL, CONTRE LA MESSE · texte numérisé non relu

FRAGMENT D'UN ANCIEN TRAITÉ , IMPRIMÉ A NEUCHATEL, CONTRE LA MESSE

Parquoy comme ennemis de Dieu et de sa sainte parole ,

à bon droict on les doit rejetter et merveilleusement détester. Car n'ayant eu nulle honte de vouloir enclorre le corps de Jésus en leur oublie ; aussi (comme effrontez hérétiques qu'ils sont) ils n'ont eu aucune honte et vergongne de dire qu'il se laisse manger aux rats , araignes et vermine , comme il est escrit de lettre rouge en leurs Messels, en la XXII Cautelle, qui se commence ainsi, si le corps du Seigneur estant consumé par les souris et les araignes, est devenu à rien, ou soit rongé : si le ver est trouvé tout entier dedans, qu'il soit bruslé et mis au Reliquaire. O terre, comment ne t'ouvres-tu pour engloutir ces horribles blasphémateurs! O vilains et détestables! ce corps est-il du Seigneur Jésus, vray Fils de Dieu ? se laisse-t-il manger aux souris et aux araignes? lui qui est le pain des Anges et de tous les enfants de Dieu , nous est-il donné pour en faire viande

aux bestes? O misérables, quand il n'y auroit autre mal en

toute vostre théologie infernale , sinon en ce que vous parlez tant irrévéremment du précieux corps de Jésus, combien méritez-vous de fagots et de feu, blasphémateurs et hérétiques, voire les plus grands et énormes qui jamais ayent esté au monde ? Allumez donc vos fagots pour vous brusler et rostir vous-mesmes, non pas nous, pour ce que nous ne voulons croire à vos idoles , à vos dieux nouveaux et nouveaux christs , qui se laissent manger aux bestes et à vous pareillement, qui estes pires que bestes, en vos badinages, lesquels vous faites à l'entour de vostre Dieu de paste, duquel vous vous jouez comme un chat d'une souris : faisans les marmiteux , et frappans contre vostre poictrine, après l'avoir mis en trois quartiers , comme

estans bien marris, l'appelans Agneau de Dieu, et lui demandans la paix. Saint Jean monstroit Jésus-Christ vivant et tout entier (qui était la vérité des agneaux qui ont esté figurés de lui en l'Ancien Testament) et vous monstrez vostre oublie partie en pièces : puis la mangez , vous faisans donner à boire. Saint Jean a-t-il mangé Jésus-Christ en ce poinct ? Que pourroit dire un personnage qui n'auroit jamais veu telle singerie? Ne pourroit-il pas bien dire. Ce poure agneau n'a garde de devenir

mouton : car le loup l'a mangé

Mais le fruict de la messe est bien autre, comme l'expérience le nous démontre. Car par icelle, toute connoissance de Jésus-Christ est effacée, la prédication de l'Évangile est rejettée et empeschée , le temps est occupé en sonneries , hurlemens , chanteries , vaines cérémonies, luminaires, encensemens, desguisemens , et telles manières de sorcelleries , par lesquelles le poure monde est (comme brebis ou moutons) misérablement trompé, entretenu et pourmené, et par ces loups ravissans mangé et dévoré. Et qui pourroit dire ne penser, les larrecins de ces paillards? Par ceste messe, ils ont tout empoigné, tout destruit, tout englouti. Ils ont deshérité princes et rois, seigneurs , marchans et tout ce qu'on peut dire , soit mort ou vif. En somme vérité leur défaut , vérité les menace , vérité les pourchasse , vérité les espouvante : par laquelle en bref leur règne sera destruit à jamais.

Extrait de la page 106 du 3mo livre de l'Histoire des Martyrs, par Crespin.

HARANGUE DE FBANÇOIS Ier, APRÈS LA PROCESSION DU 21 JANVIER 1535.

Si le propos que j'ay à vous tenir, messieurs les assistans, n'est conduit et entretenu de tel ordre qu'il convient garder en harangue, ne vous esmerveillez. Pour autant que le zèle de

celuy, de qui je veux parler, Dieu Tout-Puissant, m'a causé telle et si grande affection, que ne sçaurois en mes paroles garder ny tenir ordre requis et nécessaire , voyant l'offense faite au Roy des Rois, pour lequel regnons, et auquel je suis Lieutenant en mon Royaume, pour faire accomplir sa sainte volonté; et considérant la meschanceté et acerbe peste de ceux qui veulent molester et destruire la monarchie françoise , laquelle par l'espace de tant d'années a esté par iceluy souverain Roy maintenue, ne puis m'en taire, posé ores qu'ainsi soit que par aucun temps elle en soit esté cy-devant affligée : Toutefois les Rois mes prédécesseurs sont tousiours demeurés permanents en la religion chrestienne et catholique , dont encore nous en portons et porterons, aidant Dieu, le nom tres-chrestien. Et bien que cette nostre bonne ville de Paris ait esté de tout temps chef et exemplaire de tous bons chrestiens, si est -ce que puis peu de temps aucuns innovateurs gens délaissés de bonne doctrine , offusquez en ténèbres , se sont efforcez d'entreprendre tant contre les saincts nos intercesseurs, qu'aussi contre Dieu Jesus-Christ , sans lequel ne pouvons agir ny prospérer en aucun bien-fait, qui seroit à nous chose très- absurde, si ne confondions en tant qu'en nous est, et extirpions ces meschans, foibles esprits. A cette cause, j'ay voulu vous convoquer, et vous prier mettre hors vos cœurs et pensées toutes ces opinions, qui pourront vous séduire et vous affoler les uns les autres, et que vous veuilliez , comme je vous en prie , instruire vos enfans, familiers et domestiques , à la chrestienne obéissance de la foy catholique , et icelle tellement ensuivre et garder, que si cognoissez aucun contagieux et perclus de cette perverse secte, vueillez icelui tant soit-il vostre parent, frère, cousin, ou affin, révéler: car en taisant son maléfice seriez adhérant à sa faction tant infecte. Et quant à moy, qui suis vostre Roy, si je sçavois l'un de mes membres maculé ou infecté de ce détestable erreur, non-seulement vous le baillerois à couper, mais davantage si j'appercevois aucun de mes enfans entachez , je le voudrois moy-mesme sacrifier. Et parce qu'à ce

jour je vous ay cognns de bon vouloir envers Dieu Jesus-Christ, vous prie persévérer. Et en ce faisant je vivray avec vous, comme un bon Roy, et vous avec moy, en paix, repos et tranquillité, comme bons et fidèles sujets chrestiens et catholiques doivent faire.

Extrait de l'Histoire de la Naissance de l'Hérésie, etc., par Florimond de Raemond, Iiv. vu, p. 861.

No 11.

LETTRE DE LA SOEUR DE FRANÇOIS Ier, EN FAVEUR DE MAROT.

Mon nepveu, avant mon parlement de Compiegne pour aller en Beart, Je vous priay ne vouloir oblyer Marot aux proucliains estatz (et pour ce que la souvenance depuis ce temps vous en pouroit estre passée, vous lay bien voulu ramentevoir, vous priant de rechef, mon Nepveu, le mettre hors de paine d'estre plus payé par acquitz. Et suyvant l'intention du Roy, le mettre en Testât de ceste présente année. Ce faisant me ferez bien grant plaisir, estimant que l'aurez traité comme l'ung des miens et priant Dieu, mont nepveu , vous donner et continuer sa grâce. Escript à Saint-Germain-en-Laye , ce xxrae jour de mars.

Votre bonne tante et amye , Marguerite.

Mon nepveu, Mons. le grant maistre.

Bibliothèque Royale. Mémoires du règne de François Ier. Lettres, Mémoires, Chansons , etc. , 8551 , p. 18.

TÉMOIGNAGE RENDU A LA PIÉTÉ DE LA SOEUR DE FRANÇOIS Ier.

Cujus etiam manibus sanctissimum illud Veteris Novique Testamenti volumen, quod Bibliam appellant, nunquam vel raro exh% semper divinis ut verè Christianam decet intenta libellis : nibil unquam nisi divinum cogitât, suadetque adeo ut ipse etiam meminerim me aliquando ab ea cum Appamyam venisset humanissime submonitum, jussumque partem aliquam vel Veteris vel Novi Testamenti maximo affectu, orationis instar quotidie légère, quo sane ut ipsa aiebat, nosque etiam postea experti sumus, nostramens avitio averteretur, et ad virtutes facilius accederet.

Elias, fol. 103.

Extrait de l'Hist, de Foix , Béarn et Navarre, p. 502, par Pierre Olhagaray,

LETTRE DE FRANÇOIS Ier A MÉLANGHTON.

J'avais entendu, il y a quelque temps, par Guillaume du Belay, sieur de Langei, gentilhomme de nostre chambre, et conseiller de nostre conseil privé, le sincère désir que tu as d'aporter la paix, et appaiser les troubles et divisions survenues en l'Eglise; depuis, par les lettres que tu lui as escrit, et par le raport que m'a fait à son retour Barnabas Voceus, j'ay sceu que tu veux prendre volontiers la peine de venir vers moy, afin de conférer, avec nos docteurs et théologiens, sur la reunion de l'Eglise , et restablissement de l'ancienne police ecclésiastique, chose que je désire embrasser avec tout le soin et solicitude qu'il me sera possible ; soit que tu viennes comme privé, ou comme ayant charge des tiens , tu seras le bien- venu,

et me trouveras par effet tres-desireux du repos de la paix, et de l'honneur et dignité de la Germanie.

Cette lettre se trouve dans l'Histoire de la Naissance de l'Hérésie , etc. , par Florimond, liy. vu, p. 857. Elle a été traduite du latin par cet auteur.

LETTRE DE MÉLANCHTON A FRANÇOIS Ier.

Combien que ce tres-beau royaume de France , Roy Tres- Chrestien, et tres-puissant, excelle par-dessus tous les autres royaumes de la terre en plusieurs autres choses , qui luy servent d'honneur et d'embellissement; si est-ce qu'entre les principales louanges, cette-cy doit tenir le premier rang, qu'il a tousiours surmonté les autres nations en la doctrine , et a tousiours esté comme en sentinelle, pour la deffense de la religion chrestienne. A raison de quoy a bon droit il porte ce tiltre de Tres-Chrestien , qui est une louange des plus grandes, et des plus augustes qu'il se puisse dire en toute la terre, et partant c'est une chose louable à vostre Royale Majesté, de ce que mesmes en ce temps, elle prend le soin de conserver son Eglise, non par des remèdes violens; mais avec la raison vraye et digne d'un Roy tres-bon et Tres-Chrestien, et de* ce que parmy ces dissensions, elle s'estudie et s'affectionne de composer et modérer tellement les efforts et véhémences de l'un et l'autre party, que la doctrine chrestienne estant expliquée et repurgée, il soit diligemment pourveu et advisé à la gloire de Christ, à la dignité de l'Ordre ecclésiastique, et repos public. Certainement il n'y a rien qui mérite tant de gloire et de louange , que ce désir et ses conseillers. Rien ne se peut penser plus digne d'un Roy. Parquoy je supplie votre Majesté royalle, qu'elle ne se délaisse et ne cesse de s'employer de tout son pouvoir à ce soin, et à cette pensée : car encores que la dissension publique aye baillé place en certains lieux, à quelques déréglez et mauvais docteurs; toutefois, il y a plusieurs choses ouvertes et révélées par des gens de bien, lesquelles il importe et sert de beaucoup,

quelles soient montrées, et demeurent en l'Eglise. Et encore que la pétulance des mauvais doive estre reprimée : toutefois , je supplie vostre royale Majesté , qu'elle ne se laisse tellement mener par les plus sévères opinions des escrits de quelquesuns, qu'elle souffre les choses qui sont bonnes et utiles à l'Eglise , estre délaissées. Quant à moy, aucunes opinions desreglées , comme sont celles qui ont gasté et corrompu ce trèsbeau et très sainct Ordre de l'Eglise, ne m'ont pieu, comme aussi il n'y a rien qui doive estre plus cher et plus recommandable à tous que cela. Et parce que je sçay que vous affectionnés tous les gens de bien , qui sont versez en ce mesmc genre de doctrine que moy : sitost que j'ay veu les lettres de vostre royale Majesté, j'en prens Dieu à tesmoin , je me suis efforcé de tout mon pouvoir de faire, qu'incontinent je m'en peusse aller vers vostre Majesté : car il n'y a chose en ce monde que je souhaite tant que de pouvoir apporter à l'Eglise quelque secours, en tant que ma petite capacité se peut estendre. Et suis entré en quelque bonne espérance , après avoir cogneu que la piété et prudence de vostre royale Majesté, ne desiroit rien tant que d'aviser et pourvoir au commun bien de la gloire de Christ. Mais vostre Majesté entendra par Voceus , combien de difficultez me retiennent encore pour un petit, lesquelles quoy qu'elles ayent apporté du retardement à ce mien voyage, toutefois n'ont jamais destourné mon esprit ni de sa profession , ny des conseils , ou de l'affection et désir que j'ay d'appaiser les diïïerens de la chrestienté. Voceus vous déclarera plus amplement toutes ces choses, pour la fin je me recommande à vostre royale Majesté, et vous promets que j' assembler ay et rapporteray tousiours mon jugement à l'opinion des bons et doctes hommes qui sont en l'Eglise. Christ vueille garder vostre royale Majesté florissante et entière, et la vueille gouverner pour le salut commun de tout le monde, et pour l'illustration de la gloire de Dieu. Donnée en Saxe, le 5 devant les calendes de septembre 1535.

Cette lettre qui fut traduite du latin en français, peu de temps après sa réception a été également insérée dans l'Histoire de la Naissance de l'Hérésie , etc. , de Florimond. Elle se trouve au !iv. vu, p. 857 et 858,

LETTRE DE FRANÇOIS Ier, ADRESSÉE EN 1541, AUX CANTONS RÉFORMÉS DE ZURICH , DE RERNE , DE SCHAFHOUSE, DE SAINT-GALL ET A LA VILLE DE MULHOUSE.

François par la grâce de Dieu, Roy de France et de Navarre.

Très chers, grands amis, alliez et confederez. Nous avons receu les lettres que vous avez escrites, du 29mo de juin dernier passé, en faveur d'aucuns nos subjects, détenus prisonniers tant à Grenoble, qu'auxtres villes de nostre royaume pour le faict de vostre religion à ce que les veuillons délivrer et aussi révoquer et rappeler ceux qui sont bannis, sans qu'ils soient tenuz d'abjurer selon l'ordonnance par nous faicte; sur quoy vous avons autrefoy repondu, et Nous semble que la dite réponse vous devoit assez suffire. Car comme nostre intention soit ne nous entremettre aucunement de l'ordre et forme de vivre dans vos pays, et des loix, constitutions et établissements qui y sont faites, ainsy ne vous devez vous advancer de nous faire prière de telles choses; car estant Roy, nous avons sceu, et sçavons très bien pourvoir avec l'aide de Dieu, au règne et administration de nos royaumes, pays et subjects, vous advisant, qu'en toutes choses, où nous vous pouvons gratifier que nous le ferons de bon cœur. Et à partant, très chers et grands amis, nous prions le Créateur vous avoir en sa saincte et digne garde. Escrit à Moulins, le dernier jour de juillet, l'an 1541.

François.

Rocheleb.

Nous avons copié cette lettre dans un des volumes de la précieuse collection de Simler, qui se trouve parmi les manuscrits de la Bibliothèque de Zurich. Voyez, de rébus sœculi xvi , Simlers sammlung.

LETTRE DE CALVIN A LA SOEUR DE FRANÇOIS 1er, MARGUERITE, REINE DE NAVARRE.

Madame, j'ay receu lettres d'un homme de ceste ville escriptes comme il dict de vostre commandement par lesquels j'entends que vous estes fort malcontente de moy à cause d'un certain livre par moy composé, lequel j'ay intitulé contre les libertins. Il me faict mal de vous avoir contristé, sinon que ce fust pour vostre salut. Car telle tristesse, dict saint Paul, est si bonne qu'il ne s'en faut point repentir d'en avoir causé. Mais je ne scay pas, Madame, comment ce livre vous a peu tant animer. L'homme qui m'a rescript m'allègue la raison que c'est d'autant qu'il est composé contre vous et vos serviteurs. Quant est de vous, mon intention n'a pas esté d'attoucher vostre honneur ni diminuer la révérence que tous fidèles vous doyvent porter. Je dy oultre, celle que nous vous devons tous pour la majesté royale en laquelle Notre Seigneur vous a exaltée , pour la maison dont vous estes descendue, et pour toute l'excellence qui est en vous, quant au monde. Car ceulx qui me cognoissent sçavent bien que je ne suis pas tant barbare ni inhumain que de mespriser ni tascher de mettre en mespris les principaultez, la noblesse terrienne, et ce qui appartient à la police humaine. Davantage, je cognois les dons que Notre Seigneur a mys en vous, et comment il s'est servy de vous et vous a employé pour Fadvancement de son règne. Lesquelles choses me donnent assez d'occasion de vous honnorer et avoir votre honneur en recommandation. Aussi, Madame, je vous prie de ne vous laisser point persuader par ceux qui vous enflambent contre moy, ne cherchant ni votre profit ni mon dommage. Mais plustost de vous alliener de la bonne affection que vous portez à l'esglise de Dieu , et vous oster le courage de servir à Nostre

Seigneur Jésus . et à ses membres , comme vous avez faict jusques à ceste heure. Quant à vos serviteurs, je pense que vous n'estimez pas votre maison plus pretieuse que celle de Nostre Seigneur Jésus , de laquelle un membre est nommé diable, voyre un serviteur qui estoit assys à la table de son maistre, et constitué en cest estât tant honorable d'estre ambassadeur du Fils de Dieu. Combien que je n'ay pas esté si inconsidéré que de nommer votre maison , mais dissimulant que ceulx dont j'avoys à parler vous attouchassent en rien, j'ay parlé en vérité et comme devant Dieu. Il reste à regarder sy j'ayprins plaisir à les diffamer, ou sy j'ay esté contrainct par grande et juste raison , voire par nécessité à les taxer ainsy.

Or, Madame, sy vous estes bien advertye de tout, j'estime bien tant de vous , que non-seulement vous excuserez ce que j'en ay fait, mais estimeriez ma simplicité digne de louange. Je voy une secte la plus pernicieuse et exécrable qui fust oncques au monde. Je voy qu'elle nuyst beaucoup, et est un feu allumé pour destruire et gaster tout, ou comme une contagion pour infectionner toute la terre , si l'on n'y remédie. Puisque nostre seigneur m'a appelé à ceste office, ma conscience me contraint d'y résister tant qu'il m'est possible. Il y a plus, que je suis sollicité des princes fidèles que

bientost et sans plus délayer je mets la main à l'œuvre. Néanmoins après telles requestes ay-je différé un an entier, pour voir sy le mal se pourroyt assoupir par silence. Si on m'allègue que je pouvois bien cscryre contre la mesme doctrine, laissant les personnes là, j'ay mon excuse plus que raisonnable. C'est que sachant que icelle Monsieur Antoyne Poque, au pays d'Artois, selon la relation des frères qui sont expressément icy venus pour cela, l'ayant ouy mesme icy, sçachant que Quintin ne prétend à autre fin, que d'attirer les paoures simples ames à ceste secte plusque brutalle , et non point par raport d'autruy, tant que pour l'avoir ouy de mes oreilles, entendant qu'ils sont tousiours après pour renverser la sainte doctrine, tirer les paoures ames en perdition.

engendrer au monde un contemnement de Dieu , jugez, Madame, s'il mestoyt libre de dissimuler. Un chien aboyé s'il voyt qu'on assaille son maistre. Je seroys bien lasche si en voyant la vérité de Dieu ainsy assaillie , je faisoys du muet sans sonner mot. Je suis tout persuadé que vous n'entendez pas qu'en faveur de vous, je trahisse la défense de l'Évangile que Dieu m'a commise. Parquoy je vous supplie, Madame, de ne vous point offenser, si estant contrainct par le devoir de mon office, soulz peine d'encourir l'offense de Dieu, je n'ay point espargné vos serviteurs sans toutesfois m' adresser à vous. Quand à ce que vous dictes que vouldriez avoir un tel serviteur que moy, je confesse que ne suis pas pour vous faire grands services. Car la faculté n'y est pas. Et aussy vous n'en avez pas faulte. Mais si est-ce que l'affection n'y défaut pas. Et tant que vivrayje persisteray tousiours en ce propos au plaisir de Dieu, et quoy que vous dédaignez mon service, cela nem'empeschera pas que je ne sois votre humble serviteur et de bonne volonté. Au reste; ceulx qui me cognoissent, sçavent bien que je n'ay jamais aspris d'avoir entrée aux courtz des princes d'aultant que je n'estoys pas tenté de parvenir aux estatz. Quand j'y eusse tasché, c'eust esté possible en vain, mais je remercie notre Seigneur que je n'en ay jamais esté tenté.

Car j'ay bien occasion de me contenter de servir à un si bon maistre, qui m'a accepté et retenu en sa maison, voire en me constituant en un office tant digne et excellent quelque contemptible qu'il soyt selon le monde. Je seroys par trop ingrat, sy je ne preferoys ceste condition à toutes les richesses et honneurs du monde. Quant à la reproche d'inconstance que vous me faictes, d'aultant que je ne me suis dedict, je vous averty , Madame, qu'on vous a mal informée. Car jamais notre Seigneur ne m'a advenu jusque-là, qu'on m'ayt demandé confession de ma foy. Quand il luy eust pieu m'esprouver en cest endroict , je ne me vante pas de ce que j'eusse faict, mais je ne doultepas que, puisqu'il m'a donné ceste constance d'exposer ma vie en danger pour aultruy, au regard seulement de sa

parole, qu'il ne în'eust assisté par sa vertu quand il eust esté question de moy. Tant y a qu'il m'a préservé de ceste reproche que jamais je ne me soys dedict ni directement ni obliquement, Qui plus est, j'ai tousiours eu en horreur une telle lascheté que de renier Jésus pour sauver sa vie ou ses biens. Je dy mesme du temps que j'estoys en France comme plusieurs en sont tesmoings, mais affin que je vous soye plus acertenée que ceulx qui vous ont faict tel rapport de moy ont abusé de votre audience trop humaine , je m'en rapporte a Mons de Clerac (Roussel), lequel vous pourra dire que c'est une faulse calomnie qu'on m'impose, laquelle je ne doibs nullement porter, d'aiûtant que le nom de Dieu en seroyt blasphémé. Car combien que je ne soys rien, toutesfois puisqu'il a pieu à Dieu d'user de moy comme d'un de ces instruments à l'édification de son Eglise, je voy quelle conséquence tyreroit un tel blasme , s'yl estoyt en ma personne, pour diffamer l'évangile. Mais je loue le Seigneur qui n'a pas tant permys sur moy à Sathan, et mesme a supporté mon infirmité, en ce qu'il ne m'a jamais esprouvé par examen ni par prison. Je vous prie de m'excuser en la brièveté et confusion de ma lettre, car incontinent après avoir receu les nouvelles de votre mescontentement, je me suis voulu efforcer de vous satisfaire en tant qu'en moy seroyt, non pour aultre raison que pour éviter que je ne fusse cause de vous resfroidir ou destourner de la bonne affection qu'avez monstrée jusques icy envers les pauvres fidèles, et sur ce, Madame, après m'estre très humblement recommandé à vostre bonne grâce , je supplie ie Seigneur Jésus de vous maintenir en sa garde , de vous guyder par son esprit tant en prudence qu'en zèle, de poursuivre votre saincte vocation. De Genève, le 28 d'avril 1545.

Votre très humble obéissant serviteur en Nostre- Seigneur, Jehan Calvin.

Lettres de Calvin, n° 107 des Manuscrits de la Bibliothèque de Genève. François de Saint-Vol ou de Saules, qui avait été continué ministre de Jeanne d'Albret , reine de Navarre , par le synode national de Nismes , l'avait copiée sur

l'original,

LETTRE DE CALVIN A MADEMOISELLE *** Mademoiselle ,

Retirez-vous par deçà , pour servir à Dieu en repos de conscience. S'il vous estoit possible de vous en acquitter où vous estes : je n'auroye garde de vous donner conseil d'en bouger. Mais je scay en quelle captivité vous estes détenue.... Combien que plusieurs se flattent en cest endroit, se faisant à croire que c'est une faulte le gère que de se polluer aux superstitions qui sont répugnantes à laParolle de Dieu, et deroguent à son honneur; j'estime que l'honneur de celui auquel nous devons tout , vous est si précieux, que ce vous est un regret importable d'y contrevenir tous les jours comme vous y estes contrainte

Considérez maintenant, si ce n'est pas une maiheureuse condition , d'y languir sans fin. Je scay bien que plusieurs nous objectent que nous ne sommes pas icy anges non plus : et que nous offensons Dieu comme on faict là ; ce qui est vray. Mais

comme dit le proverbe : Mal sur mal n'est pas santé Au reste

quand vous avez bien tasché par dissimulation à vous exempter des périls ou vous este : encore n'est-ce rien faict. Car les iniques espient de près : et ne les pourriez jammais contenter qu'en renonçant Dieu du tout. Parquoy vous n'estes en repos du corps non plus que de l'ame et après avoir déchue de Dieu pour complaire au monde, vous n'avez rien profité, sinon de languir comme en transe. Vous me demanderez si estant venue icy vous aurez repos assuré pour tousiours. Je confesse que non. Car pendant que nous sommes en ce monde, il nous convient estre comme oiseaux sur la branche. Il plaist ainsy à Dieu , et nous est bon. Mais puisque cest asylet vous est donné auquel vous puissiez achever le reste de vostre vie en le servant , s'il luy plaist , ou bien profiter de plus en plus et vous conformer

26 APPEIVÛïCE.

en sa Parolle affin que vous soiez plus preste à soutenir les persécutions quant il lui plaist : ce n'est pas raison de le refuser... .

Je scay que c'est chose dure de laisser le pais de sa naissance principalement à femme ancienne comme vous , et destat. Mais nous devons repoulser telles difficultés par meilleure considération : c'est que nous préférions à nostre pais toute région ou Dieu est purement adoré : que nous ne désirions meilleur repos de nostre viellesse , que d'habiter en son église ou il repose et faict sa résidence : que nous aymons mieulx d'estre contemtibles en heu ou son nom soit glorifié par nous, que d'estre honorables devant les hommes, en le fraudant de l'honneur qui lui appartient

Ce (1546).

Votre serviteur et humble frère , Charles d'Espeville.

Copies de lettres de Calvin. Manuscrits de la bibliothèque de Genève ,n° 3. Voyez Ruchat , tom. v. Appendice, p. 529. On croit que cette lettre fut adressée à la veuve du célèbre Budé. Elle n'a pas d'adresse. L'épithète mademoiselle était alors donnée aux dames d'un rang élevé.

COPIES DE LETTRES DONNÉES A M. PHILIBERT HAMEL1N POUR DRESSER ÉGLISE AUX FRÈRES DISPERSEZ EN AUCUNES ISLES DE FRANCE.

Très-chers frères ,

Nous avons à louer Dieu de ce que en la captivité où vous estes, il vous donne ceste vertu que vous demandez à le servir purement, craignans plus d'estre privez de sa grâce que de vous exposer aux dangers qui va peut-estre advenir par la malice des adversaires, car le frère présent porteur nous a déclairé que vous l'avez requis de retourner vers vous quand il pourroit et que vous désirez par tous moyens, estre sollicitez à

bien et confirmez en la foi de l'Évangile , et de faict il en est aujourd'hui plus grand besoing que jamais. Il reste que ce bon zèle soit ferme en vous, afin que poursuiviez constamment de vous advancer au chemin du salut. Quand à l'homme vous le cognoissez et de notre part selon qu'il s'est monstré icy, homme craignant Dieu, et a conversé avec nous sainctement et sans reproche et aussy qu'il a tousiours suivy bonne doctrine et saine, nous ne doubtons pas qu'il ne se porte fidèlement par delà et ne mettre peine à vous édifier. Quand au conseil qu'il nous a demandé en votre nom, voicy l'ordre qu'il nous semble que vous avez a tenir tant pour prier Dieu en commençant, que pour être enseignez et exhortez tant par luy que par d'autres que Dieu vous donnera, et auxquels il aura faict la grâce de vous pouvoir servir. Sur cela , que vous preniez courage de vous séparer des idolâtries , de toutes superstitions qui sont contraires au service de Dieu, et à la confession que lui doivent tous chrestiens, car nous sommes appelez à cela. Quand Dieu, avec le temps, vous aura faict tellement profiter que vous serez comme un corps d'Église qui s'entretiendra en l'ordre déjà dit, et qu'il y en aura quelques-unes qui seront résolus de se retirer des polluations qui régnent là, alors vous pourrez avoir l'usage des sacrements. Mais nous ne sommes nullement d'advis que vous comenciez par ce bout, et mesme que vous soiez hâtés d'avoir la saincte Cène , jusques à ce que vous aiez un ordre establi entre vous. Et de faict, il vous vault beaucoup mieux de vous en abstenir, afin que vous soiez induicts par cela à chercher les moiens qui vous en rendront capable. C'est comme desia nous avons dict que vous soiez accoutumez de vous assembler au nom de Dieu, estans comme ung corps , et que vous soyez séparez des idolâtries, qu'il n'est pas licite de mesler avec les choses sainctes. Mesmes, il ne serait pas licite à ung homme de vous administrer les sacremens sans qu'il vous recognoisse comme ung troupeau de Jésus-Christ et qu'il ne treuve entre vous une forme d'église. Cependant prenez courage à vous dédier du tout à Dieu , lequel nous a si chèrement

acquis par son propre fils et rendez nng homage de corps et d'àme ; monstrans que vous tenez sa gloire plus précieuse que tout ce qui est du monde, et que vous estimez plus le salut éternel qui vous est appresté au ciel que ceste vie caduque. Surquoy , très-chers frères, faisans fin à la présente, nous prierons ce bon Dieu d'accomplir ce qu'il a commencé en vous, de vous augmenter en tous biens spirituels et vous avoir en sa saincte protection. Ce 12e d'octobre 1553.

Charles d'Espeville.

Tant en son nom que de ses frères ,

Nous avons copié ces instructions de Calvin, dans le premier volume des registres manuscrits de la vénérable compagnie des pasteurs de Genève.

Page 1