LETTRE DE CAXVIN AU DUC DE WURTEMBERG

21 février 1558.

(A très-illustre très-hault et puissant prince monseigneur le duc de Wurtemberg).

Monseigneur,

Je me suis desporté de vous escrire, craignant qu'il ne semblast, que je ne m'attribuasse trop de crédit : aussi que j'estois bien persuadé que vous estiez tant enclin favorable à ceste cause, qu'il n'estoit ja besoing de vous solliciter beaucoup. Maintenant pource qu'il a fallu pour grande nécessité et urgence, que ce troisième voyage fust entreprisse vous prie, monseigneur, qu'il vous plaise m'excuser, si je me suis avancé de vous déclarer que ce qu'on retorne si souvent vers vous n'est point par légèreté, ou zele inconsidéré, mais d'aultant qu'il est bien requis que vous , monseigneur et les aultres trèsillustres princes, soiez advertis, en quel estât est aujourd'hui la chose pource qu'on vous pcult faire accroire que la condition des fidèles est passable , qui seroit pour vous empescher de faire ce que vous aviez délibéré, et tant libéralement promis. Or je vous puis assurer, monseigneur, pour vérité

combien que de la grande compagnie qu'on apwt emprisonnée pour un coup on en aict bruslé que sept, que cela n'est pas advenu que les ennemys, de l'Evangile aient été appaises , ni adoulcis. Car le roy estant poulsé par le cardinal de Lorraine, a declairé qu'il ne se contentoit pas de sa court de parlement de Paris et avec menaces a faict tancer ses conseillers comme nonchallans et tardifs. Au reste, les juges qu'il avait députés a l'appétit dudit cardinal, n'ont esté refroidis pour aultre raison, que pour ce qu'ils n'esperoient pas rien profiter en bruslant ainsi a la liaste. Car ils avoient condamné deux jeunes enfans pensant bien que l'infirmité de l'âge les feroit fléchir pour renoncer tout; et mesme accuser leurs complices, comme ils parlent ; mais aiant veus la force et constance que Dieu leur avoit donnée, ont cherché par astuce auitres moiens de tout ruiner petit à petit. Car après avoir examiné tous les prisonniers, ils en ont enserré plus de trente qu'hommes que femmes les tenant desia pour condamnes et toutesfois différant l'exécution jusqu'à ce qu'il leur vienne mieux a propos. Tant y a que les pauvres gens trempent et languissent en des fonds de fosses, n'attendant que l'heure de la mort; mesme il est bon et expédient que vous sachiez, monseigneur, la façon de procéder qu'on tient envers tous ceux qu'on brusle. C'est qu'après les avoir condamnés devant que de les mener au feu, on les mect à la torture, pour leur faire révéler tous ceux qu'ils cognoissent, tellement que nul ne meurt que tous ne soient en danger. Et affin de tenir en doubte et perplexité tous ceux qui pourraient estre soupçonnes, ils font coupper les langues à tous ceux qu'ils ont ainsi gesnés. Par quoy ceux qui sont encore détenus ne seront pas quittes de mourir à petit feu : mais si Dieu leur faict la grâce de tenir bon , il fauldra que chascun endure grief tourment, pour racheter la vie de ses frères. Si quelcim estant vaincu fléchit , voila un feu de nouveau de grande persécution allumé. Or oultrc ceux quTsont ainsi resserrez, les juges en ont departy, çà et là par les monastères affin de les contraindre par rimportunité des moynes à renoncer Jesus-Christ. Et ce que

plusieurs sont échappes n'a pas esté sinon d'aultant que les moynes craignaient d'estre gaingnes plustost que de leur faire changer de courage , ainsi pensans que leurs cloistres pourroient estre poilus , ils n'en ont point faict si grande garde qu'aulcuns ne soient sortis. Tant y a que nul n'a esté absoubs ne relasché, sinon en confessant d'avoir failly , qui est blasphémé contre Dieu et sa vérité. Depuis le Roy ne se contentant point a faict supplier le pape d'ordonner trois cardinaux souverains juges sur le faict des hérésies qu'il appelle. Or je vous laisse a penser, monseigneur, puisque toute licence est donnée au cardinal de Lorraine , qui ne demande qu'a tout exterminer, en quel estât seront les pauvres fidèles, s'ils ne sont secourus par la bonté de Dieu. D'aultre part, il y a nouvel edit publié par le Roy, auquel il remect toute jurisdiction et cognoissance des hérésies aux evesques, et a leurs officiers, pour declairer hérétiques ceux que bon leur semblera : tellement que les juges royaux en despit qu'ils en aient seront contraincts de faire mourir tous ceux qui leur seront remis: comme aussi il leur est estroittement enjoinct. Et de tout cecy, monseigneur, il ne vous en fault point enquérir de loing pource que vous verrez le tout imprimé , ou ceux à qui il vous plaira commander de le veoir. Quant au mot des sacramentaires, il a esté entrelassé par astuce, afin de rendre la cause des pauvres frères odieuse , et par ce moyen les priver de tout support et aide. Il serait bien à désirer que le différent qui a causé par cydevant de grans troubles entre nous , fust bien appoincté. . . .

J'aimerois beaucoup mieux m' employer à esclaircir simplement la vérité pour venir en bonne et saincte union, que d'estre contrainct a respondre a ceux qui ne demandent que noise et querelle et assaillent sans propos ceux qu'ils voient

estre paisibles. .

Tant y a, monseigneur, que les François ne discernent point les uns d'avec les aultres

ÀPPEUDDICÎÏ.

Or il y a un nombre quasi infini de bonnes gens par tout le royaume qui peulvent estre fort effrayés , voyant leur vie pendante a un filet, sinon que Dieu aict pitié d'eux

Selon vostre prudence vous n'oublierez rien de ce qui viendra a propos. Seulement je diray ce mot, qu'il seroit à soubhaiter que le roy entendit pour un bon coup quelle doctrine il persécute. Car il n'y auroit rien meilleur, ne propre à luy amollir son courage , que de l'informer que par faulte d'avoir bien cogneu le mérite de la cause, il est ainsi enflambé contre les enfans de Dieu; non pas que je vous en ose requérir, monseigneur, mais affin qu'il vous plaise y ad viser

De Genève ce 21 de febvrier 1558.

(Non-si gnée.)

Lettres de Calvin, no 108 des manuscrits de la bibliothèque de Genève. Rachat, tom. vu, p. 350.