A MELUN

Monsieur,

Combien que je suis assez persuadé que de longue main vous avez prémédité comment pour soustenir les assaubts qui nous sont dressés , il vous falloit estre armé et muny, et ne doubte pas outre ce que Jesus-Christ fait profiter en vous au besoing la doctrine que vous avez aprinse en son eschole que ceulx qui sont plus prochains de vous s'y emploient fidèlement en tant que l'accès leur est donne. Si n'ay-je pas voulu faillir à m' acquitter d'une partie de mon debvoir. Je ne suis pas asseuré si la présente viendra jusque a vous, mais quoy qu'il en soit, ce m'est quelque alegement et demy repos d'essayer si de ma part je pourray aulcunement vous aider en vostre combat. Nous avons bien tous à louer Dieu de l'entrée qu'il vous a donnée , laquelle il fera servir plus que ne pouvons estimer, et de faict il nous fault tenir ce point résolu, que Dieu a produit comme par la main pour estre temoing à sa vérité au lieu dont elle avoit esté forclose jusques icy. Mais qu'il vous souvienne qu'en vous donnant telle magnanimité pour la première poincte, il vous a tant plus obligé a soy de persister constamment, en sorte qu'il y auroit moins d'excuse de reculer que de ne vous estre advancé. Je conçoy bien en mon esprit une partie des alarmes que vous avez desia expérimenté , et encores n'est-ce pas la fin , mais quand ils seroient cent fois plus aspres et rudes , si est-ce que le maistre auquel servez , mérite bien que vous y résistiez jusques au bout, ne défaillant pour rien qui soit. Vous avez par cy-devant souvent exposé vostre vie en hasard pour vostre prince terrien, et seriez encores prest d'en faire lasemblance au besoing, d'autant que vous y estes tenu: ce n'est

pas raison que le souverain Roy du ciel et de la terre, auquel le Pere a donné tout empire, soit moins prisé, et qu'il vous face mal d'acquérir des ennemys pour maintenir sa gloire , veu que non-seulement nous sommes du tout à luy, tant de droit de nature que pour le prix inestimable de son sang, qu'il n'a pas espargné pour nostre salut, mais aussi que le service que nous lui rendons ne peult estre perdu, et que tout ce qu'il nous fauldra endurer pour luy nous sera profitable, comme saint Paul se glorifiant que Jesus-Christ luy est gaing a vivre et a

mourir Vous avez desia senty, comme je croy, que le plus

dur assault et le plus difficile est de ceulx qui soubs umbre

d'amitié s'insinuent pour vous faire fleschir Ainsi, Monsieur,

eslevant tous vos sens , apprenez de boucher les aureilles à tous ces soufflets de Satan qui ne taschera qu'r renverser vostre salut en esbranlant la constance de vostre foy; apprenez de fermer les yeux à toutes distractions qui seroient pour vous divertir, sachant que ce ne sont qu'autant de tromperies de nostre ennemy mortel

Car quoyque plusieurs auiourd'huy ne facent que torcher leur bouche en reniant la vérité, si est-ce que la confession d'icelle est trop précieuse à Dieu , pour en tenir si peu de compte

Tant y a qu'il fera profiter nostre simplicité plus que nous ne pensons, si nous suyvons ce qu'il nous commande

De Genève, 10 may 1558.

Lettres de Calvin. Manuscrits de la Bibliothèque de Genève , no 107. Ruckat , viiT p. 351.

LETTRE DE CALVIN AU ROI DE NAVARRE

Sire,

Combien qu'il sembleroit que durant ces troubles qui se sont eslevés depuis nagueres je vous deusse espargner; toutesfois,

je ne craindray point en telle nécessité vous prier et solliciter, au nom de Dieu, a vous emploier en ce que Dieu requiert de vous, espérant que vous ne prendrez point à importunité, si je procure la cause du Roy souverain, auquel nous ne pouvons rendre la centiesme partie de ce que nous debvons, encores que chacun s'efforce de toutes ses facultés à s'employer envers

luy Car en telle occasion qu'il vous présente , il est certain

qu'il veult esprouver quelle affection vous avez envers luy

Le haut degré où vous estes ne vous exempte pas, comme vous sçavez, de la loy et reigle qui est commune à tous fidèles, de maintenir la doctrine de nostre Seigneur Jésus, en laquelle gist toute notre félicité, et salut; mais selon que vous estes eslevé par-dessus les aultres , Sire, d'aultant plus vous fault-il efforcer de monstrer le chemin a ung si grand peuple qui a les yeux

jetés sur vous Je ne sçay pas jusqu'où vous avez desia esté

tiré; mais je vous prie, Sue, si vous aviez commencé trop debilement, comme souvent les premiers combats ne nous trouvent pas si bien disposés comme il seroit requis, de maintenant rendre courage.

Au reste , confiez vous en celuy, etc

Quand vous y procéderez ainsi franchement, ne doubtez pas, Sire, qu'il ne prenne la cause en main

Ce 8 juin 1558.

Lettres de Calvin, n° 107 des manuscrits de la Bibliothèque de Genève. Ruchat, VU , p. 353.

LETTRE DE CALVIN A D AWDELOT. Monsieur ,

Depuis avoir receu vos lettres, j!ay aussi entendu les tristes nouvelles de ce qui se machinoit contre vous. . . . . .

Mais quoy qu'il en soit , nous avons à nous consoler en glorifiant Dieu de ce qu'il continue à vous tenir la main forte. . . . . . . Et aussi je croy , comme il dispose tout par son conseil admirable, ainsi que vous le considérez tres-bien, qu'il vous a retenu pour une occasion jusques à ce que vous eussiez accomply la charge à laquelle vous avoit appelé, et vous fussiez acquitté de vostre debvoir, affin que si ayant respondu de vostre foy, vous prenez le congé qui vous sera permis , cela ne

soit imputé à légèreté ne défiance . Parquoy

si les hommes murmurent contre vous , c'est bien assez que vous soiez absouts d'enhault

Ce 12 de juillet 1558.

Lettres de Calvin, n° 107 des manuscrits de la Bibliothèque de Genève. Ruchat , p. vu. 355.