LETTRE DE CALVIN AU MÊME

Monsieur ,

Je scay bien quant à l'acte que vous avez faict que les excuses que vous amenez ont couleur pour amoindrir la faulte en partie ; mais quand vous aurez tout bien considéré de plus près, le tout ne peuit gueres alléger devant Dien. Car vous scavez combien de povres ames débiles ont esté troublées d'un tel scandalle , et combien de gens pourront prendre pied a vostre exemple. Et quand ce mal n'y serait pas d'avoir ruiné ce que vous avez édifié, ce n'est pas une offense petite ne légère d'avoir préféré les hommes à Dieu , et pour gratifier a une créature mortelle, avoir oublié celuy qui nous a formés, etc.. Mesme en vostre personne ils ont cuyde avoir vaincu nostre Seigneur Jesus-Christ; aiant mis sa doctrine en opprobre. . . . Seulement je vous prie de vous desplaire tellement au mal qui est ja commis, que pour le reparer vous rentriez au train que

vous aviez bien commmencé, mettant peine de gloriffier Dieu purement

Lettres de Calvin, n° 107, des manuscrits de la Bibliothèque de Genève. Rucliat , vu, p. 355.

LETTRE DE CALVIN A L'AMIRAL DE COLIGNY. Monseigneur,

J'espere qu'après avoir leu la présente , d'aultant qu'elle vous sera ung tesmoignage du soing que j'ay de vostre salut, vous ne tiendrez pas maulvais que je vous l'aie escrite

Or, ce n'est pas assez de se monstrer vaillant et de ne point deffaillir ou perdre couraige en adversité, sinon que nous aions ce regard de nous submectre du tout a la bonne volunté de Dieu et nous y accorder paisiblement. Or puisque il vous a desia donné telle constance, il n'est plus besoing comme on dit de vous y exhorter, seulement je vous prieray de penser plus oultre , c'est que Dieu en vous envoyant ceste affliction vous a voulu comme retirer à l'escart pour estre mieulx escouté de

luy Parquoy, Monseigneur, je vous prie d'aultant que

Dieu vous a donné ceste opportunité de profiter en son escolle, comme s'il vouloit parler à vous privement en l'oreille d'estre attentif a gouster mieulx que jamais que vault sa doctrine et combien elle nous doibt estre précieuse et amyable

Vray est qu'aujourd'huy toutes choses seront plustost permises que d'honorer purement Dieu tellement que vous ne pouvez luy rendre fidèle debvoir qu'il ne vous faille soustenir plusieurs murmures et menaces. Tant y a que l'honneur de Dieu vous doibt estre tellement privilège que le reste soit mis bas auprès, et sa grâce mesrite bien d'estre préférée à toutes faveurs des créatures

Ce 4 septembre 1558.

Cette lettre se trouve imprimée en latin, dans le tom. vin des Œuvres de Calvin, p. 214. Manuscrits de la Bibliothèque de Genève , 108. Bûchai , vil , p. 362.