LE MARQUIS DE PISANI AU ROI

Saint-Germain-en-Laye, 4 décembre 1595.

Sire,

Hier au soir, Monseigneur le prinse de Condé et Madame sa mère arrivèrent en se lieu, aiant couché à Sl-G!ou,ou Mesieurs le chanselier de Belièvre, de Sansi, de Chomberc et aultres Meii- 28

sieurs du conseils le vindrent visiter, qui le trouvèrent fort beau et spirituel, comme à la vérité il le l'est, et croys, s'il est bien conduict, que Vostre Magesté demourra très-satisfaicte et contante de l'honneur qu'elle luy faict d'avoir pris soin de luy et de le faire norir, me asurant qu'il se rendera propre de luv faire service en quelque bonne oquasion, quant les forces luv en donneront le moien, s'asurant que, le tamps qu'il plaira à Y. M. que ie demoure auprès de luy, que ie ne luy donneray aultre laison {leçon) que l'observanse et honneur qu'il le luy doibt porter. Il est ausi trè-nésésaire qu'elle ne soufre auprès de luy que ians vertueux et très-afectionnés à vostre roial service, et tenir sète maxime de luy donner moins de ians qui se poura, pour qu'il n'y ait poinct de confusion en sa maison, mais tout le bon ordre qu'il se poura. Madame sa mère a un très-grand soin de luy, et a mis toute la diliganse qu'elle a peu de le rendre issi. Il est très-nésesaire qu'au plutaust l'on luy donne un bon présepteur (ie dis bon, Sire), parse qu'il ne luv fault donner qu'une personne vertueuse et très-confidante à vostre service. L'on ne luy doibt laisé set esprit que le moins que l'on poura oesif, de peur qu'il se aplique, comme il le l'a très-vif et pront, à petites vaganteries, auquels ses esprits prompts se apliquent volontiers, si à bonne heure l'on n'y remédie. V. M. me commandera et ordonnera, s'il luy plest, au plutaust se qu'elle veust que ie fase à selle fin que, sachant sa roialle volonté, ie n'y faille d'un seul poinct. Led. sieur prinse n'a moien ne crédict que seluy qu'il luy plaira luy donner. Il n'a nule sorte de meuble, et couche avecque .Madame sa mère, qui est cause queie ne le puise voir ne le malin ne le soir pour prandre le soin de luy que ie desiroes, pour le retirer de beaucoup de petites libertés que le temps luy pouroest aporter, si le remède n'y est à bonne heure. Mr de Roian va tout exprès trouver Y. M. pour luy donner particulier conte du progrès du voiage de mond . seignor le Prince, qui a esté receu partout où il a pasô conforme aus commandemants qu'elle avoit faict tant à ses gouverneurs

generots que particuliers, comme ausi aux maires et eschevins de ses villes où nous avons pasé, aiant à vous asurer que tout le monde y a l'aict son devoir, si se ne sont seus de Montleri, où ie avoes donné le département de la compagnée du mond. seigneur, qui logoit se soir -là à la Châtre, et alant logé lad. compagne, il la resurent si bien à coup darquebus qu'il en demoura troes fort honnestes homme sur la place, si blesés qu'il sera difisille qu'ils en eschapent. le croy que, si ie n'y huse ausi taust remédié, que la troupe, où il y a çant bons hommes, en hust heu la revanche sur-le-champ, mais ils se accommodèrent à se que ie voulens, qui fut de commètre Rapin à informer de ses exès, comme il a faict si dextremant qu'il en amène les principaults prisonniers à Paris. J'ay donné avis à Monseigneur le prince de Conli de se faict, à Mr le chanselier et à Mr le premier présidant, qui ont iugé le faict digne d'un châtimant examplaire, et ausi que seus dud. Montleri sont coustumiers à telles insolanses à toutes les troupes qui pasent par là, se confiant à de meschantes murailles qui mériteroest estre mise par terre. Il plaira à V. M. de commandé à mond. sieur le prince de Conti et à Mesieurs de sa court de parlemant, quil soit faict iusteise de set exès. Sète compagnée la va trouver, qui est de cent bons chevots, et croy que, si l'oquasion se ofre, qu'elle en sera bien servie. le suplie très-humblemant V. M. de me donner congé de aller trouvé ma famé, que ie croy estre à sète heure arrivée à Lion, croiant estre oblige de raison de luy aller au-devant, puisqu'elle n'a poinct crint de faire un si long et fàcheus voiage, laiser sa patrie, ses parants et biens pour me venir trouver, sans crindre ausi de se qu'elle sait les peu de commodités et moiens que i'ay ne la recepvoir autant que sa qualité le méritent, ne me trouvant, après sinquante ans qu'il y a que ie sers, que le plus misérable iantilhomme de se roiaulme, devant plus que mon bien ne vauld, et seray enfin contrainct par ma nésésité de me retirer en quelque trou dont je ne sorte jamais, pour n'estre importun davantage à V. M.,

la supliant très-humblemant de me pardonner si ie i'ay esté pour sete fois, et la suplie de commander à Mesieurs de ses finanses de me paier se qui m'est deu, si ne se peut tout d'un coup, pour le moins d'une partie, comme le pouront porter ses finanses, pour que ie puise susister aux incommodités qui me pressent.

^Original autographe. Archives de Condé.)