Charles-Alex.indre deCroy, neveu du duc d'Arschot

accoustumée prudence et discrétion, trouve convenir de faire uzer par les chemins de quelque courtoisie envers elle, je le remest à Vostre Altèze.

Quant au faict du mary, s'il désire aller le mesme chemin quant et quant, j'en userois avecq luy de mesme, et se seroit bien le meilleur et plus convenable et expédient, pour les raisons d'estat que Vostre Altèze mieulx que moy peult considérer.

Sinon, s'il persiste de venir baiser les mains à Vostre Altèze, encoires que se seroit bien le meilleur de par bon moïen s'en excuser, je remect ce faict à la discrétion d'icelle ; mais il conviendroict lors de donner bonne ordre que par les chemins nulz inconvénients ne luy vinssent de la part de celluy qu'elle sçayt, sur les pays de son obéyssance, et singulièrement à la sortie de la ville frontière où il est.

S'il demande saulf-conduict de Vostre Altèze pour demeurer en quelque ville ou place de sa dicte obéissance, estant le subiect tel, ung prince sy grand comme Vostre Altèze le peult bien accorder; mais se seroit bien le meilleur de, avecq quelque courtoisie et faveur, luy faire persuader de vouloir prendre le mesme chemin que sa femme pour les raisons que dessus Mais s'il persistoit au contraire, et que Vostre Altèze luy volusse accorder ledict sauUf-conduit en son pays, les places qu'elle luy pourroit accorder samble qu'icelles debveront estre les plus esloignées de toutes les frontières du lieu où il est, tant pour éviter les inconvénients apparents, que la suyte et venue de plusieurs noblesses quy le vouldroient venir trouver, comme j'entens plusieurs s'y apprestent. Ce quy ne pourroit sinon apporter beaucoup d'ombraige quy ne sont que bons d'éviter en ce tamps présent, aultant qu'on peult, et partant les places que Vostre Altèze luy pouroit accorder, pourroient estre assizes au mitant de son pays, et en grandes villes, telles qu'icelle trouvera convenir.