LE CONNETABLE DE MONTMORANCY A L ARCHIDUC ALBEKT

16 janvier 1610.

Sérénissime prince, Vostre Altesse a desià donné tant de tesmoignages de sa bonne vollonté et courtoysie à Madame la Princesse, ma fille, que j'oze me promettre qu'elle la luy continuera, et qu'elle ne voudra point souffrir, puisque Monseigneur le Prince ne veult poinct revenir en France, qu'elle sorte de Brusselles pour estre errante par le monde, à suivre ung jeune prince lequel n'a aucun desseing arresté en son esprit. C'est pour ce subiect que j'ay envoyé ce porteur vers Vostre Altesse

PECQUIUS A L'ARCHiDUC ALBERT.

1" février 1610.

Monseigneur,

]In homme du marquis de Queuvre [Cœuvres) apporta ces jours iev nouvelles au roy très-chrestien, que Vostre Altèze lui avoit donné audience, le 23 du courant, avecq toutes les courtoisies et démonstrations de bonne et favorable volonté qu'il eust pu désirer, de manière qu'il s'en tenoit infiniment obligé à icelle, ce que le Roy a eu pour fort agréable, s'asseurant de plus en plus de la sincère affection de Vostre Altèze à procurer le retour du prince de Condé, ainsy que m'ont dict hier le chancellier et le baron de Bonœil. Desquelz j'ay en outre sceu que le lendemain de la dicte audience Vostre Altèze envoya le sieur de Vendegies 1 parler audict marquis au subject de son

1. Nicolas de Montmorency, seigneur de Vendegies, baron d'Haverskerque, d'une branche de cette illustre famille établie dans les Pays-Bas depuis la fin du xvc siècle 11 était conseiller d'État, et avait succédé à son oncle Maxiuiilien Villain, comte d'Isenghien, dans la dignité de chef des finances des se-

ambassade, sans qu'ilz mayent dict en particulier ce qui s'y est passé. Trop bien me déclara le chancellier que l'instruction dudict marquis est dressée sur le pied de ce que le Roy m'a donné à entendre de sa volonté et résolution sur cet affaire, et que pour le présent l'on ne touche qu'au premier point, à sçavoir de la réconciliation dudict prince, en donnant par le Roy promesse à Vostre Altèze de le recevoir en sa grâce, avec oubliance des choses passées et toutes sortes de bons traittements, selon la qualité d'icelluy, soubs les conditions proposées endroit la résidence de la princesse sa femme. Je respondiz qu'il ne resteroit jà à Vostre Altèze que la réconciliation ne se feist, ny à Sa Majesté catholique non plus, d'aultantquej'avois apprins qu'elle ne l'auroit pas à desplaisir, comme de vray je l'ay ainsi entendu de don Innigo de Cardenas, qui a désiré que par occasion j'en rendisse certains les ministres de cette cour, en tesmoignage bien évident que le départ dudict prince n'a pas esté complotté avec sa dicte Majesté, quoyque l'on en ayl soubçonné et criaillé par deçà. Le chancellier se monstra trèsaise de cet avis, comme feit aussi par après ledict de Bonœil, lequel me dit conséquemment en confiance que le Roy commence à entrer en opinion, et la Royne croyt fermement, que ledict prince ria point d'intelligence avecq sa dicte Majesté ny avecq Vostre Altèze, mais la pourvoit bien avoir avecq aultres princes françois, et mesmes aulcuns du sang, ou bien avec les Huguenots 1. Et, crainte de cette intelligence, ledict chancellier et de Bonœil, à les ouyr parler, n'ont pas beaucoup d'espoir de ladicte réconciliation, pour ce mesmement que ledict prince faict paroistre par ses propos de n'avoir le cœur disposé au service de son Roy, ny de ses enffans, jusques à avoir demandé à table, en une compagnie où ladicte princesse

rénissimes archiducs. Il mourut en 1617. (Duchesne, Histoire de la maison de Montmorency, I, :j:j4.)

1. Dans cette pièce et les suivantes, les mots imprimés en italiques sont écrits en chiffres.

beuvoit à la santé de la jroyne de France, qu'elle royne ellu entendoit, puisqu'il y en avoit tant. Je ne sçay pas si cela est véritable, mais bien m'a confessé ledict de Bonœil que le Sr de Berny a donné des advis au Roy de semblables discours prétenduz tenuz par ledict prince, que l'on trouve sans apparence de preuve, dont le Roy, qui comme picqué s'estoit facilement laissé emporter à les croyre, a maintenant peu de satisfaction dudict de Berny. J'ay tasché de sonder si, à faulte de ladicte réconciliation, le roy tres-chrestien se roidira à prétendre que A'o^tre Altèze interdise audict prince le séjour en ses pays. Et, à ce que j'ay peu recueillir des discours du ehancellier, l'on fait estât par deçà que ledict prince demandera bientost qu'on le laisse aller, s'il voit qu'on lui donne le tort de refuser le party qui luy est offert, et qu'on ne luy donne point d'entretenement. mayant ledict chancelier représenté qu'il n'est encore besoin de presser ce point, comme s'il eust voulu dire que le Roy de France s'est un peu hasté de m'en parler, avant que ladicte réconciliation soit faillie, et que possible l'on y apportera quelqu'autre accommodement, en conservant la réputation de part et d'autre, sans que l'intention du Roy soit d'y procéder autrement, et moins d'user d'aucunes bravades ou menaces non plus envers Yostre Altèze que sadicte Majesté, dont ledict chancellier faisoit de très-grandes protestations, affirmant que le Roy ne parle jamais de cette matière qu'avecq la discrétion et respect deu à telz princes ses voisins, et mesmes avecq déclaration de vouloir recognoistre Tobligation estroite qu'il leur aura s'ilz continuent à y faire les bons offices jà commencez, comme il l'avoit aussi dict au marquis de Guadaleste, lui tesmoignant qu'il desiroit demeurer en amytié fraternelle avecq sadicte Majesté et Vostre Altèze, mais que le plus grand tort (il disoit aggravio en espagnol) qu'elles luy pourroient faire, ce seroit d'entretenir et fomenter ledict prince en leurs estats. Et si l'on avoit rapporté à V'ostre Altèze que le Roy eust usé d'autres termes en son regard, ou

de sadicte Majesté, ledict chancellier me requéroit de les asseurer qu'il n'en est rien, comme Vostre Altèze trouvèrent aussy de fait par les propositions et remonstranees que ledict marquis de Queuvre est enchargé de luy faire avecq toute la doulceur et modestie dont il se pourra adviser. L'on faict icy courrir le bruit que ledict prince, estant venu visiter ledict marquis le lendemain de son arrivée, luy auroit dict qu'il ne luy pourroit donner aucune response sur le faict de sa réconciliation, sans au préalable avoir nouvelles d'Espaigne. Mais lesdicts chancellier et Bonœil ne s'y arrestent pas, croyansplustost que le prince pourroit avoir dict que Vostre Altèze ne résouldra rien sur ce fait, sans estre informée de l'intention de sadicte Majesté. J'ay esté bien aise au reste d'entendre d'eulx que le Roy leur maistre, trouvant fort bonne la courtoisie de la sérénissime infante envers ladicte princesse, de luy avoir envové des estoffes à se pourveoir d'habits, va perdant l'opinion qui luy avoit esté imprimée de l'argent que Sadicte Majesté auroit fait fournir audict prince, jusques à douze mille escuz, dont on avoit parlé avec tant d'affirmation que si on les eust veu compter. . . .

PECQUIUS A L'ARCHIDUC ALBERT.

4 février 1610.

Monseigneur,

Avecq beaucoup de [raison nrescrit V. Alte de ne m'avoir jamais commandé qu'au cas que le prince de Gondé ne se soubmeist à demander pardon et retourner en France, j'eusse à donner parole au roy très-chrestien que V. Alte feroit sortir led. prince hors de ses pays, et retiendroit la princesse sa femme par delà, promesse à laquelle je n'ay aussy oneques pensé, et c'est pourquoy j'ay trouvé fort estrange ce que le marquis de Cœuvres a dit contre celte vérité, elplus encore de ce que j'ay entendît de don Innigo de Cardenas, que le

Sr de Barrault, naguères ambassadeur du roy de France en Espagne, luy a affirmé d'avoir sceu de son maislre que V. A. auroit dit, au Sc de Berny que si ce n'eust esté pour consi dérations d'Espagne, elle eust déjà délivré ledit prince entre les mains dudit Sr roy, lesquelles inventions ledit don Innigo estime avoir esté mises en avant à desseing d'irriter le roy d'Espagne contre V. A. S., et eust bien désiré que j'eusse tenu secrètes lesdites nouvelles de Barrault; ce que toustefois je ne luy ay pas promis, m' estant advis que V. A. en doibt eslre informée afin qu'elle voye combien seroit dangereuse la créance de ce que l'on s'aventure icy de dire. Il est vray néanmoings que, plus de quinze jours devant que l'on eust parlé de faire venir ledit prince à Bruxelles pour traicler de sa réconciliation, V. A. m'envoya ses lettres en date du 4e décembre dernier passé, dont la copie va cy-joincte, par lesquelles je fuz adverti de ce qu'elle avoit déclairé audit Sr de Berny, qu'il pouvoit asseurer ledit Sr roy qu'elle ne souffriroit que ledit prince feist séjour, et moins sa demeure fixe, rière les pays de son obéyssance, avecq commandement qu'elle me feit de me servir de cest advis-là, et ainsy que je le Irouverois convenir; ensuite de quoyj'en diz aussy un mot en passant audit Sr roy trois jours après, selon qu'il est apparu par mes lettres du 7e dudit mois ; mais, comme le Roy n'en faisoit lors aulcun compte, tout fascké qu'il estoit dupassage accordé par V. A. S. audit prince, aussy ne m'en a-t-il depuis parlé, n'y aultre personne que soit; au contraire, ayant entendu de moy, le 4 9e dudit mois, que V. A., pour seconder son désir, estoit contente de s'entremectre au faict de ladite réconciliation, il me dit entre aultres choses qu'il seroit bien que V. A. menaçast ledit prince de le faire incontinent sortir de ses pays, au cas qu'il ne sevoullust mectre en son debvoir, voire il me requist d'écrire à V. A. S. qu'il la prioitde le faire desloger audit cas, sans faire mention d'aulcune promesse, non plus qu'il ne feit en l'audience

du 7e du passé, ni ayant lors seulement dit que son intention estoit, arrivant que ledit prince rcfusast le parti à luy offert, que V. A. ne luy permeist pas la demeure en ses pays, de manière que ce qu'il peut avoir dict au marquis de Gœuvre de ladicte prétendue promesse ne se peult prendre que pour une cassade, ainsi que V. A. entendra encore mieuk par les rencontres que j'eu en mon audience d'aujourd'hui, 3" de ce mois.

En laquelle après mes remonstrances courtoisement faictes de la peine prinse par V. A. et par aucuns de ses ministres à ce commis pour disposer et induire ledit prince à embrasser ledit parti, et de la sincère volonté qu'avoit V. A. de continuer ces bons offices, je dis au Roy que jusques ores l'on n'en avoit pas tiré le fruict que l'on eust bien désiré, le prince prennant pour son excuse la crainte qu'il dict avoir d'estre blasmé de légèreté s'il retournoit sitost en France, mais qu'il seroit apparent de se résouldre à demander son pardon par escrit, et, icelui obtenu, se retirer, du gré et consentement du Roy, en quelque pays catholique non subject à Sa Majesté catholicque ny à V. A.; et le Roy, sans me laisser bien achever ce propos, me répondit qu'il y avoit desjà quelque temps qu'il sçavoit ces nouvelles, et que ledit prince avoit bonne raison de demander qu'il luy continuait sa pension pour l'entretenir hors de France, comme s'il avoit cause suffisante de s'en tenir absent; qse c'estoit folie de s'y attendre, et qu'il ne lui accorderoit jamais pardon, qu'à charge de retourner incontinent en son royaume ; conséquemment il me dit qu'il ne vouloit plus penser à ladicle réconciliation, dont le prince se rendoit indigne par son opiniastreté, mais qu'il estoit temps de le faire vuider des pays de V. A., comme elle avoit promiz audit marquiz de le faire, selon ce qu'elle en avoit auparavant faict dire par deçà. A cestc parole je me retiré un pas arrière, comme estonné, et demandé au Roy si je l'avois bien entendu, à sçavoir que V. A. eust faict telle promesse audict marquis. Il me le répète et confirme. Et, sur ma repartie que V. A. ne m'en avoit rien

escrit, le Roy voyant que je n'en voulois rien croire, change aussytost de langage, et me dist ces mots : « Non, je m'abuse, je me mesprens, le marquis ne me l'a pas escrit ainsi ; mais ne m'avez-vous pas dit ci-devant que je m'asseurasse qiCil n'y auroit pas de difficulté en cela si le prince vouloit demeurer obstiné? » Je respons qu'il me l'avoit proposé peu devant le Noël, et que je m'estois chargé d'en donner advis à V. A., comme j'avois fait, pour attendre là-dessus saresponse en temps et lieu, laquelle je n'avois pas encore receue, et n'en estois pas esmerveillé, puisque le point de la réconciliation n'est encore failly, le priant de considérer si, sans avoir nouvelles de mon maistre, je pouvois avoir engagé ma parole en cest endroit. Il repart : « Puisque vous désavouez cecy,]e voy bien que l'archiducq n'a point d'envie de me faire du plaisir, mais que ce sont de friperies dont vous avez usé jusques à présent; bien, chacun verra ce qu'il aura à faire. » Et quoy que j'aye depuis protesté au contraire, et affirmé fort et ferme la sincérité de l'intention de V. Altèze et la candeur de mes paroles, le Roy est touiours demeuré en son propos, en quoy, avant que passer oultre au récit du surplus de ladicte audience, je ne fay doubte que Votre Altèze ne remarque évidemment l'artifice dont le Roy s'est servy, pensant ni attirer dans ses fillels et me traîner à quelque confession de promesse, dont je me suis bien gardé, parce que de vray tant s'en failli que j'aye faict celle par lui advancée, qu'au contraire je ne luy ay rien dict à présent de l'intention de V. A. sur ledict point par luy proposé. Et, quant à ce que le 7e dudict mois de décembre dernier j'ay coulé en mon discours sur le pied desdicles lettres de V. A. du 4e, il n'a rien de commun avecq ladicte proposition, qui n'estoit lors encore faicle, ny 16 jours après, et d'ailleurs ce n'est pas sur cela que le Roy veult fonder son dire, tellement qu'il n'y a pas de subiect de s'en mectre en peine.

Et. pour faire veoir tout plus clèrement à V. A. le peu de

PIÈCES ET DOCUMEiVI'S. i.Vi

frrmeté qu'il y a eu audict propos du Roy, il me voulut faire acroyre que V. A., en acceptant le premier des trois points de sa proposition faite ledict 19e de décembre dernier, qui estoit de faire venir ledict prince à Bruxelles pour le traitté de sa réconciliation, s'est quand et quand engagée et obligée à l'accomplissement des deux autres, lequel argument ;e souluz {sic) aiséement, en luy disant que lesdicts points estaient tous différents et proposez chacun à part soy, et nullement à condition de les accepter ou refuser tous ensemble, dont il n'avoit esté donné mot. Et à tant, laissant cette dispute, je demanday au Roy si ledit marquis de Cœuvre avoit requis V. A. de faire sortir ledict prince de ses pays, et ce qu'elle y avoit respondu ; sur quoy, comme il m'eut dict que ledict marquis en avoit parlé à V. A. et qu'elle avoit prins jour pour y respondre, je réplicquay qu'il n'avoit pas doncq d'occasion de se plaindre que V. A. n'en voulust rien faire, mais qu'il falloit attendre sa response, après qu'elle aura essayé si par la persuasion et recharge de ses bons offices elle ne pourra rien gaigner sur ledict prince pour le faire retourner en France; et le Roy, persistant à maintenir que V. A. tascheroit de tirer la négociation à la longue en attendant nouvelles d'Espagne, et, en fin de compte, n'en feroit rien, me dit qu'il remanderoit ledict marquis de Cœuvre, et que mesmement il ne se soulcioit pas si ledict prince demeurant obstiné se tenoit en Espaigne, en Flandres, en Allemaigne ou en quelque autre pays, puisque S. M. catholique le pourroit entretenir quelque part qu'il fust, soubs attente de se prévaloir un jour de sa personne pour troubler la France ; à quoy je respondiz que les effectz rendoient desjà assez de tesmoignage combien la volonté de sadicte Majesté estoit esloignée de tel dessein, attendu qu'elle desiroit, conjointement avec V. A., que ledict prince s'en retournast réconcilié en sa patrie, dont je disois estre bien certain. Mais le Roy ne le voulut croire, disant que ce n'estoient que bons semblans, et que néantmoins il avoit enchargé sou

ambassadeur en Espagne d'en parler à Sadicte Majesté, pour sçavoir si elle se voudra rendre raisonnable en ce subject, dont il avoit tant plus de cause de doubter que ledict prince a parlé à don Pedro de Toledo en cette ville, et depuis audict don Innigo, peu de temps devant sa retraite, comme il disoit en avoir des advis très-asseurez ; joinct que ledict prince a dict audict marquis ne pouvoir respondre sur ses propositions qu'il n'eust premièrement lettres d'Espaigne, et qu'il est, aussy tout cognu que Sadicte Majesté lui a desjà fait donner de l'argent, dont il a fait des payemens à ses gens jusques à deux mille escuz en espèces de ducatons. A propos de quoy le Roy me ramenta en outre que le marquis de Guadaleste luy avoit confessé d'avoir offert deniers audict prince, et que le marquis de Spinola avoit fait de mesme, tenant le Roy pour chose frivolequeledict prince, nécessiteux qu'il est, eust refusé de telles offres. De toutes lesquelles choses j'ai tasché de désabuser le Roy par tous les moyens dont j'ay peu m'adviser, mais avecq peu d'effect, au moins selon la mine qu'il en faisoit. Et, sur ma remonstrance itérative qu'ayant ledict prince son pardon par escrit, et jouyssant de sa pension en quelque pays neutre, l'on pourroit espérer avecq le temps de le retirer de là, de son bon gré, pour le remettre en cette cour, le Roy me respondit derechef fort résoluement qu'il ne luy donneroit jamais pardon qu'en France ou pour y venir.

Au regard de ladicte princesse, il ne m'a dict mot d'aucune promesse de la retenir par delà. Bien m'a-t-il parlé des mauvais traittemens qu'elle reçoit dudict prince, son mary, qui pourroient donner matière au connestable, son père, et qu'il espéroit que, si ladicte princesse se jectoit aux pieds de la sérénissime infante pour estre soulagée de tant d'afflictions, elle no luy dénieroit pas son assistance afin de luy moyenner plus de repos. Disant aussy que ledict marquiz de Spinola s'eust bien peu passer de certain propos par luy tenu, qu'il semblait que l'on vouloit faire la sérénissime infante alcahueta

de ladicle princesse. De quoy je disois n'avoir rien entendu et croyre qu'il adjoustoit peu de foy à semblables rapports. Voullant sur ce bien dire à V. A. que ledict connestable ne cesse de lamenter et déplorer la fortune de sa fille, de sorte que l'on a compassion de le veoir en telle destresse, sans néant moins que je sache ny croye que pour le présent il desire le retour de sa dicte fille en France. Et quant à la duchesse d'Angoulesme, il est facile de la ranger aux desseingz du Roy, son grand aage commençant à luy esbranler le jugement.

Finalement, retournant le Roy à parler dudict prince, il me raconta que depuis peu de jours l'on avoit amené en cette ville sept prisonniers, tous huguenots, chargez de la consjuration descouverte il y a deux mois au pays de Poittou, desquelz les deux ont desjà confessé d'avoir eu de l'intelligence avecq ledict prince. De quoy comme je me voulois servir pour monstrer qu'il y avoit tant moins d'apparence de soubçonner que ledict prince eust des pratiques en Espaigne, et que s'il debvoit arriver du trouble en son royaume ce seroit plustôt par les huguenots que par autres, il repartit qu'il se tenoit fort asseuré du costé des huguenots, et qu'ainsy qu'ilz luy ont tousiours esté très-loyaux, ilz le seraient de mesme à son daulphin, qu'il me monstroit à la main, mais que si les Espagnols entretenoient ledict prince, il n'auroit de quoy les tenir pour amys de son repos. Et, après que je l'eusse prié de se despouiller de telles empressions et particulièrement de faire estât que V. A. continuera tousiours à luy faire paroistre combien elle désire de le veoir contenta l'endroit dudict prince, il me respondit, pour fin de l'audience, que, si bientost ledict prince luy vouloit demander pardon, il le luy accorderoit, pour le respect de V. A., aux conditions susdictes et non autrement, protestant que telle estoit sa dernière résolution.

J'ay depuis ladicte audience veu le Sr de Villeroy, lequel,

informé de ce qui s'y estoit passé, me dit que je debvois prudemment supporter les humeurs à moy cognues du Roy son maistre, qui ne pouvoit digérer ny dissimuler le desplaisir infiny qu'il a de l'opiniastreté dudict prince, et que pour toutes les responses et reparties un peu brusques qu'il m'avoit faites il ne falloit pas délaisser les bons offices commencez pour la réconciliation dudict prince, y adjoustant que je pouvois desjà avoir remarqué et trouvé par expérience que le Roy est bien prompt de paroles et lent d'effectz, et qu'il nous falloit regarder en paix, à qaoy il liendroit tqusiours la bonne main, me sommant de faire de mesme. Il me confessa aussy ne sçavoir que j'eusse faict aulcune promesse n'y engagé ma parolle touchant ledict poinct de faire sortir ledict prince hors des pays de V. A., mais qu'il croyoit qu'icelle V. A. seroit plus aise de l'en veoir dehors que dedans, et qu'enfin elle se résouldra de le faire renvoyer courtoisement à Couloigne, d'où il est venu; puis mesmement que le 5r de Vendegies a déclairé audict marquiz qu'il espéroit que V. A. donneroil contentement audict Sr roy, au regard dudict poinct, mais qu'il y auroit de la difficulté en l'autre concernant la rétention de ladicte princesse ; au reste, il me semble que l'on attendra icy nouvelle d'Espagne, et que cela peult servir à V. A. pour tenir l'affaire en surcéance si elle trouve bon estre.

PECQLll'S A L ARCHIDUC ALBERT.

10 février 1010.

Monseigneur,

A iverty que fuz hier par un gentilhomme du connestable 'le France qu'il desiroit me venir veoir avecq la duchesse d'Angoulême, je me rendiz peu d'heures après chez luy poulies soulager d'incommodité, selon le respect que méritent leurs

qualitez et aages. Le propos y fut commencé par la recognoissance que feit ladicte duchesse en termes bien amples d'estre très-estroitement obligée à V. A. et à la sérénissime infante des honneurs et bons accueils dont leur plaist de favoriser la princesse de Condé, qu'elle desiroit tenir pour sa fille propre, comme l'ayant eslevée par la permission dudict connestable, son père, et luy tenir lieu de mère, ainsy qu'elle feroit encore à toutes occasions, me priant. d'asseurerV. A. et la sérénissime infante qu'il n'y a chose qu'elle ne face trèsvolontiers pour s'employer très-humblement à leur service, et qu'elle estime tant leur dict bienfait que, si ce n'estoit sa grande vieillesse, elle entreprendroit le voyage de Bruxelles pour leur en aller baiser les mains, dont elle disoit ne quitter pas encore du tout le dessein. Le connestable usa pareillement de toutes sortes de remerciemens, submissions et offres de son service, ne tesmoignant pas seulement par ses paroles, mais encore par ses gestes et par sa face, d'y estre porté d'une singulière cordialité. Puis ilz se meirent à regretter l'infortuné mariage de ladicte jeune princesse, la qualifians un enffant, et protestèrent d'y avoir preste leur consentement à contrecœur, pour ne désobéyr à la volonté du roy très-chrestien, avecq déclaration quo feit ledict connestable qu'il eust beaucoup mieulx aymé donner sa fille a quelque honneste gentilhomme de deux mille escuz de rente, qu'au prince de Condé, parce qu'estant assez informé de ses humeurs et conditions, il ne s'en promettoit pas de contentement, sans toutes fois avoir jamais pensé qu'il se fust jecté aux extrémitez où il se voit plongé à présent, ny qu'il eust tenu telle indiscrétion et rudesse à sa femme comme il fait de plus en plus, en quoy disant (sic) par ledict connestable. les larmes lui vindrent aux yeux. Et. bien qu'ayant le courage assez attendry, il se retint de spécifier les mauvais traittements que reçoit ladicte princesse, dont luy et ladicte duchesse :ro\ oient que j'eusse jà les nouvelles particulières. Ils ne sceurent toutes fois

me receler ce qu'ilz disoient avoir apprins par lettres bien fraisches, que ladicte princesse est rabrouée par ledict prince son raary de ce qu'elle ne caresse pas assez le marquis de Spinola, et que puis peu de jours en ça un sien gentilhomme nommé Rochefort, entrant en la chambre de ladicte princesse, où estoit aussy celle d'Orange, tira en leur présence et à leur grand effroy de coups de pistolets dont il va garny en ses poches, et dit que c'estoit pour quiconque vouloit du mal au prince son maistre. Ils me dirent ensuyte qu'à ce qu'ilz avoient entendu, il y restoit peu d'espérance que ledict prince se voulust recognoistre pour demander pardon et s'en retourner en France, et que la plus grande crainte qu'ils avoient, c'estoit que partant de Bruxelles il ne contraignist ladicte princesse de vagabonder misérablement parmy le monde avec luy. Pour à quoi obvier, ilz me requirent tous deux fort instamment et d'une façon pitoyable de supplier V. A. et la sérénissime infante d'avoir compassion d'eulx et de ladicte princesse, et de la recevoir bénignement lorsqu'elle se viendra jecter à leurs pieds pour n'estre abandonnée à tel malheur, disans qu'ilz scroient très-contens qu'elle demeurast au service de la sérénissime infante entre les moindres de sa cour, et mesmes ledict connestable qu'il aymeroit beaucoulp mieulx d'ouyr les nouvelles de sa mort que d'entendre qu'elle fust emmenée en aulres pays estrangers par ledict prince.

Mes responses à ces discours furent consolations en la meilleure forme que je puz adviser, avec affirmation que Y. A. et la sérénissime infante sont du tout disposées à gratifier et faire plaisir tant à ladicte duchesse etaudict connestable qu'à ladicte princesse, l'ayant prinse en affection pour ses qualitez, vertuz et bonnes grâces, et qu'elles feront touiours très-volontiers en son endroict ce que la raison et la réputation leur permettront de faire, mais qu'il falloit considérer que par les lois divines et humaines les femmes sont subjectes aux commandemens de leurs marys, et d'estre compagnes de leurs fortunes et adver-

sitez. s'il n'y a raisons iort urgentes pour les on excuser, dont je disois qu'au cas présent ce n'estoit à faire à V. A. de prendre cognoissance ny si ladicte princesse vouloit délaisser son inary ou point.

Sur quoy ils repartirent d'estre fort asseurez que, s'il plaist à V. A. se laisser informer des rudesses, mauvais traitteraents et autres causes de grand poids, qui les meuvent à désirer que ladicte princesse soit retenue par delà, elle trouvera leur désir très-juste et très-légitime, et cognoistra aussy que ladicte princesse n'a rien plus en appréhension et horreur que d'estre forcée à s'en aller courir le monde avec son dict marv, me requérant fort chaudement de croyre que ce qu'ilz en disoient partoit du fonds de leurs cœurs et libres volontez, sans m'arrester aux bruits que ledict prince va semant, que ce ne sont que mines qu'ilz en font pour complaire au roy très-chrestien, ce qu'ilz afïirmoient n'estre ainsy, mais que les effectz feront tousjours foy du contraire, voire mesme que la plus grande lélicité qui leur pourroit maintenant arriver en ce monde, seroit de rencontrer la volonté de V. A. favorablement encline à prendre ladicte princesse en sa protection, sans la laisser tirer de là contre son gré. Je ne me vouluz pas enquérir plus avant des circonstances de leurs intentions, ny sur quel pied ilz vouloient laisser ladicte princesse en la cour de Y. A., ains me contentay de leur dire que j'avois fort bien comprins tout ce qu'ilz m'av oient représenté, et que je ne fauldrois d'en donner advis particulier à V. A.-, avec souhait que Dieu leur feist la grâce de les rendre contens, et de conduire l'affaire du dict prince à telle fin que le roy très-chrétien et Y. Altesse restassent satisfaicts de leurs bons désirs. Là-dessus ledict conncstable, m'embrassant à diverses fois, me pria et repria, tant en la présence qu'en l'absence de ladicte duchesse, d'avoir le fait de ladicte princesse en recommandation, accompagnant toujours ses paroles de tant de gravité et naïfvelé, que je n'y peuz pour lors remarquer aulcun indice de pareure

artiejiciele, quoyque j'y prinse regard de prés; aussy m'ail esté rapporté de bonne part que maistre Nicolas Lefebvre, personne digne de foy, ci-devant précepteur dudict prince., a dit bien sçavoir que ledict connestable désire véritablement que ladicte princesse se sépare de son mary, mais que l'admirai de France, son frère, n'est pas de tel aclvis.

J'ay eu des advertenses conformes de diverses parts, que le propre jour de ma dernière audience le roy très-chrestien assembla son conseil de guerre à l'Arsenal, demeure du duc de Sully, et y résolut de rompre avecq Sa Majesté catholicque et Y. A. à la première opportunité, au cas que ledict prince ne s'en retourne en France; toutes fois je n'en assure rien Et d'autant moins que, comme le jour d'hier, estant en discours avecq le Sr de Villeroy, je luy touchay un mot du bruit qui courroit de ladicte mauvaise résolution, dont je monstrois de faire peu de cas, il me respondit qu'il estoit bien vray que ledict jour après midy l'on avoit tenu le conseil de guerre audict lieu, mais que l'on n'y avoit fait mention quelconque, en bien ny en mal, dudit prince, et moins de rompre avecq nous, me disant que j'en pouvois estre à repos sur sa parole.

Une chose, à ce que j'ay pénétré, peiclt-on à présent tenir pour toute certaine à mon grand regret, que le roy de France, après longue délibération, a résolu, quoique cidevant l'on en ait doublé, d'assister les princes de Brandenbourg et de Neubourg contre S. M. impériale, et le fera bientost. Quelques-ungz m'ont voulu faire à croire qu'il fera marcher à enseignes déployées vers Clèves un ost de quatre mille François et de six mille Suysses fantassins avecq mil cinq cens chevaulx ; mais il m'est advis qu'il n'y envoyera jamais telles trouppes, qui seroient de trop grand ombrage aux voisins, ains que son secours ira couvertement à divers temps sur le modelle de ceulx ci-devant envoyés aux Estats des Provinces-unies , lesquelz y contribueront aussy leurs

moyens, si ce qu'en dit Arlssen entre les siens mérite créance. Veuille le bon Diou que ce ne soit un funeste rejeton de nostre guerre !

LES ARCHIDUCS A PECQUIUS.

(minute.)

13 février 1610.

Cher et féal, vous aurez entendu par nostre précédente que vous avons despêché par un exprès, la nuict passée, l'intention et résolution du prince de Condé de se retirer hors de noz pays de par-deça, et la nostre de, à sa réquisition, recepvoir en nostre maison la princesse, sa femme. La présente vous advertira que le mesme prince nous est ce soir venu advertir qu'il estoit bien informé que nombre de François estoit arrivé en ceste ville à desseing de luy enlever par la force sa dicU> femme, nous requérant qu'il nous pleust pourveoir à sa seureté, puisqu'il s'estoit venu rendre à nostre protection et sauvegarde. Quoy considéré, et que d'ailleurs nous avons sceu que de faict l'on a veu fréquenter en l'hostel de Nassau (où il est logé) plusieurs François incognuz, armés de pistolés, il nous a semblé que ne pouvions excuser de, selon la demande dudict prince, envoyer audict hostel aulcuns soldats de nostre compagnie de garde avecq quelques bourgeois des ghuldes, faisans garde ordinaire en nostre palais, afin que ne luy arrivast aulcun mal, dont estant advertiz, les marquiz de Cœuvre et Sr de Berny nous sont à l'instant venuz trouver, se plaignans desdictes gardes comme si elles y fussent envoyées pour tenir comme prisonnière ladicte princesse, et voire soubçonnans que l'on la vouloit envoyer en Espagne , prins occasion du courrier nouvellement envenu. Et, encore que nous avons procuré de les en désabuser, leur disans ce qu'en est la vérité, et que nous pensions de l'accommoder demain en nostredicte

maison (ainsi que, Dieu aydant, nous sommes résouluz de faire), si est-ce que nous avons voulu que fussiez adverty de tout ce que dessus par le même, afin qu'en donniez incontinent compte à ceulx des ministres du roy très-chrestien que trouverez à propos, pour les prévenir de la vérité de cest accident contre les advertissemens à ce contraires qu'en pourroient donner lesdicts ambassadeurs.

LE SECRÉTAIRE û'ÉTAT PRAETS A PECQUIUS.

(MINUTE

16 février 1610.

Monsieur, par la pénultième de Son Altèze, du xine de ce mois, aurez-vous entendu comme elle auroit esté occasionnée d'envoyer quelques soldatz de la compagnie de garde, avecq aulcuns bourgeois des ghuldes, à l'hôtel de Nassau, sur l'advertissement que luy avoit donné M. le prince de Condé d'une partie de François dressée pour voler et emmener en France Madame la Princesse, sa femme, lequel auroit du depuis tellement esté circonstanciée, mesmes par tesmoings oculaires, que raisonnablement Son Altèze auroit esté menée d'en soupçonner et voire d'en croire quelque chose, et dont vous aurez, suivant son ordre, donné compte à ceulx des ministres du roy très-chrestien qu'aurez trouvé convenir, et procuré de les prévenir de la vérité du faict contre les jugemens et discours contraires que vraysemblablement luy auront envoyés MM. les marquiz de Cœuvre et S1' de Berny, parce qu'ilz n'ont pas trouvé bon que ladicte dame entrast en cour après luy avoir esté donnée garde audict hostel de Nassau, l'interprétans sinistrement et comme si cela luy tournast à déshonneur, et fut une espèce de violence et de prison, ainsy qu'a dit ledict Sr marquiz à M. le baron de Havesquerque, qui le luy a débattu par des solides raisons, et montré que l'on ne luy

a miz garde pour la prendre ny pour s'asseurer de sa personne, mais pour asseurer sa personne, et ainsi fut. la garde commise à IVI . le prince d'Oranges, pour avecq icelle asseurer sa maison, comme luy sembleroit mieulx convenir, auquel etl'ect fut ordonné aux mesmes gardes de faire ce qu'icelluy prince leur commanderoit, de façon que cela ne pouvoit aucunement estre cause pour penser que l'on prétendoit de faire quelque force à ladicte dame princesse, puisqu'il estoit certain que pour cela n'estoit requise plus de garde que celle que ledict Sr prince, son mary, luy eust voulu faire. Concluant ainsi ledict Sr baron de Havesquerque, que le plus acerté estoit que ladicte dame princesse entrast au palais tant pour le danger qu'elle craindoit dudict Sr prince, son mary , que pour n'y aller rien de son honneur, se trouvant les affaires aux termes où ilz estoient et son innocence tant cogneuse comme elle est, oultre ce que noz princes sont tout amateurs de l'honnesteté, de la vertu, que la réception seule en leur maison justiffie la personne qui y entre et en oste soupçons contraires ; vray est que les choses estans passées en la manière que dessus et s estre sceu publiquement (ainsi que l'on sçavoit) que ladicte princesse debvoit venir au palais le mesme jour, cela fut esté diffère, l'on auroit donné plus d'occasion à chascun de penser que Leurs Altèzes ne l'eussent voulu recepvoir pour quelque soupçon qu'elles pourroient avoir eu d'elle, par où son honneur auroit esté beaucoup plus intéressé. De tout quoy Son Altèze veult qu'informiez bien par le menu M. le connestable et Mmela duchesse d'Angoulesme, ensemble ceulx que jugerez convenir1.

1. L'original de cette minute porte diverses corrections prescrites par une note autographe, en espagnol, de l'archiduc Albert.

£C3 PÏÈCES ET DOCUMENTS.

PECQUIUS A L'ARCHIDUC ALBERT.

18 février 1610.

.... Là-dessus voicy arriver un autre courrier avec lettres de Vostre Altèze du 43, lesquelles veues, je m'en allay incontinent trouver ledict Sr de Villeroy avant-hier, sur les huit heures du soir, et après luy avoir fait part du contenu èsdites lettres du 42, je luy parlay consequemment de ces dernières, le priant de donner du tout advis au Roy, qui estoit party sur les trois heures vers S^Germain-en-Laye.

Pour response il me dit que le Sr de Vendegies avoit déclaré audict marquis de Cœuvre de par Vostre Altèze les mesmes choses que je venois de luy dire touchant l'intention dudict prince de se retirer des Pays-Bas, et y laisser la princesse, sa femme, mais que je ne disois pas qu'il s'en alloit à Milan. Et sur mon affirmation que je n'en sçavois rien, ny pareillement ledict don Innigo, à ce que j'avois entendu de luy, lediot Villeroy repartit que , si bien Vostre Altèze ne faisoit point d'estat de se servir dudict prince, les Espagnols ne laissoient pourtant d'en avoir grande envie, selon les advis que le Roy son maistre en avoit tant d'Espaigne que d'ailleurs, et se manifesteroit par ladicte retraite à Milan. Ce qu'il dit d'une façon moins doulce que sa coustume, sans faire aucun semblant que le Roy sceust gré à Vostre Altèze d'avoir conduit les affaires aux points par moy représentez, dont je monstrois de m'esmerveiller, veu que ledict sieur roy, trouveroy accomply tout ce qu'il avoit désiré de Vostre Altèze, et que les effectz rendoient ample preuve de ce que j'avois tousiours dict de la bonne et sincère volonté d'icelle en son endroict; joint mesmementque le Roy m'avoit cy-devant déclaré que quand ledict prince seroit hors des pays de Vostre Altèze, elle en seroit deschargee, et s'il se retiroit en quelque lieu subject au roi d'Espaigne, l'on en parleroit lors à luy. A propos de quoy, estant lediot de Vil-

PIÈGES ET DOCUMENTS. i«7

leroy par moy enquis si l'ambassadeur du Roy son maistre avoit traitté de cette matière en Espaigne, et quelle response il y avoit eue, me respondit que l'on en avoit pas encore de nouvelles, et puis il se meit à me raconter que le maistre d'hostel dudict ambassadeur, s'acheminant puis naguierres d'Espaignes vers France par la poste, avecq une despesche de son maistre ausdit Sr roy très-chrestien, avoir esté contraint par quelques officiers espagnols de rebrousser chemin sept postes en arrière, soubs ombre de la recerche que l'on disoit faire d'un François qui avoit desbauché une fille, dont enfin ledict maistre d'hostel fut renvoyé comme innocent, après qu'il fut devancé de deux jours par ledict courrier Rivas, la farce n'ayant, au dire dudict de Yilleroy, estée jouée qu'afin de gaigner cet avantage du temps, dont il protestoit que l'on se ressentiroit en temps et lieu. Je luy dis que c'estoit chose particulière à moy incognue, et qui concernoit l'ambassade d'Espaigne, dont partant je ne voulois m'entremettre, mais que c'eust esté un estrange attentat de vouloir enlever par force ladicte princesse à la veue de la cour de Vostre Altèze pour la mener en France. A quoy ayant replicqué que la façon de procéder dudict marquis de Cœuvre avoit bien tesmoigné qu'il n'estoit pas venu à Rruxelles à tel dessein, il protesta que ce n'estoient qu'inventions mises en avant par ledict prince ou ses gens pour tascher de rendre le Roy odieux par delà, et, comme j'en reparty de n'avoir apprins que l'on en voulust charger ledict marquiz et que, si quelques autres avoient proposé de l'entreprendre, je m'asseurois trop que ce n'estoit pas de l'advis, ny du sceu de luy (de Villeroy), il me dit que, si Vostre Altèze suppliée d'envoyer quelques-uns de ses gardes pour la seureté dudict prince et de ladicte princesse, les avoit en ce gratifié, elle avoit l'ait en bon prince, et qu'au resté ladicte princesse seroit bien heureuse d'estre soubs la protection de la grandeur en vertu de la sérénissime iniante et d'avoir l'honneur de vivre en sa cour. Finalement il me promit de faire

468 pièces et Documents.

sçavoir le tout en diligence au Roy son maistre audict Sl-Germain, et le lendemain, qui fut hier, il m'envoya dire qu'il desiroit me veoir peu après le disner, ce qui toutesfois, pour des empeschements à luy survenuz, a esté remis jusques à ce jourd'hui sur le soir.

Et en cette entrevue il m'a dict que le Roy croyt tout ce qui se peult croyre de la bonne intention de Vostre Altèze en ce qui s'est passé es affaires dudict prince et de ladicte princesse, mais qu'il ne peult trouver bonne la façon dont l'on a usé pour les garantir du prétendu attentat que ledict prince disoit appréhender, à sçavoir que l'on eust fait tort à sa personne et enlevé violentement ladicte princesse. Crainte que ledict de Villeroy maintenoit avoir esté simulée tout à propos par ledict prince, pour diffamer le Roy, lequel il qualifioit de doulx et débonnaire de son naturel, que jamais il ne donnoit lieu à la rigueur que quand il estoit forcé, et bien qu'il ayt tousjours eu beaucoup d'ennemys, comme il a encore, si n'avoit-il oncques voulu consentir à aucune supercherie pour entreprendre sur leurs vies, quoyque bien souvent il en ayt esté sollicité comme ledict de Villeroy aflirmoit d'en avoir particulière cognoissance. Et quant à l'enlèvement de la princesse, il disoi t n'y avoir apparence d'en soubçonner le Roy, tant parce qu'il n'attenta oncques rien de semblable, comme pour autant que c'eust esté offenser l'authorité de Vostre Altèze et luy donner juste occasion de ressentiment d'une violence qui eust esté faicte en la ville propre de sa résidence et à ses yeulx, laquelle aussy, à son dire, ne pouvoit aucunement réussir, non pas de jour, prenant regard aulx circonstances du lieu et du pouvoir que Vostre Altèze seule y a, ny pareillement de nuit, puisque ledict prince y pouvoit aiséement pourveoir, en faisant coucher ladicte princesse avecq luy. A quoy il adjousta en outre que Vostre Altèze avoit déjà résolu de recevoir ladicte princesse en sa cour, ce qu'elle eust peu faire à peu de bruict, sans envoyer à l'hostel d'Oranges tant de gens de ses gardes

et mettre la ville en alarme, comme il disoit avoir esté fait, jusques à y avoir fait la patrouille et tiré quelque coup d'une pièce d'artillerie estant sur le rempart, plus ne moins que si la ville eust été pleine de François armez, ainsy que l'on y en faisoit courrir le bruit, au lieu que le lendematn matin l'on eut honte de n'en avoir peu trouver que dix-huit en tout. Lequel vacarme il imputoit principalement au marquis de Spinola, qui avoit voulu faire de l'homme de guerre, ledict disant de Villeroy ne pouvoir croyre que Vostre Altèze l'eust fait de son mouvement ny de l'advis de ceulx de son conseil, pour avoir esté une procédure scandaleuse, tant à l'honneur du Roy que de ladicte princesse, dont l'on s'eust bien pu abstenir. Il me parla conséquemment du secrétaire du Sr de Berny, qui, estant venu audict nostel d'Oranges pour ramener sa maistresse chez elle, fut oultragé de coups d'espée par ledict prince et eust esté pis traitté sans l'ayde que luy donnèrent aucuns bourgeois de la garde de sa cognoissance. Bref, il se plaignit qu'en toute cette action l'on avoit pas trop secondé les desseins légers dudict prince, en donnant trop de créance à ses rapports.

A tous ces discours je respondiz en premier lieu d'eslre bien aise du contentement qu'avoit le Roy de ce que je luy avois dict touchant la retraitte dudict prince hors des Pays-Bas, en laissant la princesse, sa femme, en la cour de Votre Altèze, et qu'à mon advis ce contentement ne se debvoit offusquer de l'ombrage de quelques hommes de la garde de Vostre Altèze envoyez audict hostel d'Oranges; veu que, si les plaintes dudict prince se trou voient sans fondement, à luy en seroit le blasme, l'honneur du Roy demeurant sans aucun esclandre ny intérest. Et, au cas qu'il y eust indices et advis sutlisanis pour fonder lesdictes plaintes, et que mesmement l'on eust veu hanter et s'assembler audict hostel plusieurs François incognuz armez de pistoletz, je représentois audict de Villeroy que les dangeis immincns avoient besoin de remèdes prompts et soubdains, et que partant Vostre Altèze n'avoit peu s'excuser audict cas de

la diligence dont elle a fait user. Je luy diz avecq ce que \ ostre Altèze ne m'avoit pas mandé que le dict prince se fust plaint que l'on vouloit attenter à sa personne, tellement que de ce costé-là le Roy n'avoit subject de s'offenser. Et ledict de Villeroy répliqua d'avoir eu advis contraire de Bruxelles, et que mesmement l'on y disoit que le Sr de Warde, gouverneur de la Capelle, avoit eu part au dessein de cette entreprinse, dont il l'excusoit fort soigneusement, affirmant qu'il s'estoit rendu à Bruxelles pour traitter de quelques affaires particulières avec le Sr de Barbanson. Je repartiz ne vouloir accuser ledict Sr de Warde ny autres dudict prétendu attentat, ny mesme prester l'oreille à beaucoup de discours qui s'en font en cette ville, mais que j'espérois que, le tout bien et meuremenl considéré, le Roy prendroit les actions et offices de Vostre Altèze de si bonne part, comme elle y avoit procédé à bonne intention. A quoy il monstroit de vouloir tenir la main, disant au reste que le temps enseignera ce que les Espagnols veuillent faire dudict prince, et que s'ilz l'accueillent et entretiennent, le roy très-chrestien sera constraint de pourveoir à ses affaires à quelques pris que ce soit, plus tost que de se laisser prévenir. Puis il me demanda si le prince estoit encore à Bruxelles, et, sur ma response que je n'en sçavois rien, il me dit que le Roy son maistre n'en avoit pas aussy de nouvelles, et que l'on disoit que Yostre Altèze fait tenir les passages fermez. De quoi je taschay de le désimprimer, comme croyant fermement qu'il n'en est rien. Il est grand bruict que le roy très-chrestien attendoit lundy dernier audict Sl-Germain les nouvelles de l'exécution et succès dudict attentat de V enlèvement de la princesse, résolu de l'aller rencontrer au cas quelle luy eust esté ammenée, et qu'entendant la faillite il s'en troubla fort; l'on m'a aussi donné advis secret qu'un gentilhomme nommé de S1 -George estant pardelà a eu charge d'attenter à la vie du prince, et que le ST de Migneul, gouverneur de Monslreuil, a dit que ledict

de Warde, avecq un nommé Lopez, lieutenant de la compagnie du ducq de Vendôme, ont esté les principaulx entrepreneurs de l'enlèvement, et qu'ilz en pourvoient bien avoir à souffrir s'ilz esloienl attrapez avec le capitaine des gardes de Vostre Altèze, qu'il disoit y avoir trempé, le nommant le Sr de Barbizieux. . . .

LES ARCHIDUCS A l'ECQUIUS.

(MINUTE

22 février 1G10.

Cher et féal, vous serez adverty par ceste que ce matin nous sont arrivées voz deux dernières, du xiiij etxviiide ce mois, et sera auplustostrespondu auxpoinetz d'icellesqui le requerront. Cependant nous avons bien voulu signifier que la princesse est entrée en nostre maison lundi, le \ 4L' de ce mois, ainsi qu'aurez entendu par noz dernières, et le prince, son mary, est party d'icy dez avant-hier soir ou de nuict busquer 1 sa fortune sans que nous sçachions quelle route il aura prins, ce que vous pouvez et debvez dire à ceulx des ministres du roy trèschrestien qu'estimerez convenir. Et parce que ses ambassadeurs publient par icy que nous aurions promiz que, si la duchesse d'Angoulesme venoit en cette ville à desseing d'y faire quelque séjour et nous demandoit ladicte princesse pour l'avoir près d'elle, nous la luy laissions suyvre, et qu'il y a de l'apparence qu'ilz doibvent aussi avoir escrit ainsi audict Sr roy, se vous en entendez quelque chose, vous debvez en désabuser ceux que conviendra, et que voire nul des deux ambassadeurs nous en a donné mot, ains est la vérité que, à la réquisition dudict prince, nous luy avons promis que nous la retiendrions près de nous jusques à ce que luy la nous