PECQUIUS AU SECRÉTAIRE PRAE7S

1" mars 1G10.

Monsieur, les deux ministres de cette cour, le chancelier et le président Jeannin, sont bien de différentes ooinions comme verrez par celle qui s'en va à Son Altèze. et la cause de cette

diversité est à mon advis que le peu de contentement du roy très-chrestien procède de ne pouvoir encore jouir de ses amours, ce que le premier desdicts minisires dissimule et Vaultre le blasme. Je suis bien désireux d'entendre quel a esté le départ du marquis de Cœuvre, et si ny luy ny le Sr de Berny n'auront fait aucun remerciement à Son Altèze des bons offices par elle renduz es affaire du prince et de la princesse de Condé. Le roy très-chrestien , après avoir ouy au long le rapport dudit marquis, a tenu un conseil d'état dont le résultat ni est encore incognu. Bien me dit-on que le Roy demeure chagrin et mal content dudict marquiz, ayant dit au ducq de Vendôme que son oncle n'est qu'une beste, et si ce que le nonce de Sa Sainteté a racconté est véritable, le Roy a escrit au marquiz mesme qu'il estoit un sot, nimirum quia raplus Helenœ non successit. Quelques-uns disent icy qu'il eust est/i à propos de laisser mener la princesse hors de la ville, pour par après l'oster aux entrepreneurs, à leur confusion. Mais il me souvient d'une loy qui dict : « Melius esse in tempore occurrere, quam post causam vulneratam remedium queerere. » Au reste, il est certain que ledict Sr roy ne sera jamais à repos s'il ne voit la dame qui luy fait plus de mal que ledict prince. L'on luy apporta les jours passez lettres interceptées du Sr de Beaumont, filz du premier président du parlement de Paris, escriptes audict prince, auquel Von dit qu'il offroit son service. Il s'est absenté d'icy, et ledict premier président en est en extrême transe.

PECQUIUS A L'ARCHIDUC ALBERT.

3 mars 1G10.

Monseigneur,

Je fuz adverty hier matin de par le connestable de France qu'il vouloit me venir voir après le dîner. Et a l'instant survint le baron de Bonœuil, qui me dit d'avoir sceu du marquiz

de Cœuvre que le roy très-chrestien luy avoit commandé de se rendre aussy en mon logis, avecq ledict connestable et la duchesse d'Angoulesme, pour conférer ensemble de ce qui estoit du prince et de la princesse de Condé. De fait ilz se trouvèrent tous trois chez moy, trois heures après midy, et le marquiz, commençant le propos à la semonce du connestable, me dit que, pour donner compte particulier de ce qui s'estoit passé à Bruxelles durant son ambassade, il jugeoit à propos que je sceusse que ledict connestable envoya avec luy audict Bruxelles un sien secrétaire nommé Girart, que le Roy avoit commandé à luy marquiz de présenter à Vostre Altèze, pour délivrer à icelle les lettres dudict connestable et de ladicte duchesse, par lesquelles ilz la prioient de ne permettre que ladicte princesse fust emmenée en autres pays estrangers par ledict prince son mary, ains de la retirer de bonne heure de ses mains, et la tenir par delà soubz leur protection. De quoy ledict marquiz disoit avoir parlé au baron de Havesquerque premier que de présenter ledict secrétaire à Yostre Altèze, de peur que, venant cette présentation et le subject d'icelle à la cognoissance dudict prince, il n'en print occasion de plus d'aigreur et rudesse contre ladicte princesse, et d'avoir proposé audict baron de la mettre auprès de la femme du S' de Berny. Ce que n'ayant ledict baron gousté, ains respondu qu'il luy sembloit plus expédient de loger la princesse en quelque honnorable monastère , ne fust que Yostre Altèze et la sérénissim> infante voulussent la recevoir en leur palais, ledict marquiz disoit avoir reparty qu'en France c'estoit quelque note d'infamie aux femmes d estre encloistrées arrière de leurs marys, et que le logis dudict Sr de Berny seroit bien plus propre à ladicte retrait te. Depuis, estant ledict secrétaire présenté à Yostre Altèze et ayant ledict baron, par charge d'icelle, déclaré audict marquis qu'elle vouloit protéger ladicte princesse et pourveoir qu'aucun tort ne fust faict à sa vie ny à son honneur, ledict prince avoit demandé à la princesse laquelle

chose de deux elle aymeroit mieulx, ou de s'en aller avecq luy suyvre sa fortune, ou bien d'estre mise auprès de la sérénissime infante en son palais. A quoy elle avoit respondu qu'il la surprenoit, et que, s'il avoit pensé à cette proposition à son loisir, il estoit raisonnable qu'elle eust aussy du temps pour songer, et en sçavoir l'advis de ses parens, ausquelz elle estoit contente d'en escrire au plustost. Mais, au lieu de luy accorder ce délay, ledict prince s'en estoit allé supplier Vostre Altèze de la recevoir en sondict palais, disant qu'il s'en iroit en aultre pays. Et suyvant ce, avoit ledict baron de Havesquerque tasché de faire trouver bonne, tant à ladicte princesse qu'audict marquis, la résolution de Vostre Altèze conforme au désir dudict prince. Mais ledict marquis avoit tousjours insisté au contraire, et quant à ladicte princesse, si elle avoit dict de s'y vouloir soubsmettre, ç'avoit esté à condition de n'estre jamais rendue audict prince. Là-dessus le marquis de Spinola s'en estoit venu tout eschauffé à l'hostel de Nassau, le sabmedy 1 3 du passé, donner advis audict prince qu'il y avoit nombre de François tous prestz à enlever ladicte princesse, de son consentement, et la mener en France, de quoy Vostre Altèze, advertie tout aussytost par ledict prince, luy avoit envoyé sa garde; et vint-on dire audict marquis de Gœuvre, à table, qu'il y avoit à l'hostel de Nassau trois cents hommes en armes avecq 60 chevaulx, que le prince avoit reproché à la princesse qu'elle estoit coupable du dessein dudict enlèvement, menacé et fait battre le secrétaire dudict Sr de Berny, et que l'on s'en alloit cerchant les François par la ville; qui avoit meu ledict marquis et ledict de Berny de s'adresser à Vostre Altèze, pour sçavoir la cause du vacarme ; et leur estant respondu par Vostre Altèze qu'elle estoit informée dudict dessein, ilz l'avoient priée d'en faire chastier les entrepreneurs, si aucuns y en avoit, ou de s'en esclaircir, à quoy elle avoit reparty qu'il n'estoit jà besoin de leur en donner plus d'esclaircissement. Et le lendemain fut ladicte princesse menée au palais,

costoyée de près par son ennemy Rochefort, mignon du prince, non sans beaucoup de comptes et bruits courrans par la ville à l'intérest de sa réputation, contre ce que Vostre Altèze avoit promis de prendre sa vie et son honneur soubs sa sauvegarde. De quoy ledict marquis de Cœuvre me dit que ladicte princesse avoit eu beaucoup de regret. Et, pour monstrer qu'elle n'avoit rien moins désiré que d'estre menée en cour de cette iaçon, il me donna à lire une lettre qu'elle luy avoit escrite sans date, contenant quelques plaintes en termes généraulx des peines, injures et oultrages qu'elle soustenoit, le priant de l'assister qu'elle ne fust mise au palais contre son gré et par violence. Laquelle lettre ladicte duchesse d'Angoulesme print en mains, comme si auparavant elle ne l'eust pas veue, et en advoua l'escriture et la signature, que je disois estre fort bien et artistement faites pour une jeune dame. Puis ladicte duchesse et ledict connestable, embouchez (comme il fait accroyre) par le Roy et ledict marquis, se plaignirent que l'on avoit fait entrer ladicte princesse au palais sur un tel vacarme préallable que l'on disoit touscher à son honneur.

Ma response à tout ce discours fut que ladicte duchesse et ledict connestable avoient peu voir par les effeetz le beaucoup de bien que Vostre Altèze et la sérénissime infante vouloient à ladicte princesse, mesmes pour l'affection singulière et cordiale qu'elles ont à ladicte duchesse, et que par deux fois, en parlant à moy, tant devant qu'après ladicte entrée au palais, ilz avoient confessé de leur estre infmiement redevables des faveurs que ladicte princesse recevoient d'elles. Ce que m'estant par eux advoué, je disois qu'ilz n'auroient aucune raison de s'imaginer que Yostre Altèze eust jamais eu l'intention de faire ou souffrir estre faite chose qui eust peu mettre l'honneur de ladicte princesse en danger, la conservation duquel elle avoit au contraire en très-grande recommandation, et se fust aussy bien gai-dé avecq la sérénissime infante de donner place à ladicte princesse en leur maison propre, s'ilz eussent seule-

ment doubté qu'il y eust tant fust peu à redire en son fait; le lustre de ladicte maison estoit tel et si révérable que la seule réception en icelle empesche et purge tout soubçon sinistre de ceulx et celles qui ont l'honneur d'y entrer. Je leur remontray conséquemment qu'ilz m'avoient fort instamment requis de prier Vostre Altèze de leur part pour ladicte réception, et qu'après en avoir entendu les nouvelles, ilz m'avoient tesmoigné d'en estre très-joyeux, avecq beaucoup de remerciemens du bienfait signalé dont il avoit pieu à Vostre Altèze les gratifier en cest endroit, ce qu'ilz ne debvoient avoir fait s'ilz pensoient que ce fust aux despens de la bonne renommée de ladicte princesse. De sorte que je ne pouvois comprendre de quoy ilz vouloient maintenant tirer subjectde plainte, ou d'aucun deschet de leur premier contentement; car quant à ce que ledict marquis de Cœuvre avoit raconté, que par ledict vacarme faist à l'hostel de Nassau et par toute la ville de Bruxelles ladicte princesse auroit esté diffamée d'avoir complotté sondict enlèvement, je disois que Vostre Altèze avoit envoyé gens de sa garde au prince d'Oranges, afin qu'il s'en servist comme il trouverait estre besoin, pour préserver sa maison de violence, sans hiy avoir dit, ny fait dire, ny à autres, que ladicte princesse eust aucun mauvais dessein, ce que je ne croyois aussy que ledict marquis de Cœuvre eust ouy de Vostre Altèze, de la serénissime infante , ny d'aucun de leurs ministres ou officiers; et d'autant moins que je n'avois entendu que ledict prince eust rapporté rien de tel à Vostre Altèze, ains seulement qu'il y en avoit des François qui vouloient enlever ladicte princesse, sa femme, par force. En somme je maintenois fort et ferme que tout ca que Vostre Altèze avoit fait en ce négoce avoit esté pour favoriser ladicte princesse et les siens, et que l'on auroit tort de le destourner à interprétation contraire. Considéré mesmes que l'innocence de ladicte princesse est notoire en ladicte ville de Bruxelles et ailleurs, et que l'on sçait aussy tout communément qu'elle n'a pas esté conduicte

en cour pour crainte que l'on eust qu'elle feist un faux bond à son debvoir, mais bien de son bon gré et selon son désir, pour crainte qu'il ne luy mésadvinst, fust par manière dudict enlèvement, ou par mauvais traittement dudict prince son inary.

Ledict marquis de Cœuvre répliqua qu'il y a bruict en ceste cour et par toute la France que ledict prince et le marquis de Spinola ont adverty Vostre Altèze que l'on vouloit enlever ladicte princesse par complot secret fait avecq elle, et qu'il n'v a point aussy d'apparence qu'ilz en eussent parlé autrement, à sçavoir que l'on desseignast d'attenter ledict enlèvement malgré ladicte princesse, pour estre trop certain que c'eust esté une entreprinse du tout téméraire, et qui n'eust peu aucunement réussir, usant ledict marquis de ces termes : cela seroit bon à dire a des enfans, et non à des personnes de bon jugement. Puis, prenant un plus hault ton, il me dit que Vostre Altèze avoit esté plus facile à adjouster foy audiot prince qu'il n'en estoit besoin, et que tout ce que j'alléguois tendoit bien à couvrir et sauver l'honneur de ladicte princesse, mais qu'il falloit adviser qu'en ce disant je ne tombasse en aultre inconvénient, de rejecter la prétendue coulpe sur personne plus grande. Je respondiz que jenerejectois la coulpe sur personne, et que je parfois en sorte que je n'en debvois craindre aucun inconvénient, voire que je maintiendrais toujours franchement devant un chacun que Vostre Altèze n'a rien fait au regard dudict prince ny de ladicte princesse qu'elle ne deust faire. Et, sur la réplique dudict marquis qu'il y alloit de l'honneur du roy très-chrestien, je dis que je ne main teu ois pas ny ne voulois maintenir que le Roy eust donne charge d'enlever ladicte princesse, mais que Vostre Altèze , advertie qu'on la vouloit enlever, a esté justement meue d'y pourveoir. Le marquis persistant en son dire, imputa la cause dudit accident en partie à un advis qu'il disoit avoir esté donné mal à propos par don Innigo de Cardénas, mais principalement aux rapports,

pratiques et instigation dudict marquis de Spinola, s'entendant fort estroitement avecq ledict prince, auquel il avoit donné de l'argent, et offert le chasteau d'Anvers ou de Gand pour sa retraite, y consentist Vostre Altèze au point, et estant mal satisfait au reste de ladicte princesse, pour le peu de faveur qu'elle luy a monstre, mesprisant ses courtoisies et les offres de ses services, dont, au dire dudict marquis de Cœuvre, il a esté fort libéral et libre envers ladicte princesse, jusques à luy avoir dict qu'il sçauroit bien la servir et s'en taire, et tascher de gaigner la damoiselle de ladicte princesse nomméo du Chasteauverd, afin qu'elle le favorisast en ses amours, luy ayant, à ces fins, premièrement offert sa bourse, et par après dix mille escuz d'or, lesquelles offres estant par elle refusées, ledit marquis s'en seroit despité et auroit esté cause qu'elle a esté retirée de ladicte princesse, comme si elle eust trempé au dessein de son enlèvement. Sur quoy le connestable prend aussy occasion de descharger son cœur avec colère contre ledict marquis de Spinola, qu'il appeloit marchant, et monstroit par ses propos et gestes de l'avoir en grande hayne, comme faisoit aussy ladicte duchesse, quelque peine que je rendisse à leur donner meilleure impression de luy, affirmant qu'il a toujours eu réputation de seigneur fort sage et fort advisé, sans que je l'eusse jamais ouy noter d'aucunes folies d'amour.

De là l'on meit sur le tapis si ladicte princesse debvroit tousjours demeurer au palais de Vostre Altèze, où ledict marquis de Cœuvre disoit qu'elle estoit comme en prison, et au surplus logée peu convenablement à sa qualité de première princesse du sang de France, luy ayant premièrement esté donnée la chambre de Madamoiselle d'Espinay, et depuis une autre a galetas, au plus hault estage, en compagnie d'une seule de ses femmes, qui ne l'a pas servie longtemps, les deux autres luy estans ostées, a sravoir ladicte du Chasteauverd et la chambrière avecq lesquelles elle avoit le plus de privauté, et qui

luy rendoient le service le plus nécessaire. De quoy ledict connestable et ladicte duchesse leirent aussy de grandes doléances, et de ce qu'on avoit voulu donner à ladicte princesse des damoiselles à elle incognues, de Malines, et mesmes une niepce de Kerreman, qu'ilz qualifioient Espagnol et grand favori dudict marquis de Spinola, comme faisoit de mesme ledict marquis de Gœuvre. Hz me proposèrent ensuyte de tenir la main que Yostre Altèze eust pour aggréable de renvoyer ladicte princesse audict connestable son père, ou à ladicte duchesse, qui l'en supplieroit, et la sérénissime infante, par leurs lettres. Et, après que j'eu respondu que Vostre Altèze ne la pouvoit rendre à autre qu'audict prince ou celuy qu'il dénommerait, pour l'avoir receue en son palais à cette condition, que je trouvois fort juste et raisonnable, ledict marquis de Cœuvre repartit que Vostre Altèze et la sérénissime infante avoient parlé de la rendre à ladicte duchesse, si elle les en venoit requérir. Je demanday si Yostre Altèze ou la sérénissime infante luy en avoient fait promesse, ce qu'il n'osa pas affirmer, ains seulement que la sérénissime infante, suppliée par ladicte princesse de ne la jamais remettre au pouvoir de son mary, ains plustost de son père, ou de ladicte duchesse, avoit respondu qu'elle la rendroit plustost à ladicte duchesse qu'à nul autre. Bien me dit-il que ledict baron de Havesquerque luy avoit déclaré que Vostre Altèze ne se hasteroit pas à recevoir ladicte princesse en son palais, mais qu'après l'y avoir receue elle ne la rendroit pas audict prince. Je respondiz à cela de n'en avoir rien entendu, mais bien sravoir que Vostre Altèze avoit engagé sa parole de ne rendre ladicte princesse sans le consentement dudict prince, ne fust en cas de divorce. Et sur ce lesdits connestable et duchesse se prinrent à alléguer et exagérer plusieurs causes pour lesquelles ledict divorce se debvoit faire, du moins la séparation du lict, dont ilz disoient croyre que je sceusse une bonne partie, comme entre autres particularitez que ledict prince avoit menacé ladicte princesse de la jecter

PIÈCES ET DOCUMENTS. i87

hors de la fenestre si elle ne caressoit ledict marquis do Spinola, qu'il avoit dit beaucoup de villenies conlrouvées d'elle au Sr de Malembais, et des choses que Von ne diroit pas d'une garce... Ausquelz propos je respondiz que, s'ilz pensoient avoir causes légitimes pour fonder le divorce ou la séparation du lict, Vostre Altèze ne les en empescheroit pas, et moins l'exécution de la sentence qui s'y pourroit rendre à leur advantage. Hz répliquèrent que le procès ne se pourroit faire ailleurs qu'en France, et qu'à ces fins il fauldroit que ladicte princesse y fust renvoyée. De laquelle matière je diz n'avoir charge de traitter plus avant que je n'avois jà déclaré, mais qu'à mon advis le procès se pourroit aussy bien démener à Bruxelles ou ailleurs que par deçà, par-devant un juge qu'il plairoit à Sa Sainteté de déléguer, n'estant sa jurisdiction restreinte à aucun lieu, et comme ils persistoient au contraire , avec tant de chaleur que je voyois bien que c'estoit pour cela principalement qu'ilz m'estoient venuz trouver ainsy tous ensemble, avançons cette raison parmi les aultres qu'à leur advis et d'aultres qu'ilz en avoient ouy parler, dez que la femme demande le divorce, elle doibt estre exempte de l'authorité et pouvoir de son mary par manière de provision, je ne vouluz plus contester sur cet article, disant que j'en escrirois un mot à Vostre Altèze à la première commodité, et qu'au demeurant ilz se pouvoient tenir asseurez que ladicte princesse avoit receu jusques à présent au palais, et recepvroit encores tant qu'elle y seroit, tout le bon traittement qu'elle pourroit désirer, avecq la liberté convenable, sans que je me peusse persuader qu'elle eust de quoy se plaindre de son quartier, mais que l'on debvoit considérer qu'es palais des grands princes il y a le plus souvent bien peu de place pour accommoder ceulx que l'on y loge par-dessus la famille ordinaire, et que mesmes l'expérience le monstroit au Louvre, en celte ville qui est la demeure du Roy. Je diz en outre audict connestable et à ladicte duchesse que Vostre Altèze ne m'avoit pas encore respondu sur le point desdictes

deux femmes de ladicte princesse retirées chez ledict baron de Havesquerque, mais qu'en ayant nouvelles je leur en donnerois incontinent part. Ilz m'en prièrent fort instamment, comme si c'eust esté chose de fort grande importance, disans se confier que Vostre Altèze aura commisération de ladicte jeune princesse en ce regard, ainsy qu'à la vérité il semble qu'elle mérite cette grâce, si tant est qu'il n'y ayt cause plegnante et certaine pour laquelle lesdictes femmes seroient indignes de l'honneur de son service. Finalement ledict connestable, après m'avoir recommandé à part le fait et la consolation de ladicte princesse, et recognu qu'il se tenoit obligé à Yostre Altèze. et à la sérénissime infante pour tousiours, comme estoient aussy tous les siens, des faveurs qu'elles départent si largement à ladicte princesse, me dit qu'il vouloit sérieusement penser audict divorce, avecq bon conseil, et d'aultant plus qu'il avoit ferme créance pour plusieurs respectz que sa dicte fille n'a pas encore esté touchée par ledict prince. Bref quelque démonstration que ledict] connestable et ladicte duchesse ayent fait de n'avoir entier consentement de la forme de la procédure dont l'on a usé en ces affaires par delà, si puis-je certifier Yostre Altèze que c'a esté plus pour la présence dudict marquis qu'autrement, et qu'en leurs âmes ilz sont fort satisfaicts jusques ores, comme ilz doibvent.

PECQUIUS A l'aRCHIDDC ALBERT.

10 mars 1610.

Monseigneur,

Plusieurs advis et rapports conformes venans de bons lieux rendent indubitable ce que j'ay escrit à Yostre Altèze par aucunes de mes précédentes, que le roy très-chrestien appreste en diligence ses troupes à pied et à cheval pour aller (comme l'on publie) au secours des princes de Brandenbourg et de Neubourg, jusques au nombre de dix-huit mille hommes de

pied, que François que Suysses, et trois mille chevaux, qui auront leur rendez-vous, à ce qu'il me semble, a Montcornet, frontière de Champaigne. Je ne suis pas encore bien informé qui sera le général de cette armée, mais l'on tient pour certain que le ducq dEspernon, comme colonnel général de l'infanterie françoise, le ducq de Rohan, chef des six mille Suysses qui doibvent marcher de bref vers Saint-Jehan de Laune, en Bourgogne, le duc de Nevers, général de la cavallerie, le ducq de Sully, général de l'artillerie, et les mareschaulx de Bouillon et de Laverdin s'y trouveront, voire mesme il se croit que le roy très-chrestien se rendra en personne à Chàlon, en Champaigne, où il a fait mener d'icy vingt et une pièces d'artillerie, vingt mille bouletz et grande quantité de pouldre. Quelquesuns parlent de plus grand nombre de gens, mais ce que j'en escris me semble le plus asseuré, et, si les ordres et commandemens du Roy tiennent et sont bien exécutez, celte armée debvra estre preste pour le 15 du mois prochain. Quant au chemin qu'elle prendra pour entrer au pays de Juilliers, l'on en discourt ici diversement, les uns disans que ce sera par Lorraine, et les autres par vostre pays de Luxembourg, par lequel le Roy demanderoit passage à Vostre Altèze, et, au cas de refus, le prendroit par force ; il y a bien plus, que, selon les advis que j'ay receuz depuis quelques jours en ça, le dessein du roy très-chrestien est de faire une invasion hostile au pays de Vostre Altèze, et d'y surprendre quelques places sur la frontière s'il peult, comme estant résolu de rompre avecq Sa Majesté et Vostre Altèze pour le fait du prince de Gondé, qui s'est embarqué secrètement (à ce que l'on dit icy) au port de Dunkerque, et doibt desjà estre arrivé en Espaigne. Les discours du chancelier, du président Jeannin et du sieur de Villeroy me font croyre que, si le Roy a tel dessein, c'est la passion du desdaing et du despil qu'il a de la retraite dudict prince avecq la princesse, sa femme, qui l'y aura porté, se remarquant en lui une picqueure si véhémente depuis la

faulte de Ventreprinse de Bruxelles que ceulx qui ont accoustumé de lui corner la guerre aux oreilles n'ont peultestre à ce coup rencontré guerres d'obstacle en ses humeurs à l'y disposer, qui seroit au grand regret de plusieurs aultres mieulx advisez et plus clervoyans, ne se pouvant augurer rien de bon d'une guerre que Von vouldroit faire naislre de telle cause; car en tant que touche le ressentiment que le roy de France monstre d'avoir du tort qu'auroit esté faict à sa réputation par l'alarme qui se donna à Bruxelles à l'hoslel d'Orenges, l'on n'en parle ici que comme d'un masque, le desseing de ladicle entreprinse estant tenu pour certain, auquel quelques-uns me veuillent asseurer que] le Sr de Preaulx et la femme du ST de Berny ont eu leur bonne part, et que le ST de Warde a esté enchargé de mener ladicle princesse à la Capelle, si on la pouvoit enlever de Bruxelles. J'ay aussy veu une lettre dudict Sr de Berny, escrite à un sien amy par deçà, par laquelle il donne assez à entendre la vérité dudict desseing, bien qu'il proteste de n'y avoir trempé, faisant ladicle lettre mention d'un François nommé de Montcheaux, qui auroit esté de la menée, estant présentement à Bruxelles fort chéry du comte de Busquoy, duquel Montcheaux m'a aussy parlé la Bocquinière, François cognu à Vostre Allèze, disant qu'icelluy Montcheaux a esté banny de France à cause de quelques homicides, mais que le S* de Traigny, gouverneur de la ville d'Amiens, a persuadé au roy de France de l'envoyer à Bruxelles pour ledict desseing, et que c'est un meschant homme dont l'on se doibt bien donner garde...

PECQUIUS AU SECRÉTAIRE D'ÉTAT PRAETS.

16 mars 1610.

Monsieur, le temps est venu, ce me semble, que nous pensions à nous et nous tenions bien sur noz gardes pour les causes

contenues en celles que j'escris au maistre. -Mais, en cas de rupture, je ne voy pas que nous puissions éviter un chocq bien rude d'abordée, et pour cesle année présente, metuendum est, inqitam, ne sentiamus aculeum Gallorum, quo arnisso, statim torpenl ; sed spectare convenit ad consilium Scipionis, ut bellum in Africain transferatur. Et je dira} franchement que j'ay horreur de penser à cette guerre pour les maulx infiniz qu'elle versera à pleins vaisseaux sur toute la chrestienté, et non pas que nous ayons beaucoup à craindre les forces françoises, pour plusieurs considérations qui ne se peuvent fier au papier , mesrne au regard des divisions que nous pouvons mettre en la France, et des entreprîmes fort importantes dont l'on nous offre les moyens, comme entre aultres sur les villes de Marseille et de Lion...

La Rocquinière me raconte que ledict S* roy a dit au comte de Bruay que, si le connestable de France demandoit sa fille ù Son Altèze, et qu'elle luyfust refusée, il assisterait ledict connestable de ses forces pour la reprendre. Cela s'accorde assez au propos que m'a tenu la duchesse de Longueville ; mais je ne sçai que penser comment ledict comte de Bruay se rend si familier audict Rocquinière , jusques à l'avoir mené avecq luy audict Fontainebleau, puisque luymesme m'a confessé de le tenir pour suspect, ayant six cens escus de pension dudict ST roy, qui ne se donnent qu'à bonnes enseignes. Je seray bien aise d'entendre plus particulièrement en quelle réputation ledict de Rocquinière est par delà...