LE CONNÉTABLE OE FRANCE A I.' ARCHIDUC ALBERT

18 mars 1610.

Sérénissime prince, Je remereye très-humblement Vostre Altesse de l'honneur, faveur et support qu'elle a depparty à Madame la princesse de

Coudé, ma fille, et me sens tellement son redevable que je recercheray par tous moyens de rendre très-humble service à Vostre Altesse, laquelle sera asseurée de mon obéyssance à tous ses bons commandemens, et que je ne désire rien tant que de faire chose qui luy soit agréable. Et, d'aultant que Vostre Altesse n'ignore point le peu ou point d'amour que Monsieur le prince de Condé porte à madicte fille, quelles sont ses mœurs et ses depportemens envers elle, la sévérité qu'injustement il luy tient, que sa passion a esté si grande qu'il n'a poinct eu de respect à son honneur, qu'enfin on peult bien souhaitler, mais non pas se promettre, qu'il change, je supplie très-humblement Vostre Altesse de permettre à madicte fille qu'elle vienne me trouver pour consoler ma vieillesse, mesmes pour assister au couronnement de la Royne, auquel sont obligez d'assister tous les princes et princesses, seigneurs et officiers de ceste couronne, pour y servir Sa Majesté, laquelle sera trèsayse de veoir madicte fille, à cause qu'elle tiendra le premier rang en ceste action, qui sera fort célèbre. Je croys que Vostre Altesse aura esgard à ma juste supplication et qu'elle m'octroyera la grâce que je lui demande. Ayant commandé à Girard, mon secrétaire, porteur de la présente, de représenter à Vostre Altesse, si elle a agréable de luy donner audience, le surplus de mon intention...

LES ARCHIDUCS A PECQUIUS.

(MINUTE

19 mars 1C10.

Cher et féal, par votre dernière du xve de ce mois avons-nous au long entendu ce que jusques lors estoit venu à vostre cognoissance de l'appareil qui se faict en France et des desseingz du roy très-clirestien , et nous attendrons que nous teniez advertiz d'une entre-suite, et avecq particularitcz de

tout ce qu'entendrez ultérieurement de l'un et de l'aultre, mesmes par des courriers exprès, quand l'importance des cas le requerra, afin que de bonne heure nous puissions pourveoir à ce que, pour et selon les occurrences des affaires, nous trouverons convenir, et pour prévenir inconvéniens et surprinses. Nous avons volontiers entendu ce que nous escripvez du contentement qu'ont le connestable de France et la dnchese d'Angoulesme (à ce qu'avez pu tirer de leurs propres propos) de l'accoeil et traictement qui se faict icy ii la princesse de Condé ; car, puisque l'on rend peine de luy faire le meilleur que l'on peult, il va bien qu'il soit recogneu. Mais, quant à la venue de ladicte duchesse pour demander et emmener ladicte princesse, nostre intention est que procuriez de l'en divertir, parce qu'elle seroit peine perdue, ainsi que nous avons mandé par mie nostre du xxip du mois passé, comme seroit aussi d'envoyer par deçà, deux damoiselles en la place de Chasteauverd et la Philippote, d'aultant qu'en nostre palais ne s'admectent que des filles de chambre qui secerchent et se trouveront à la satisfaction d'icelle princesse ; pardessus l'apparence qu'il y a que celles que l'on vouldra envoyer se lairroient icy facilement suborner et corrompre, si elles ne Vestoient desjà, à l'insceu et contre l 'intention desdicts connestable et duchesse, avant partir de France. Par quoy sera bien qu'avecq terme courtois vous procuriez que l'envoy desdictes damoiselles soit excusé, car elles ne seroient recettes, et de tant moins que depuis naguères l'on a intercepté une lettre de plusieurs que doibt avoir escript la Chasteauverd à ladicte princesse, par laquelle elle l'inslruict d'escripre audict Sr roy qu'il faut qu'il treuve moyen de l'enlever d'icy, et qu'il n'y a aultre remède plus propre, ny pour luy ny pour elle, pour sortir d'icy, et qu'il y a de l'apparence qu'elle aura escript d'attitrés semblables lettres à la mesme princesse, et elle audict roy. Ce que vous debvez discrètement suggérer ausdicts connestable et duchesse, à

ce qu'ilz soient informez des causes qu'il y a de soigner et veiller (comme l'on faict) pour leur fille. El, parce qu'elle soupçonne que l'on luy retient quelques lettres dHcelle duchesse, vous ferez debvoir d'en sçavoir combien elle luy en a escript depuis qu'elle est venue au palais, ou à la Serlaull, avecq désignation des dates, afin qu'elle puisse sçavoir si et quelles luy manquent. Nous vous resouvenons derechef l'expédition du faict de la neutralité et députation des commissaires pour la conférence sur les différens de limites en nostre comté de Bourgoigne et pays de Luxembourg.