PECQU1US A L'ARCHIDUC ALBERT
19 mars 1610.
Monseigneur,
Par confrontation de divers avertissemens que j'ay recueilly de personnes confidentes pour m'informer du nombre de gens dont le roy très-chrestien veult dresser son armée qui doibt marcher vers nos lisières, j'en ay mis par escrit le discours ci-joint. Moyennant lequel j'espère avoir satisfaict pour le présent au commandement qu'il a pieu à Vostre Altèze me faire en cest endroit par ses lettres du 15 du courant, receues avant-hier. Et je ne manqueray de prendre encore langue de jour en jour sur ce qui se passera au dressement de ladicte armée, laquelle de vérité ne me semble pas seulement nous obliger à nous tenir en garde, mais aussy à nous pourveoir en diligence d'accroissement de noz forces ; et, d'autant plus que j'ay apprins que le gouverneur de Bourgogne, grand favorit du roy de France, je dis son grand escuyer, qui a bonne part au secret de ses desseings, a dit à un personnage d'authorité, il n'y a que trois jours, qu'il y aura de la guerre entre l'Espagne et la France.
Les discours que le Roy tint au nonce de Sa Saincteté, en son
audience d'avant-hier, fortifient aussy de beaucoup l'apparence de cette vérité : car il est ainsy que, luy ayant le nonce présenté un brevet de Sa Saincteté, pour l'exhorter à procurer quelque bon accommodement des affaires d'Allemagne, veu mesmes qu'il y alloit de la religion, il respondit que ce n'estoit pas une affaire de religion, puisque l'Empereur déclaroit vouloir rendre justice à chacun des prétendans a la succession du feu ducq de Glèves , pour la faire adjuger à celuy qui seroit trouvé y avoir le plus de droit, sans faire distinction des religions, mais qu'il s'y traittoit seulement de l'intérêt particulier de la maison d'Austriche, par menées et assistence de Sa Majesté catholique, dont il estoit suffisamment adverty, quoyque l'on taschât d'y apporter de la couverture et du desguisement; bref qu'il s estoit résolu d'assister ses amys, comme il debvoit faire; qu'il estoit jà tard de parler d'accommodement; que les différens ne se pouvoient desmesler que pas l'espée, et qu'il avoit bientost son armée preste, en laquelle il se trouveroit en personne, et s'en iroit droit à Juilliers. Le nonce dit, selon la requeste que je lui en avois faicte devant qu'il s'en allast à l'audience, que par aventure le chemin de l'armée seroit plus court à sçavoir vers les Pays-Bas, comme il y en avoit grand bruit, et sur la response froide du Roy que c'estoient des discours, comme le nonce eut dict qu'il demanderoit passage à Voslre Altèze par son pays de Luxembourg, et à son refus le prendrait par force, et mesmement qu'il avoit Vœil sur Thionville, le Roy répliqua qu'il n'avoit que faire de passer sur le pays de Vostre Altèze que bien peu sur quelques recoins, et qu'il ne luy demanderoit point de passage. Et quant à Thionville, après avoir demandé au nonce si l'on en parloit, qui respondit qu'ouy, il représenta l'importance de ladicte ville, et qu'il y auroit bien à faire à la prendre. De là il se meit sur des plaintes de Sa Majesté catholique, disant avoir remarqué dez longtemps, et de remarquer encore de plus en plus la mauvaise volonté qu'elle luy porte, et dont
rendoit preuve certaine la response rude et altière donnée puis naguierres par le duc de Lerma à son ambassadeur, sur la proposition par luy faite que sadicte Majesté ne retinst pas le prince de Condé, à sçavoir que de tous temps les roys d'Espagne avoient accoustumë de recepvoir et protéger les opprimez, que Sa Majesté continueroit ceste louable coustume envers leriict prince, et dont elle avoit tant plus d'occasion que ledict Sr roy avoit tousjours receu et entretenu, comme il faisait encore, les rebelles fugitifz d'Espagne, et qu'outre ce il avoit fomenté et maintenu tant d'années la guerre d'Hollande, et usé d'une telle façon de procéder envers don Pedro de Toledo, marquiz de Villafranca, lors de son ambassade par deçà que sadicte Majesté, ouye sa relation, avoit déterminée de ne jamais plus panser à traicter de semblable matière. Le nonce repartit d'estre marri de la rudesse et aspreté de la response dudict ducq de Lerma, dont, à son advis, il eust bien peu s'excuser, mais que possible il s'estoit resouvenu des propos brusques tenuz à moy et autres par ledict Sr roy touchant les affaires dudict prince et de la princesse sa femme. Puis, sur la remonstrance du nonce qu'il debvoit du moins avoir tout contentement de Yostre Altèze, qu'il n'avoit obmis aucun bon office envers luy èsdictes affaires, il respondict avecq altération que Voslre Altèze l'avoit trèsmaltraicté en touchant bien avant à son honneur, comme elle faisoit encores, mesmes en retenant ladicle princesse prisonnière en son palais, et privée du service de ses deux femmes qu'on lui avoit osté. Sur quoy ayant le nonce répliqué que le palais de Vostre Altèze n'estoit pas une prison, ny ladicte princesse à tenir pour prisonnière, puisqu'elle y estoit de son gré et de ses parens, et se tenoit honorée et obligée des bons traictemens qu'elle y reçoit, le Roy dit brusquement qu'il estoit mal informé, d'autant que ladicte princesse proteste d'estre tenue par force audict palais, et qu'elle y est mal traittée. Le nonce remonstra au Roy que luy-mesme avoit désiré
que ladicte princesse fust retenue à Bruxelles au deffault de la réconciliation dudict prince son mary, ce que le Roy voulut denier, et, sur la réplique du nonce qu'il ne l'avoit ainsi déclaré, le Roy, divertissant ce propos, dit qu'il falloit que Vostre Altèze rendist ladicte princesse au connestable son père, ce que le nonce maintenoit ne se pouvoir faire sans le consentement dudict prince, pour estre ladicte princesse soubmise à son pouvoir, et que mesme ledict connestable son père a fait instance qu'elle fust receue audict palais, et a du contentement qu'elle y est. Le Roy, après avoir dict que ladicte princesse a souffert tant de mauvais traittemens de son mary qu'il ne peult plus dire qu'elle soit soubs sa puissance, et que ledict connestable ne nous dict pas tout ce qu'il pense, ains se lamente fort de la détention de sadicte fille, demanda au nonce qui debvoit estre le juge de la matière de divorce, et si l'on en debvoit cognoistre en Flandres. Puis, entendue la response du nonce que ce debvroit estre l'église qui estoit en Flandres et partout, le Roy dit que le connestable demanderoit sadicte fille à Vostre Allèze et qu'il l'assisteroil afin qu'elle lui fust rendue. Et là-dessus, se reprenant, il dit que c'estoit assez parlé de ladicte princesse, attendu que ce n'estoit pas en cela que gisoit la principale difficulté , ains en la retraite dudict prince en Espaigne , duquel les Espagnolz se serviroient demain pour demain à brouiller, s'ilz pouvoient, la France, et faire une pauvre vefve de la Royne et un pauvre Daulphin. Le nonce respondit d'avoir souvent ouy de don Innigo de Cardenas et de moy que jamais Sa Majesté catholicque n'ayderoit le prince de Condé à débattre la couronne au Daulphin, et le Roy repartit que les Espagnolz ont honte de le confesser, mais qu'ilz ne seront pas honteux de le faire.
Et voylà le récit particulier des discours passez entre eulx,
desquelz, joints à autres propos dudict Sr roy, résulte sans
doutte une véhémente conjecture qu'il a desseingz contre
nous, et j'en remarque encores une qui me semble de conside-
ration, à sçavoir qu'il est peu apparent que les princes protestans de Allemaigne veuillent recepvoir en leur pays une si grosse et puissante armée que celle que ledict Sr roy prépare,, ayans mesmement les princes de Brandebourg et Neubourg dit puis naguerres au Sr de Vaubecourt (comme il a raconté à un sien amy) quilz se passeront bien des gens du Roy, et offert auclict de Vaubecourt la charge de six mille hommes de pied et de mil cincq cens chevaulx d'aullres nations que François, que le Roy luy veult donner; davantage les advis que nous avons que ledict roy a fait, recognoislre de noz villes frontières servent de troisième conjecture du dessein de rupture. Et pour la quatriesme, je poise que les principaulx ministres dudict roy se font maintenant tirer l'oreille et ne cherchent que des dèlaiz au faict du renouvellement de la neutralité de Bourgoigne, quelque presse importune et sans relâche que je continue à leur en donner, me fondant sur les promesses que le Roy m'en a faœtes et eulx de sa part. Le Sr de Villeroy et le président Jehmmin m'ont cy-devant donné à entendre qu'il tenoit au chancellier; mais un aidtre personnage fort familier à icelluy chancellier dit que le retardement ne vient pas de luy, ains d'ailleurs, et que le Roy est un fin mattois, ce qui me mect de tant plus en peine que le baron de Lux est arrivé avant-hier en cesle ville, qui empeschera ladicte neutralité par toutes sortes de dissuasions et aultres moyens à luy possibles.
PECQUIUS A L'ARCHIDUC.
27 mars 1610.
Monseigneur,
Mes advis précédens, touchant le nombre des gens de l'armée qui s'appresté par deçà, se vont confirmans, tant par non-
veaux rapporte qui m'en viennent de jour à au Ire, que par les propos que le roy très-chrestien mesme en a tenu avanthier a don Fernando Jiron, selon qu'il escrit particulièrement à V. Alte, ensemble, parce que m'a dict le Sr de Villeroy ces jours passez, que le Roy arme puissamment, à l'advenant de la levée des forces impériales, qu'il croyt debvoir estre fort grande moyennant les deniers d'Espaigne. Depuis trois jours en çà, l'on a veu en cette ville bailler au rabais le fournissement du pain de munition, jusques à quarante mille livres par joui-, et du foin et avoine pour le nombre de sept mille chevaux, à sçavoir tant de selle que d'artillerie et bagage, dont l'on avance aux pourvoyeurs cent mille livres, avecq promesse de plus dans peu de jours. L'on continue aussy d'envover de l'arsenal de cette ville multitude de munitions et armes à Chàlon, mesmes, entre les autres, grande quantité de mousquetz de longueur fort extraordinaire, à usage (comme l'on me dict) d'oilmser de loing ceux qui se présentent à la deffence d'une bresche, ou pour s'en servir parmi les chariolz. Les compagnies d'hommes d'armes du ducq de Mayenne et du grand escuyer du Roy se doibvent rendre, l'une à Montmiray et l'autre à Chastiilon-sur-Seine, pour approcher Chàlon, et le reste de la cavallerie a son département au long de la rivière de Meuse, avecq ordre de s'y acheminer au plus tost. Je parle de la cavallerie ordinaire entretenue, car d'extraordinaire il ne s'en lève pas encore, saulf que l'on commence à faire nouvelles compagnies d'hommes d'armes du prince de Conty et du ducq de Vendosme. Et il est vray que la leuée des recrues des gens de pied, pour les cincq régimens ordinaires et les trois extraordinaires mentionnez en l'escrit que j'ay envové avecq mes dernières, va un peu lentement, sans que le Sr de Vaubecour, ny autres ayans commissions de nouveaux régimens, ayent commencé aucunes levées, ny touché deniers pour ce faire, bien que le Sr de Vaubecour die d'avoir les roolles de ses gens tout pretz pour les assembler en peu de temps. J'ay
tasché, par divers moyens, de sonder quel chemin doibt tenulad, armée pour marcher vers Juilliers, et ce que j'en ay apprins est qu'elle prendra sa brisée droit par les pays de Liège et de Luxembourg, selon les ordres en donnez au ducq de Bouillon, qui a charge de pourveoir à ce passage, après l'avoir fait bien recognoistre par led. de Vaubecourt, lequel dit hier à un capitaine de ma cognoissance que s'il y avoit apparence d'obstacle au passage, et que les pétards et les surprinses y manquassent, cinquante pièces de canon en feroient la raison. J'ay sceu d'abondant que depuis peu de jours en ça le Roy, se trouvant avecq plusrs Srs en son cabinet aux livres, y visita et examina les cartes desdts pays de Liège et de Luxembourg, et que l'on y jugea estre nécessaire de se saisir d'une place sur ladte rivière de Meuse; mais je n'ay encore peu sçavoir quelle. Quant au général de l'armée, l'on n'en dict rien d'asseuré, d'autant que le Roy fait courrir le bruit de s'y vouloir trouver en personne. Bien dict-on que le prince d'Anhalt fait instance pour en avoir la charge, par ce mesme que les frais de lad. armée se prennent sur environ quattre millions de livres que le Roy luy debvroit pour services cy-devant faits en France, toutefois, je n'en sçay rien au vray. Mais, si lad. charge se donne aud. prince, il est trop certain que ny les ducqs de Nevers et d'Espernon, ny autres seigneurs françois de marque, ne vouldront marcher soubs tel général, et en ce cas il y auroit de l'apparence que le Roy se contenteroit d'envoyer en Allemagne ses six mille Suysses, avecq trois ou quatre mille hommes de pied françois et quelque mille et cinq cens chevaux, ainsy qu'aucuns en discourent par deçà; autres affirmant que Jacques Bongars, retourné puis naguierres en cette ville de sa légation d'Allemagne, et le sr de Bordes, qui en est revenu depuis luy, ont rapporté au Roy que résoluement les princes protestans ne veuillent pas d'armée, françoise en leur pays, et que le Roy s'est estrangement cabré à la réception de ces nouuelles, ce qui néantmoins me semble peu
croyable, veu les grands appretz de lad. armée jà faits, dont il est apparent que le Roy se fust bien gardé, si au préalable il n'eust esté informé que lad. armée seroit la bien-venue ausd. princes. Mais, si ainsy est qu'ilz ne le veuillent pas, il en résultera une conséquence presque indubitable, que c'est aux pays de Vostre Altèze que s'adressent couvertement les desseins du Roy, et non ailleurs.
De quoy j'ay aussy depuis mes dernières tiré quelques autres conjectures nouvelles des discours du chancelier, du président Jeannin et du Sr de Villeroy, en ce qu'ilz m'ont tous dict que le Roy continue à se tenir offensé de Vostre Altèze, à cause de l'affront qu'il prétend luy avoir esté fait par l'alarme donné à Rruxelles, suivy de l'emprisonnement (ainsy en parlent-ilz) et de la détention de la princesse de Condé par delà contre son gré. M'ayant dict davantage que si le connestable de France demande ladicte princesse, sa fille, à Voslre Altèze par une juste requeste, et qu'il en soit refusé, le roy de France ne se pourra excuser de lui pr ester des forces pour favoriser sa prétension, et que Vostre Altèze auroit peu de raison de refuser ladicte princesse audict connestable, son père, au cas qu'il la luy demande, allandu quelle n'est plus soubz le pouvoir du prince, son mary, criminel de lèzemajeslé, et comme tel tenu pour civilement mort, du moins que si l'on fait commettre la cause de séparation au nonce résident par deçà, et qu'iceluy face donner assignation à ladicte princesse à comparoir par devant luy, il n'y aura moyen que Vostre Altèze empesche sa comparition en per sonne. Ausquelz propos il m'a esté aisé de donner solution sur le pied de mes reparties faites à semblables objections, comme il s'est veu par aucunes de mes lettres précédentes ; mais pour tout cela lesdicfz ministres n'ont laissé de me faire cognoistre que le Roy l'entend autrement, de sorte qu'il ne se fauldroit pas esmerveiller s'il vouloit poursuyvre les effectz de son intention par la voye des armes, se persuadant mesmement
que Vostre Altèze, veue une puissante armée royale sur îes frontières de ses pays, se résouldroit à lascher ladiete princesse plustost que de se porter à d'autres extrémités, comme ont bien osé dire aucuns bravaches de par deçà, dont néantmoins ilz perdront bientost l'opinion, ainsy quej'ay répondu à aucuns d'entre eulz, quand ilz se verront en teste une puissante armée contraire, au cas qu'il en faille venir là, estant desjà le bruict icy assez commun que Vostre Altèze lève de grandes trouppes nouvelles pour se mettre sur la défensive, en attendant que Sa .Majesté catholique entreprenne et exécute l'offensive en tous endroits, dont il ne se peult croyre combien plusieurs des plus judicieux et les clairvoyans de par deçà ont d'appréhension, signamment prennans esgard à la vraye cause de ces apparens remuemens, de laquelle Von discourt icy avec beaucoup de liberté. Lesditz ministres de cette cour m'ont aussi bien dict ne pouvoir nier que Vostre Altèze n'ayt assez de subject d'armes, puisque le Roy, leur maistre. se dispose à l'approcher avecq tant de gens. Et sur ma remonstrance faite le 24 de ce mois audict président Jeannin qu'il m'avoit autrefois déclaré que nous ne tomberions pas en rupture, à son avis, pour ladiete guerre d'Allemagne, il me respondit que, si ladiete princesse estoit de retour en France, le Roy n'auroit plus d'occasion de mescontentement de Vostre Altèze , et que par avanture cela produiroit prou de bons effeetz. Je répliquay que je n'en pourrois espérer grand bien, si tant estoit que ledict sieur roy voulust rompre pour le regard dudict prince de Condé, parce qu'en tel cas il estoit à présumer que la rupture s'estendroit aussi à Vostre Altèze, nonobstant que ladiete princesse s'en fiist retournée en France. Joint, disois-je, qu'à ouyr les discours desdicts chancellier et de Villeroy. si l'armée françoise s'en va en Allemagne et que la guerre s'y eschauffe contre l'Empereur et ceux de son party, il est à craindre quelle n'enveloppe tous les princes voisins, et que mesmes nostre trefve d'Hollande n'en soit mise en grand bransle; à
quoy ledict président se contint de repartir, advouant néantmoins que ladicte irefve courra grand hazard, arrivant que ladicte guerre d'Allemagne aille avant, parce que les Estats des Provinces-Unies estant encore en guerre, s'estoient obligez d'assister le prince de Brandebourg pour le faire jouir de la succession de Juilliers, lorsqu'elle viendroit à luy escheoir. Et suyvant ce que l'on tient icy pour tout certain que lesdictz Estats ont desjà accordé et promis pour commencement de secours audict prince et à celuy de Neubourg deux cens mille escuz, comme l'on sçayt aussy que lesdicts Estats doibvent envoyer de bref audict sieur roy quattre à cinq cens matelotz pour s'en servir au fait de l'artillerie en sadicte armée.
Je suys adverty au reste de bon lieu qu'il n'y a que peu de jours que le roy de France receut lettres de ladicte princesse, contenant plaincle de sadicte détention à Bruxelles, avecq prières instantes de considérer que c'est pour l'amour de luy qu'elle pâtit, et qu'il ait à adviser de trouver les moyens de la retirer au plus tost de là. J'ay faict diligence pour sçavoir la date desdictes lettres et lavoye par laquelle le roy de France les a receues, mais je n'en ai encore rien peu pénétrer; bien me dit-on que le Roy en faict grand estât entre ses plus privez. Il est aussy bien asseuré que ledict roy a cuidé induire la royne de France à escrire à la sérènissime infante, afin quelle permeist à ladicte princesse de se trouver par deçà pour assister à son sacre et couronnement, mais que ladicte royne s'en est excusée en termes fort résouluz, pour deux causes par elle alléguées, l'une qu'elle ne vouloit pas se rendre sa macquerelle, et l'aullre qu'il luy seroit malséant que faire une requeste à ladicte royne {sic), dont il y a apparence qu'elle seroit esconduille, raisons si pertinentes qu'elles ont faict aller ladicte proposition au vent, estant aussy ledict couronnement remiz jusqu'à l'automne prochain. Ledict président Jeannin, sans faire mention dudict refus de ladicte Royne, m'a parlé dudict expédient
d'évoquer ladicte princesse audict couronnement, mais avec ceste adjouste qu'il croyoit que Vostre Altèze ny ladicle infante n'en feroient rien, en laquelle bonne créance je l'ay confirmé. . . .
PECQUIUS A L ARCHIDUC ALBERT.
2 avril 1610.
Monseigneur,
Force propos aspres et véhémens se passèrent hier en l'audience que don Innigo de Cardeoas avoit trouvé bon de demander au roi très-chrestien, dont j'estime que Vostre Altèze sera informée par ses advis ; et partant je seray bref à escrire selon ma mémoire le plus remarquable de ce qu'il m'en a raconté. C'est que, sur sa remonstrance faite au Roy que c'estoit une nouveauté suspecte que d'apprester comme il faisoit une grosse et puissante armée pour l'envoyer sur les frontières du pays de Vostre Altèze, et qu'au cas de continuation de ce dessein Sa Majesté catholique, n'ayant qu'une sœur au monde, seroist justement conviée de pourveoir àla conservation d'icelle, comme l'ayant en singulière affection, ensemble Vostre Altèze son oncle, le Roy respondit qu'il estoit vray qu'il armoit, et que c'estoit pour assister ses amys, comme il avoit tousjours déclaré aux ambassadeurs de vouloir faire, et, sur la réplique dudict don Innigo, qu'il n'avoit point d'ennemys, ny subject pour lequel il deust faire une telle armée, le Roy dit brusquement que l'on sçavoit bien ce que l'archiducq Léopolde estoit venu faire à Juilliers, et à quoy visoient les moyens que sadicte Majesté fait fournir en faveur du party impérial. Sur quoy luy ayant ledict don Innigo représenté que ce n'estoit pas sadicte Majesté qui eust soubslevé ny voulust mener la guerre en Allemagne, le Roy respondit que c'estoit une mocquerie de dire telles choses. Ce qui porta ledict don Innigo à dire avec
jurement que les ministres de son roy telz que luy n'avoient accoustumé de procéder et traitter que sérieusement et de vray, mais qu'il sembloit que d'une petite guerre il vouloit faire une grande, et se prendre à ceulx qui ne luy en donnoient occasion. Là-dessus, le Roy se meit à parler fort hautement et aigrement des affaires du prince et de la princesse de Condé, disant que sadicte Majesté le traittoit fort mal, et jurant que, si en cas pareil un prince des vassaulx. d'icelle se fust venu retirer en France, il le luy eust renvoyé, mais (pie l'on en vouloit à ses enffans, et que ce n'estoit pas en cela seulement que paroissoit la mauvaise volonté de sadicte Majesté envers luy, mais qu'elle s'estoit dez-piéca manifestée en une infinité d'occurrences passées, tant du fait du ducq de Biron, de la marquise de Verneuil, de Mérargue, de l'Hoste, secrétaire du Sr de Villeroy, qu'autres. Et quant ii Vostre Altèze, il confessa que du commencement elle avoit fait quelque démonstration par paroles de luy vouloir donner contentement, mais que depuis elle s'estoit laissée aller à des effeetz contraires, par commandemens venuz d'Espaigne. Ledict don Innigo, protestant que le Roy n'avoit raison de dire que l'on vouloit ou pensoit faire tort à ses enffans, maintint que, comme Vostre Altèze n'avoit obmis aucun bon oflice èsdictes affaires du prince et de la princesse de Condé, aussy sadicte Majesté ne faisoit en cet endroit ny ne feroit chose qu'elle ne deust faire, et qu'il n'y avoit aucune apparence de livrer au Roy ledict prince comme il prétendent. Et le Roy, se mettant en fougue de plus en plus, dit qu'en termes d'amytié l'on ne debvoit refuser ladicte délessance, mais que les Espagnol vouloient tout faire à la mode d'Espaigne, et luy à celle de France, et que la sienne estoit accompagnée de raison qui ne se trouvoit en l'autre. A quoy après que ledict don Innigo eut replicqué avecq assez de cholère, le Roy lui demanda enfin qu' estoit ce pourquoy il estoit venu luy parler. Et ayant ledict don Innigo répété en substance sa première proposition cy-
dessus narrée, le Roy persistant en ses propos, que l'on manquoit du debvoir d'amytié et de bonne intelligence avec luy, meit fin à l'audience.
Le nonce de Sa Saincteté, que je viens de veoir, trouvepeu de r/oust èsdictz discours, comme désireux que les choses se passent par la voye doulce, s'il estoit possible, à quoi/ buttent aussy tous mes souhaictz. Et à cet eff'ect, après avoir raconté audict nonce ce qu'il m'a voit communiqué à nostre dernière entrevue touchant la cause de séparation d'entre ledict prince et ladicte princesse, je l'ay prié de trouver bon que, sans attendre sur ce response du Roy, considéré qu'il y a du danger au dèlay, j'en feisse ouverture aux ministres de par deçà. A quoy il s'est accordé. Et je ne fauldray dez demain de commencer à mettre cette pratique en œuvre, avecq quelque peu d'espérance d'en tirer du fruit, puisque ledict nonce m'a asseuré d'avoir entendu hier au soir de fort bonne part que le conneslable s'est résolu d'intenter le procès de ladicte séparation, ayant esté émeu par les propos que j'ay tenus sur ce subject à la duchesse d'Angoulesme.
Au reste, le roy très-chrestien continue encore à donner des commissions pour la levée de nouvelles gens de pied, pardessus les régimens dénommez en mes advis précédons, mais il n'en débourse point encore d'argent que j'aye peu sçavoir. Les Suysses sont partiz de leur pays et marchent, mais avecq peu de diligence, selon les nouvelles que le fils du colonel Galati en apporta hier au Roy. La levée des Carabins s'avance, et le Roy a commandé que tous les mareschaulx de France, en nombre de sept, facent leurs compagnies d'hommes d'armes, qui pourront monter à cent chevaulx chacune, y comprins les archers. Les boulengers retenuz pour la provision du pain de ladicte armée sont partiz dez mardi dernier vers Châlon, }Iézières et Metz, et croyt-on y avoir ordonnance que tous les <li<\ aulx d'artillerie, jusques au nombre de quattre mille, soient
menez en celte ville pour le lu de ce mois, afin d\ estre marquez. Mais avecq tout cela il me semble, en confrontant diligemment tous les rapports que l'on me fait d'une continuèle entrefayte, que l'opinion la plus apparente est que l'armée ne se pourra rendre à Chalon qu'après la my-may prochainement venant. De quoy, entre plusieurs autres , m'a aussy voulu asseurer ledict nonce cejourd'huy. bien qu'il pourrait estre que le Roy envoyasi quelques trouppes plus tost au secours des princes de Brandenbourg et de Neubourg, selon ce que j'en ay touché par mes dernières, et dont il est incessamment sollicité par le prince d'Anhalt, qui est toujours à ses oreilles.
C'est chose estrange et neantmoins tenu pour asseurée que le duc de Sully rend maintenant tous ses effortz pour destourner le roy de France de la guerre qu'il veult entreprendre, luy remonslrant de jour à aultre fort librement les grans inconvénient apparens d'en debvoir nais tre ; mais il n'est pas escouté, bien que l'on remarque de l'irrésolution du Roy en ses dessein*.
LES ARCHIDUCS A PECQUIUS.
(minute.)
4 avril 1610.
Cher et (cal, ceste\«.us advertirade la réception de vos trois dernières du 30e et dernier du passé et premier du mois courant. Et d'aultant que nous avons entendu du secrétaire Pratz que nos trois lettres au ducq de Montmorency et duchesse d'Angoulesme qu'il vous avoit envoyé pour euk et que le secrétaire d'icelluy ducq ne se monstre fort hasté de retourner en France pour les leur envoyer par luy. nostre intention est que, jectant au fœu les susdictes lettres, vous leur délivriez celles-cy joinctes, avecq une copie d'icelles pour vostre information, en leur représentant de nostre part que. sans la raison qu'il/ y
entendront, nous eussions condescendu volontiers à leur désir en ce du renvoy de la princesse de Condé, mais que maintenant ilz peuvent bien comprendre cela ne se pouvoir faire, sinon au moyen d'une sentence de divorce légitimement donnée, et que, s'ilz estiment que nous puissions faire avecq fruict quelques offices pour l'advancement de telle sentence, nous en advertissant, nous nous y employerons de fort bonne volonté, et à ce propos nous ne sçaurions sinon louer l'expédient conceu par le nonce de Sa Saincteté en France (et lequel il luy auroit jà suggéré par ses lettres), de réserver à soy la cause dudict divorce, pour en estre cogneu et décidé à Rome sur les informations qui s'en prendront tant en France qu'en ces Pays-Bas et ailleurs, et est partant nostre intention qu'y apportiez la chaleur possible. Cependant vous pouvez bien asseurer de nostre part lesdicts connestable et duchesse que nous ne forcerons jamais ladicte princesse à suyvre sondict mary contrôla volonté d'elle...
