L'ARCHIDUC ALBERT AU CONNÉTABLE DE FRANCE
(minute.)
5 avril 1610.
Monsieur le ducq, vostre dernière que m'a délivrée vostre secrétaire m'a apporté beaucoup de contentement pour le tesmoignage qu'elle m'a donné, aussi bien que luy de bouche, de la satisfaction que vous avez de ma volonté en ce qui touche l'accueil et caresses qui se font en ceste maison à la princesse, vostre fille, et se continuera de faire tandiz qu'elle y sera, tant pour vostre respect, que pour ses mérites propres. Au demeurant, quoyque, pour les causes que contient ladicte vostre et ce que m'a représenté vostre dict secrétaire, vous désirez que soit permiz à ladicte princesse de vous aller trouver, je m'asseure de votre discrétion et bon jugement que
ne laisserez de considérer que ceia ne se peint faire, présupposé (comme il est vrai) que le prince de Condé nous l'a laissée enchargée, avecq réquisition et promesse nostre de ne la rendre à personne sans son consentement, ne soit toutesfois que, par sentence légitimement donnée, elle soit séparée d'avecq ledict prince, auquel cas nous ne ferons aulcune difficulté de vous gratiffier en cest endroict, comme, cessant la susdicte, nous l'aurions faict volontiers dez la réception de ladicte vostre. Bien vous diray que je ne la forceray jamais de suivre ledict prince, son mary, contre la volonté d'elle1.
PECQUIUS A L ARCHIDUC ALBERT.
7 a ml 1610.
. . . .Les discours de neutralité menèrent ledict Sr de Villeroy et moy à ceulx de la guerre, et à ce qui en avoit esté dict en la dernière audience à don Innigo de Cardeîias, dont ledict de Villeroy me raconta l'histoire un peu différemment du récit que j'en avois auparavant ouy, disant que, sur la remonstrance dudict don Innigo du soubçon résultant de l'armée que le Roy vouloit faire marcher vers les frontières des Pays-Bas, trop grosse pour estre receue en Allemagne, et que Sa Majesté catholique ne laisseroit jamais la protection de la sérénissime infante, sa sœur unique, pour l'affection singulière qu'elle luy porte, le Roy respondit que ses amys pour lesquelz il armoit avoient besoin de grande assistence telle qu'il leur préparait, et que sadicte Majesté catholique faisoit bien d'aymer la sérénissime infante, laquelle il aymoit aussy, mais qu'en Espaigne l'on ne debvoit pas tant aymer ses parens comme l'on faisoit.
1. Cette dernière phrase était accompagnée d'une note interrog itive du secrétaire Vendegies. Par décision autographe, l'archiduc prescrivit de retirer la phrase, mais de l'insérer dans une lettre à Pecquius, qui devait la répéter de vive voix para que la diga de palabra) au connétable.
Sur quoy, ayant ledict don Innigo demandé quels parens, le Roy respondit en cholère le prince de Condé, lequel estant desbauché par les Espagnols, après le ducq de Biron, la marquise de Verneuil et tant d'autres, il ne restoit plus que de desbaucher son Dauphin et ses frères. Et comme ledict don Innigo eut répliqué que, si le Roy eust parlé a luy des affaires dudict prince, il eust trouvé moyen de les conduire à quelque bon chemin, le Roy lui dit qu'il en avoit fait parler à sadicte Majesté catholique, qui n' avoit encore daigné luy en donner response, mais le ducq de Lerma en avoit donné une très-indiscrète à son ambassadeur. Et sur la repartie dudit don Innigo qu'il n'estoit informé de ladite response, le Roy dit que c'estoit une mocquerie de vouloir dissimuler telles choses. Et là-dessus s'en aigrirent les courages et les propos de plus en plus, tant qu'enfin, ayant ledict don Innigo demandé ce qu'il debvoit escrire à sadicte Majesté, son maistre, le Roy respondit : ce que vous vouldrez. Bref, au dire dudict de Villeroy, le Roy resta fort attéré et offensé de ladicte audience, et l'offense n'en est guierres moindre du costé dudict don Innigo, qui veult bien qu'on le sçache, à ce que j'entends de luy ; mais je croy avecq ledict de Villeroy qu'à grand'peine auront-ilz entendu lamovtié de ce qu'ilz ont dict l'un à l'autre, le Roy estant peu versé en la langue espagnole et don Innigo moins en la françoise.
Je remonstray en après quelques considérations audict de Villeroy, par lesquelles sadicte Majesté pouvoit estre meue à recevoir ledict prince de Condé en sa protection, et il respondit qu'il n'y avoit raison qui peust excuser sadicte Majesté d'accueillir et entretenir ledict prince comme elle fesoit, ores qu'elle eust par adventure peu trouver quelque couleur de le tolérer seulement en son pays. Conséquemment il me déclaia par exprès que le Roy, son maistre, tient l'accueil qui se l'ait audict prince pour l'une des plus grandes injures qu'on luy pourroit faire, et que pour ceste cause il est maleisé que les
PIÈCES ET DOCUMENTS. .Ml
deux rovs demeurent en paix, mesme qu'il vaut mieux prévenir les mauvais desseins desadicte Majesté que de lui donner le Loisir de les mettre à exécution à sa commodité, pour faire un jour disputer le royaume au Dauphin, ce que ledict do \ illeroy me dit avecq démonstration de doléance que les affaires se disposoient ainsi à une guerre, laquelle à son advis seroit de longue haleine, et bien plus difficile à finir qu'à commencer, par ce mesmement que lesdicts deux grands rois, ayant souvent mesuré leurs forces, n'ont accoustumé deguières gaigner l'un sur l'autre, ains après longues misères et afflictions ont tousjours rendu réciproquement par la paix ce qu'ils avoient occupé par les armes.
Je luv diz que, si le Roy, son maistre, venoit à rompre avecq sadicte Majesté, l'on pourroit préveoir qu'il romproit aussy avecq Vostre Altèze, mais que ce n'estoit pas à luy que j'en voulois demander des nouvelles. Et il respondit que je le pourrois sçavoir d'autres, et que le temps nous en rendroit sages. De là nous tombasmes sur le fait de la princesse de Condé, et de la requeste faite à Vostre Altèze par le connestable de France et la duchesse d'Angoulesmes, de la renvoyer par deçà . laquelle requeste je disois et maintenois par plusieurs moyens ne leur pouvoir ni debvoir estre enthérinée, et que le Roy très-chrestien n'auroit aucun subject de se resentir du refus que Vostre Altèze et la sérénissime infante en feirent, et moins d'entrer pour ce en guerre, comme il sembloit ( à ouyr parler ladicte duchesse) qu'il en avoit la volonté. A quoy ledict de Villeroy respondit qu'il trouvoit mes raisons fort bonnes et pertinentes, confessant clèrement que Vostre Altèze se pouvoit honnestement excuser dudict renvoy, fors au cas de divorce entre lesdicts prince et princesse, dont il luy sembloit que le procès ne se pouvoit faire en Flandres. Et je luy diz qu'il se debvoit faire à Rome, en retenant par Sa Sainctete la cognoissance de la cause à soy, pour en décider sur les informations qui s'en prendroient, tant en France qu'en Flandres
et ailleurs où le besoin seroit. Lequel expédient il trouva merveilleusement bon , saulf qu'il craignoit qu'il n'allast à la longue ; mais, quoy qu'il en fust, il me dit que nous n'aurions pas la guerre pour la princesse, et que je m'en asseurasse, mais pour le prince, y adjoustant que possible la guerre d'Allemagne ne causeroit pas de rupture entre les deux roys et leurs adhérents, encore que le party de l'Empereur fust assisté du costé d'Espaigne, et celuy des princes de Brandenbourg et de Neubourg du costé de France, si ce n'estoit le feit dudict prince, qui seroit cause de tout le malheur panchant sur la chrestienté. Je repartyz que, si le Roy, sonmaistre, avoit envie de rompre, il en prendroit le prétexte que bon luysembleroit, mais que tel rompt qui s'en repent, et que beaucoup mieulx vaudroit de cercher et embrasser les moyens propres à nostre bon accord et manutention de longue tranquillité, ce qu'il m'advoua avec protestation d'en estre aussy désireux que moy, mais que l'on n'en prennoit pas le chemin, ains qu'il semble que noz péchez ayent provoqué l'ire divine sur nous.
PECQUIUS A L ARCHIDUC ALBERT.
14 avril 1610.
Monseigneur,
Avecq les dernières de Yostre Altèze me sont arrivées, la veille de Pasques, les lettres qu'elle et la sérénissime infante ont escrite1* à la duchesse d'Angoulesme et au connestable de France, lesquelles je leur ay délivrées avant-hier, et conséquemment leur ay représenté ce dont il avoit pieu à Yostre Altèze m'en charger par sesdictes dernières. Ladicte duchesse, après avoir leu les lettres de la sérénissime infante en ma présence et ouy mes remonstrances sur les causes du refus de Yostre Altèze, n'en monstra point de mescon lentement, ny de parole, ny de mine. Au contraire, entendue la déclaration par
moy faicte que Vostre Altèze ne forcera jamais la princesse de Condé à suyvre le prince, son mary, elle tesmoigna de recevoir singulière allégresse de si bonnes nouvelles pour n'avoir jamais rien plus appréhendé, sinon que ladicte princesse fust envoyée contre son gré en Espagne, ou en autres pays estrangers, qui luy eust causé la mort et audict connestable, comme elle disoit ; de sorte qu'elle se tenoit très-obligée de nouveau à Vostre Altèze de ceste courtoisie et de la continuation des honneurs et bons traittements dont elle favorise ladicte princesse. Et quant audict connestable il n'ouvrit pas en ma présence les lettres à luy escrites, mais feit semblant de ne prendre en mauvaise part ce que je luy représent ois du contenu en icelles. Puis se réjouissant et remerciant Vostre Altèze de ce que je luy promettois qu'elle ne constraindra jamais ladicte princesse, sa fille, à retourner vers son mary, il me demanda si les lettres de Vostre Altèze en mentionnoyent, et, au cas que non, s'il n'y auroit moyen de tirer de Vostre Altèze cette promesse par escrit pour sa plus grande asseurance. A quoy je respondiz qu'il avoit subject de se contenter de ma parole, pource qu'il ne debvoit craindre que j'en fusse désadvoué par Vostre Altèze, ny qu'elle manquast jamais a sa promesse, dont enfin il resta content, et me monstra fort bon visage, qui me meut de luy dire que j'estois bien aise de veoir les effèctz de sa prudence contraires au bruict qui avoit courru par la ville, qu'au cas dudict refus de Vostre Altèze, il s'en prendroit au Roy, son maistre, pour le disposer à redemander ladicte princesse par la voye des armes. Et il me respondit que jà il ne pleust à Dieu qu'il se rendist autheur d'un si grand mal, qu'il avoit trop d'expérience pour vouloir inviter le Roy à une telle guerre, qu'au contraire il seroit toujours porté à verser de l'eau sur le feu, et que tout le monde seroit repeu de manne s'il ne tenoit qu'à son souhait, me confessant avecq ce que non pas luy seulement, mais encore les autres plus grands du royaume, ne desiroient pas ladicte guerre, ains espéroit qu'il «• 33
n'en seroit rien. Et sur ce nous nous départismes après qu'il m'eut dict qu'il respondroit ausdictes lettres et m'envoyeroit ses responses pour les addresser.
Mais le lendemain j'entenditz bien autres nouvelles du président Jeannin, qui me vint veoir sur le soir, et me dist qu'une heure après que j'eus laissé ledict connestable, il avoit parlé à luy et en inspection desdictes lettres de Vostre Altèze et de la serénissime infante, desquelles il l'avoit trouvé fort mal content et tout disposé à s'en plaindre au Roy, pour en avoir la raison, et que, pour estre grand personnage et le premier officier de la couronne, le Roy par avanture pourroit faire quelque chose en sa faveur. Je respondiz que ce n' estoit pas le langage que le connestable m'avoit tenu, et luy racontay les propos passez entre nous, telz que cy-dessus, dont il s'esmerveilla. Et comme, sur ma demande si le Roy estoit adverty du contenu èsdictes lettres, il eust confessé qu'ouy, je prins conjecture que le Roy lui en debvoit avoir parlé, veu mesmement qu'il me dict d'avoir esté le matin au Louvre, voue, je présume, que le Roy l'avoit envoyé vers mov pour m'ouyr de plus près sur cette matière, tant prennoit-il de peine à me persuader que Vostre Altèze, sans blesser sa réputation, peut renvoyer ladicte princesse en France, nonobstant sa promesse faicte audict prince de ne la renvoyer à aultre qu'à luy, ne fust en cas de divorce. Je luy diz qu'il estoit homme sage et vertueux, et le priay de mettre la main sur sa conscience pour juger franchement si ledict refus de Vostre Altèze est accompagné de raison ou point. Il respondit que le Rov se plaignoit de ladicte promesse de Vostre Altèze, comme si par là elle eust voulu plus complaire audict prince qu'à luy, et qu'en tout cas elle avoit esté faite rébus sic stanlibtis, mais qu'à présent Testât des affaires estoit changé, pour estre apparu au Roy, tant par tesmoignage de bouche que par les escrits dudict prince, qu'il luy est rebelle tout à faict et criminel de lèze-majesté, auquel cas ledict président vouloit
dire que la puissance maritale cesse, et qu'il n'y a raison d'empescher la femme de s'en retourner à la maison paternele. Je répliquay que les femmes ne s'exemptent du pouvoir de leurs marys vivans sans cognoissance de cause et sentence de juge compectent, et qu'en cas de telle sentence j'avois piéçà déclaré, de la part de Vostre Altèze, qu'elle ne feroit difficultez de renvoyer ladicte princesse audict connestable, son père. Ensuyte je demanday audict président à quoy il restoit que l'on n'intentoit pas encore le procès de séparation à Rome, pour y estre décidé sur les informations qui se prendroient en France, au Pays-Bas et ailleurs, et s'il n'estimoit que ladicte princesse eust de la matière pour y obtenir une bonne sentence. Sur quoy, après qu'il eut respondu que l'on disoit merveille des mauvais traittements receuz par ladicte princesse dudict prince, son mary, mais qu'il n'estoit pas question maintenant d'entrer en cette voye, ains de veoir si ladicte princesse n'a raison de vouloir retourner en son pays, je banday tous mes efforts pour luy persuader de tenir la main que l'on intentast ledict procès, puisque c'estoit le moyen unicquc par lequel ledict connestable et les siens pourroient estre renduz contentz. Mais il continua à y faire la sourde oreille, sans en avancer autre raison, sinon que lesdictes procédures seroient longues et qu'il estoit besoin de promptement aller au-devant des inconvéniens qui pourroient naistre de la rétention de ladicte princesse, et que tous les hommes prudents jugeront que Vostre Altèze seroit maladvisée de mettre son pays en danger de tels inconvénients pour si peu de chose, me priant ledict président de bien et meurement y penser, et mesmes à la maxime d'estat qu'il fault quelquefois passer par-dessus beaucoup de choses pour un plus grand bien , et que je ferois une très-bonne œuvre de procurer le retour de ladicte princesse, qu'il disoit avoir esté menée en Pays-Bas sans sçavoir où l'on la vouloit mener. Je luy diz que le Roy, son maistre, nous inenaçoit de guerre, non pas pour la rétention de ladicte
princesse à Bruxelles, mais pour ce que Sa Majesté catholique vouloit recevoir et entretenir en ses estats ledict prince. Sur quoy il confessa que le Roy tiendra pour acte d'hostilité si sadicte Majesté refuse de renvoyer ledict prince en France, et que tel est le jugement de plusieurs princes non passionnez auxquels le Roy en a escript, mêmes ceulx qui sont en bonne intelligence avecq sadicte Majesté ; signamment pour les propos sentans rébellion proférez et escrits par ledict prince depuis sa retraite de France ; et pour autant que l'on vouldroit objecter les exemples des fils de don Antonio de Portugal et d'Antonio Perez, entretenus par le Roy très-chrestien, ledict président disoit que ce n'estoient pas personnes de la qualité dudict prince, et qu'au reste sadicte Majesté ne les avoit jamais redemandez. En quoy je diz que nous n'étions pas d'accord en fait, mais que je ne voulois pas entrer en cette dispute plus avant, pour estre affaire d'Espagne. Bien luy en remontray-je qu'à son compte nous aurions la guerre , encore que ladicte princesse fust renvoyée à son père; il respondit que, si Von pourvoyait au faict de ladicte princesse, ce seroit par aventure arracher la plus grosse espine qui cause le mal, et donner un acheminement à mieulx accommoder tout. Et de là tombant, sur les affaires de Juilliers, il me dict que peutestre, sans la retraicte dudict prince avecq ladicte princesse, les roys d'Espagne et de France n'eussent pas rompu entre eulx pour le secours qu'ilz eussent envoyé, l'un au party de l'Empereur, et l'autre à celuy des princes de Brandenbourg et de Neubourg. mais que, selon Testât présent des affaires, il faisoit à craindre que le progrès et eschauffement de la guerre d'Allemagne ne donnast un grand heurt à leur amytié. Je luy proposay l'expédient du nonce de Sa Saincteté, mentionné esdictes dernières à Yostre Altèze. Mais il me dict que lesdicts princes ne se soubmettroient jamais à la juridiction impériale, et qu'aussy lesdits roys ne tomberoient jamais d'accord sur le faict de la sentence ; de sorte qu'à son opinion
cet expédient cstoit peu à propos, mais il en falloit trouver un autre par lequel l'on peust incontinent mettre la hache à la racine, et moyenner la fin finale de tous les différens, tel que seroit le partage des pays délaissez par le feu ducq de Clèves entre les princes de Saxe-Brandenbourg et de Neubourg. Et là-dessus, s'estant encore passées quelques reparties entre nous, tant sur le point de la religion qu'autrement, ledict président me laissa en opinion que, si ladicte princesse demeuroit à Bruxelles, nous aurions bien à faire à demeurer en repos.
Toutefois don Innigo de Cardehas m'a voulu faire veoyre d'avoir sceu d'asseurance par les propos, tant dudict nonce que du cardinal de Joyeuse et d'aultres, mesme du marquiz Bolli, maistre d'hoslel du grand-ducq de Toscane, estant présentement en ceste ville, que sa dernière audience a tellement esbranlè le Roi très-chrestien que depuis ce temps il avoit perdu la plus grande partie de l'envie qu'il avoit de îious faire la guerre; aussi y a-l-il des dames qui m'ont dict bien sçavoir que le Roy faict mine de vouloir la guerre, et que néantmoins il ne la veult pas. Mais je ne me puis encore résouldre à ceste créance, quoyque ledict nonce m'ait déclairé de tenir de bonne part que depuis ladicte audience le Roy a dit à quelque seigneur de sa cour qu'il ne s'est pas résolu de faire la guerre au Roy catholique, ni à Vostre Altèze, ce que néantmoins, ledict nonce ne prend pas pour argent comptant et ne s'y fie nullement. 11 est bien vray qu'au dire de quelques-uns qui ont part au secret, le Roy très-chrestien est fort irrésolu sur la conduite de la guerre, ayant le ducq d' Espernon dit ces jours passez en discourrant de ce subject : « Nous voulons et ne voulons pas ; nous faisons et ne faisons pas, » comme aussi l'on m'assure que le prince d'Anhalt est dernièrement parly assez mal content du Roy, et s'est plainct à quelques seigneurs qu'il est trop tenant et mesquin, sans vouloir envoyer
deniers en Allemagne, lesquelz il disoit y estre plus desirez que ses gens ni sa personne. Cependant l'on tient pour certain que les Suisses sont entrez en vostre comté de Bourgoigne, et que devant la fin de ce mois ilz seront à Chalon avecq partie de l'infanterie et cavallerie françoise. Il est aussy notoire que par cette ville passent souvent chevaulx d'artillerie en bon nombre, et que l'on continue à faire les provisions de vivres et munitions le long de la rivière de Meuze. Bref, à mon advis, le seul moyen de faire refroidir les desseins du Roy très-chrestien est que nous armions gaillardement et au plus tost que faire se pourra. A quoy se conforment les opinions de tous les amys que nous avons par deçà.
PECQITIS A l'aKCHIDUC ALBERT.
16 avril 1610.
Monseigneur,
J'ay un peu différé d'envoyer à Vostre Altèze mes lettres du 14 de ce mois, en attendant ce qui se passeroit en une audience que le nonce de Sa Saincteté avoit l'ait demander au Roy très-chrestien, après m'avoir communiqué partie de ce qu'il avoit proposé de luy représenter. Laquelle audience luy estant donnée le jour d'hier, il m'a raconté d'avoir pour entrée de discours exhorté le Roy à la paix, et mesme à l'accoisement des affaires d'Allemagne, luy ramentevant l'expédient mentionné es dernières de Vostre Altèze, dont il disoit avoir parlé au Sr de Villeroy. Et le Roy respondit qu'il en avoit ouy le rapport, et que le nonce faisoit bien de travailler ainsy pour le repos commun, mais que la guerre s'avançoit fort et estoit à la porte, qu'il y avoit desjà employé cincq ou six cens mille escuz, et que sans point de doubtes il seroit en personne hors de son royaume avecq son armée dans un mois. Le nonce luy demanda quel chemin il faisoit estât de prendre, et s'il
auroit aggréable que les ambassadeurs le suyvissent. 11 respondit qu'il prendroit le chemin du pays de Liège et ne passerait que bien peu de lieues sur eelluy de Vostre Altèze sans y gister, et quant aux ambassadeurs que d'aventure aulcuns d'entre eulx le pourraient suyvre, mais qu'il laisserait en cesle ville la Royne, le chancellier et les aultres de son conseil. Le nonce lui remonstra que son armée prenant telle route ne pourroit faillir de mettre Sa Majesté catholique et Vostre Altèze en grand ombrage, selon qu'il avoit assez recognu par les propos de don Innigo de Cardenas en sa dernière audience, dont ledict nonce luy répéta la substance, disant avoir entendu que le Roy en estoit resté offensé, et que ledict don Innigo pensoit avoir remarqué qu'il avoit peu de bonne volonté envers sadicte Majesté et Vostre Altèze. A quoy le Roy respondit que l'on monstroit bien en Espagne que l'on ne vouloit pas son amytié, et qu'il venoit de recevoir nouvelles que le prince de Condé estoit arrivé à Milan, où le comte de Fuenles l'avoit aussytost accueilly, mené et logé fort honorablement et splendidement au chasteau, y adjoustant que les Espagnols travaillent fort pour luy oster le ducq de Savoye, mais qu'ilz y perdent leur peine. Et pour le regard de Vostre Altèze, il dit qu'elle avoit trop fait paroistre de faire plus d'estime de l'amytié dudict prince que de la sienne, mesmes par le bruict qu'elle avoit fait courir qu'il avoit voulu faire enlever ladicte princesse, dont sa réputation estoit intéressée outre mesure. A quoy ayant le nonce reparty qu'il ne m'avoit jamais ouy charger le Roy du dessein d'enlèvement, et que l'auditeur Ottenberg en avoit aussy parlé autrement à Sa Saincteté de la part de Vostre Altèze, à savoir qu'elle avoit esté informée qu'aucuns François factieux avoient comploté et tressé un dessein d'enlever ladicte personne, mais qu'elle s'asseuroit que ç'avoit esté au desceu du Roy, et qu'il n'eust jamais voulu advouer tel attentat, le Roy dit que ce n'estoient que paroles et desguisemens, voire mesme que c'estoit autant que de lo
vouloir couvrir d'un sacq mouillé, et qu'il n'y avoit personne de si peu de jugement qui creust que l'on eust voulu entreprendre d'enlever ladicte princesse sans son commandement. Il dit davantage avecq aigreur que Vostre Altèze avoit à grand tort refusé au connestable et à la duchesse d'Angoulesme de leur renvoyer ladicte princesse, et que ledict connestable dépescheroit un autre homme vers Bruxelles avec lettres pour autrefois demander ledict renvoi, et qu'au cas de second refus il ne dénieroit à un tel officier de sa couronne l'assistance nécessaire pour luy en faire avoir la raison, et que Vostre Altèze s'en repenliroit. Le nonce respondit de m'avoir ouy discourir de cet affaire, et particulièrement des raisons qui avoient obligé Vostre Altèze audict refus, et qu'il luy sembloit que j'eusse raison, mesmes d'avoir entendu de moy que ledict connétable et ladicte duchesse d'Angoulesme avoient fait paroistre d'en demeurer assez appaisez, sans m'en avoir fait aucunes doléances, ains qu'au contraire ilz avoient montré beaucoup de resjouissance de quoy je leur avois promis que Vostre Altèze ne constraindroit jamais ladicte princesse de retourner vers son mary, et au reste avoient dict de vouloir intenter àRome, en diligence, le procès de séparation, à l'avancement et expédition duquel le nonce oflroit de tenir la bonne main. Le Roy répliqua que ledict connestable en avoit bien parlé d'un autre langage que je ne disois, et que ladicte promesse de Vostre Altèze de ne constraindre ladicte princesse à suyvre son mary, comme aussy de la renvoyer en France, moyennant une sentence de séparation, n'estoient qu'artifices pour tenir les choses en alte, et cependant attendre la mort du connestable ou auitre changement, mais qu'il pourverroit en faveur du bon vieillard; desquelles menaces comme le nonce monslroit de s' esmer veiller , le Roy lui dit que ce n'estoit pas pour menacer Vostre Altèze qu'il en parlait de la sorte, et ne disoit pas qu'il luy voulus t faire la guerre, mais que les événemens rendroient preuve que Vostre Altèze
auroil esté très-mal conseillé de faire ledict refus, et qu'il garderoit en tout le droit des gens, ce que j'interprète qu'il dénoncera la guerre à Vostre Altèze devant que la commencer. Suyvant quoy ledict nonce m'a dit qu'il seroit marry que l'on seust qu'il m'a raconté lesdictes menaces. Le Roy luy dit en après qu'il avoit besoin d'une grosse armée pour les secours des princes de Brandenbourg et de Neubourg, d'autant que l'Empereur en apprestoit une fort puissante, et que l'archiducq Léopolde aura bientost dix-huict mille hommes ensemble, mesme que Vostre Altèze s'est assez déclarée pour le parti impérial, ayant fait entrer les gens dudict arcliiducq Léopolde en la ville de Rynberck, et luy envoyé le maistre de camp Pompeo Giustiniano, et despeché vers le pays de Luxembourg le comte de Busquoy avecq quattre à cinq mille hommes, outre les autres levées de gens qu'elle fait faire de nouveau. De laquelle déclaration de Vostre Altèze pour le party impérial j'ay désabusé ledict nonce, assurant qu'il n'en est rien jusques à présent, bien que Vostre Altèze face gens pour se tenir sur ses gardes et faire teste à l'armée françoise s'il en est besoin. Sur quoy ledict nonce m'a renions tré fort chaudement, en conformité de l'advis dudit don Innigo et du mien, que Vostre Altèze ne peult mieulx faire que d'assembler le plus de forces qu'il sera possible, et que la diligence y sera du tout nécessaire, afin de les avoir prestes en temps et heure, croyant fermement avecq moy que le roy de France ne manquera de se trouver sur la frontière dans un mois ou bien peu de jours après, dont la voix est aussi toute commune en ceste ville, et que le Roy doibt partir d'icy le 13 du mois prochain, qui sera trois jours après le couronnement de la Royne, selon le desseing que l'on en faict. Je sçay aussy de vray que le ducq de Nevers, général de la cavallerie légère, doibt partir de ceste ville au plus tard lundy prochain vers Chalon, pour y faire revue de quelque cavalerie, ayant luy-mesme dit à un personnage d'aucto-
rite, de qui je le sçay, que le 25 de ce mois il y aura des grandes trouppes audict Chalon ou es environs de là, mesmes les six mille Suysses que le Roy a dit au nonce debvoir arriver à Sl-Jehan de Laune le 20 de ce mois. Ledict ducq de Nevers asseure d'abondant que le roy de France marchera avecq son armée par le pays de Liège, saulf quelque peu qu'il chemine sur celluy de Vostre Altèze, et qu'il est résolu de demander à icelle le passage. Quant au nombre des gens de ladicte armée, ledict ducq affirme qu'elle sera de douze mil'e François et six mille Suysses fantassins, outre les quattre mille François estans en Hollande, et que la cavallerie se montera à trois mille cinq cens chevaulx sans la cornette blanche. Au reste je suis adverty de fort bonne part que c'est contre la résolution de tous ceulx du conseil que le Roy s'est déterminé de s'en aller hors du royaulme, et que mesmement il n'y a personne du conseil qui n'ait un grand desgoustement de la guerre qu'il veult mener .... A cet instant, je viens d'apprendre certainement que le Roy a commandé de luy faire trois colletz de buffetries et trois casaques de velour broddées d'or et de ciffres désignans sa devise (et peult-estre celle de ladicte princesse), les colletz à porter dessoubz et les cazaques dessus les armes, à quoy l'on employera quatre mille escuz ou environ. Il a aussy fait faire deux cuyrasses (oultre celle qu'il souloit porter) à l'espreuve par devant de l'arquebuse et par derrière du pistolet, qui est une nouvelle confirmation de ce que j'ay dit qu'il se veult trouver à la guerre en personne.
PECQUIUS A i/ARCHIDUC ALBERT.
19 avril 1610.
.... Et, à propos des armées, il ' me dit avoir beaucoup de regret que l'on en vouloit venir là, et qu'il eust beaucoup mieulx
t. Villeroy.
vallu de chercher les voyes d'accord, lesquelles il protesloit
désirer de tout son cœur, et au prix de son sang s'il en estoit besoing. Je respondiz que mes discours avoient toujours rendu tesmoignage que Yostre Altèze ne desiroit que paix, et qu'elle le monstreroit par les effectz à toutes occasions. Et sur sa réplique que personne ne parloit d'accord, et que mesmemenl Sa Sainteté manquoit à cette occurrence tant importante de faire les debvoirs à ce requis, je remis en avant, l'expédient proposé par le nonce, l'asseurant que Yostre Altèze y tiendroit volontiers la main et avoit desjà l'ait quelques oihces à ces fins. 11 repartit que l'on n'en disoit rien du costé d'Espagne, et qu'en tous cas il fauldroit que les princes électeurs ecclésiastiques s'en meslassent et donnassent la parole que l'Empereur ne décideroit rien de l'affaire sans préalable satisfaction des roys d'Espagne et de France, y acljoustant que le Sr de Boissize, ambassadeur françois, avoit desjà veu l'électeur de Mayence, qu'il jugeoit d'assez bonne inclination, et s'en estoit allé trouver celuy de Trêves. Mais comme, sur ma demande s'il avoit traitté dudict expédient, ledict de Yilleroy m'eust respondu que non, je luy diz que, si le Roy son maistre vouloit embrasa r ce fait a bon escient, l'on en feroit autant du costé de Sa Majesté et de Yostre Altèze. m'ayant don Innigo de Cardenas dict peu auparavant que je me pourrois eslargir jusques-là. Et ledict de Yilleroy me dit ne pouvoir nier que cet expédient ne fust de bonne apparence, mais qu'il est désormais tard de le mettre en pratique, pource que nous sommes si pretz à venir aux mains, et que l'on auroit bien du mal à faire poser les armes aux parties soubs prétexte de cette ouverture d'accord si crue, veu mesmes que nous avons des autres difficultez sur les bras qui nous aigrissent plus que celle de Juilliers. nommément le fait du prince de Condé, qu'il disoit estre logé au palais de Milan, et y traitté en sorte de par sadicte Majesté catholicque, que ledict Sr Roy ne pouvrit qu'il ne s'en offensast grandement, et que nous ferions beaucoup mieulx de nous dis-
524 PIÈCKS ET DOCUMENTS.
poser aussy en ce regard à quelque voye d'accommodement. Je luy demanday quel ; et ouye sa response que l'on pourvoit adviser de l'envoyer à Rome soubz la protection de Sa Saincteté, je luy représentay d'avoir autrefois proposé au Roy et à luy, lorsque ledict prince estoit encore à Rruxelles, qu'il se retirast en quelque place neutre, moyennant qu'elle fust catholique, mais que l'on m'y avoit fait la sourde oreille. Ce que m'estant par luy confessé , et que néantmoins à présent le Roy se pourroit contenter que le prince fust à Rome, je luy diz que ce seroit une occasion propre à l'avancement du procès de divorce, en y envoyant par ladicte princesse ou le connestable, son père, qui en feict la poursuite de leur part ; puis je pressay ledict de Villeroy de faire intenter ledict procès, qui serviroit à nous descharger de ladicte princesse au contentement dudict connestable et d'autres ses parents. Il respondit que cette voye seroit propre si elle n'estoit trop longue, et qu'il falloit un remède plus prompt pour prévenir les malheurs de guerre qui nous menaçoient. Je luy diz que dez piéça l'on debvoit avoir commencé, et que ledict connestable n'en pouvoit imputer le délay qu'à soy-mesme, sans qu'il y eust subject de se vouloir prendre à Vostre Altèze pour le séjour de ladicte princesse en son palais, jusques à ce qu'il y ayt sentence rendue sur ledict divorce, puisque sa promesse, safoy et son honneur ne luy permettent d'en user autrement. Comme aussy je luy disois que ledict Sr Roy n'avoit occasion d'attaquer Vostre Altèze pour les affaires de Juilliers, parce que jusques à présent elle ne s'estoit entremise de cette guerre. A quoy après qu'il m'eust respondu que l'affaire de ladicte princesse estoit fort fâcheuse, et apparente d'esclorre des grands maulw et qu'au reste il fauldra bien que Vostre Altèze se mesle de ladicte guerre de Juilliers, attendu que sadicte Majesté catholique la soustient, et que sans leur assistance le party impérial seroit notoirement trop foible, voire que les choses se pourroient réduire à une bataille pour le passage, je luy diz que,
si le Rov, son maistre, n'avoit non plus d'envie d'entrer en ladicte guerre que nous, il n'y auroit rien qui nous peust brouiller de ce costé-là. Finalement nous entrepromismes l'un à l'autre de songer de plus près à l'acheminement desdicts expediens ou d'autres qui se pourroient trouver plus à propos. Et le jour d'hier, sur les trois heures de relevée, ledict Sr de Villeroy nie vint dire chez moy qu'il avoit remonstré au Roy, son maistre, peu d'heures auparavant, tous lesdicts discours passez entre nous, et particulièrement ce qu'il avoit recognu de la bonne intention de Vostre Altèze d'ayder à conduire et associer le tout à l'amiable, mais qu'il avoit trouvé le Roy fort esnieu et altéré. Et là-dessus il usa de ces termes : « Vous m'avez parlé hier franchement et clèrement, j'en veulx faire autant en vostre endroict, et vous diz comme de moy-mesme qu'il v a delà passion, et que, si l'on veult remédier au fait de la princesse, il y aura moyen d'accommoder et appaiser tout le surplus sur le pied que nous dismes hier ou autre, mais, au cas que ladicte princesse demeure où elle est, nous sommes à la veille d'une rupture qui pourra mettre le feu aux quattre coings de la chrestienté. » Je luy diz qu'il me faisoit plaisir de me parler rondement, et que je voyois bien maintenant de n'avoir erré en mon opinion que tous ces remuemens ne se faisoient que pour la princesse, et que, si nous tombions en guerre, elle en seroit le principal subject, mais que je ne me pouvois assez esmerveiller de cette véhémente passion, qui tireroit à sa suyte un si grand et si horrible embrasement, avecq beaucoup d'autres remonstrances que je luy feis pour faire paroistre qu'il n'y auroit aucune coulpe nostre, ains que celuv-là s'en pourroit bien repentir qui en seroit cause. Sa repartie fut que le Roy considéroit que c'est pour l'amour de luy que ladicte princesse endure et est misérable, se trouvant par là obligé à la faire renvoyer à son père. Et sur l'itérative instance par moy faite qu'il eust à juger selon sa conscience s'il y avoit aucune espèce de raison de vouloir pour ce taire la
guerre à Vostre Altèze. il respondit que je posasse le cas que non, mais que j'advisasse si, pour si peu de chose et pour une formalité, il seroit sagement fait de se plonger aux extrémitez de mettre toute la chrestienté sens dessus dessoubs. Je luv diz que pour chose du monde Yostre Altèze ne se lai-seroit jamais aller à lascheté, ny à chose quelconque qui peust esbrécher son honneur, et qu'il n'y falloit pas penser. Je diz aussy qu'il ne pleust jà à Dieu qu'il tombast en mon imagination de m'employer pour tel party. Il répliqua que ledict prince a constraint par force ladicte princesse, et le pistolet au poing, de s'en aller avecq luy au Pays-Bas , et que la femme n'est pas tenue de suyvre son mary qui quite sa patrie et son rov, mais qu'en tel cas elle se peult séparer de fait de luy, et s'en retourner vers ses parens , en quoy personne ne la doibt empescher, concluant par ces allégations que, puisque ladicte princesse désire de s'en retourner en France, et que son père la demande, voire qu'elle se laisseroit plustot estrangler que de se remettre jamais en la compagnie de son mary, vostre Altèze n'a peu faire promesse obligatoire par laquelle ladicte princesse, n'y ayant consentie, debvroit estre forcée de demeurer comme bannie de son pays. Auxquelles allégations je ne manquay de response, dont il seroit trop long de faire icy particulier récit. Et voyant que ledict de Yilleroy persistoit en sa proposition, jusqu'à me dire que celui qui trouveroit un expédient pour luy faire renvoyer ladicte princesse feroit le plus grand bien qui fut jamais fait à la chrestienté, veu qu'autrement il n'y a", oit moyen de la garantir d'une guerre universèle, je luy diz que j'entendois bien ce langage, qui nous menaçoit ouvertement de rupture, et que partant je croyois l'advis à mov donné que le Roy avoit dict qu'il ne renouvelleroit jàla neutralité, si l'on ne luy rendoit ladicte princesse. Il repartit que celuy qui m'avoit donné tels advis eust mieulx fait de me le laisser deviner, et que néantmoins je ne debvois pas tenii la neutralité pour faillie, ains m'arrester à ce qu'il m'en avoit
dict, mais qu'au reste il ne me vouloit pas receler qu'il est bien vray que le premier desseing du Roy n'a esté que de faire levée de quelques trouppes pour envoyer un secours médiocre aux princes de Brandenbourg et de Neubourg, qui n'eust peu mettre Vostre Allèze en ombrage, mais que depuis les aigreurs procédées des affaires dudict prince et de ladicte princesse Vont porté à dresser une forte et puissante armée pour pis faire. Il me dit d'avantage qu'encore que le Roy, son maistre, traictant le mariage de sa fille avecq le prince de Savoye, n'ait eu desseing de remuer en Italie, ni mesmes oneques voulu entrer audict traité devant que don Pedro de Toledo eust rompu toute la négociation de l'alliance d'Espagne, si est-ce que, s'il faut rompre en Flandre, je puis bien penser que Sa Majesté catholique aura des affaires partout. Et sur ma response que l'on trouverait à qui parler deçà et delà les monts, il me pria autrefois avecq beaucoup de douleur de penser aurenvoy de ladicte princesse, disant qu'à son advis Sa Sainctetë y interposera volontiers son intercession envers Vostre Altèze Sérénissime, et que j'en pourrois parler au nonce résident en ceste court. Et sur la fin il me proposa que Vostre Altèze se debvoit tant et plus facilement résouldre audict renvoy, qu'elle avoit fait promettre audict connestable et à la duchesse cl'Angoulesme de ne jamais contraindre ladicte princesse à retourner vers son mary, et par ainsy s'estoit aucunement desmarchée de sa promesse faite audict prince de ne la rendre à autre qu'à luy ; je respondis que Vostre Altèze, en retenant ladicte princesse par delà, satisfais indubitablement à Tune et à l'autre de sesdictes promesses, comme je m'asseurois que ledict de Villeroy le comprenoit bien, pour n'avoir Vostre Altèze jamais promis au prince de luy rendre ladicte princesse contre son gré. A quoy il ne sceut que répliquer, sinon qu'il y avoit de la subtilité en cette interprétation. En somme notre recès fut qu'il me pria et repria d'adviser s'il n'y auroit moyen
de procurer ledict renvoy ; et moy je le priay ardemment de divertir le Roy de son dessein, dont il me laissa peu d'espérance.
Tost après survint chez moy le Sr de Préaux, et, après m'avoir parlé de l'accord de la princesse de Ligne avec le prince d'Espinoy, et que l'advis de vostre grand conseil avoit esté du tout contraire à ladicte princesse, il se jetta sur le discours des affaires publiques, et me dit en termes assez mal mesurez que nous donnions en tout et partout cause aux présens remuemens, desgoustans et offensans en plusieurs sortes le Roy son maistre. Sur quoy comme je luy eu respondu avecq le zèle et la franchise qu'il convenoit, il me dit que Vostre Altèze avoit bonne volonté, mais qu'elle estoitconstrainte de se conformer aux resolutions d'Espagne. Je repartiz qu'il parloit de choses dont je ne pensois pas qu'il fust bien informé, mais que je le debvrois estremieulx que luy, sachant que les volontés de sadicte Majesté et de Vostre Altèze ne sont qu'une, selon que le requiert l'estroite conjonction qui est entre elles, mais qu'au reste Vostre Altèze est maistre en son pays comme les aultres princes souverains le sont es leurs. Il continua à maintenir que, sans les deffenses venues d'Espagne, Vostre Altèze eust pieçà renvoyé ladicte princesse en France, en conformité de ce qu'il disoit luy avoir esté déduire par le Sr de Vendegies , présens le marquis de Cœuvre et le secrétaire dudict connestable, qu'il s'asseuroit que ladicte princesse ne seroit jamais trois jours au palais que Vostre Altèze ne la rendist à son père. Je luy demanday si ledict Sr de Vendegies l' avoit aussy déduire par charge de Vostre Altèze, et il me respondit que non. Puis, comme il m'eut dict que la dernière promesse de Vostre Altèze de ne forcer ladicte princesse à retourner vers son mary estoit contradictoire à la première de ne la rendre à aultre qu'a luy, et que je luy eu respondu comme j'avois l'ait audict Sr de Villeroy sur le mesme subject, il me demanda si ladicte princesse, qui aymeroit mieux mourir que do
se rendre à son mary, debvoit toujours estre esloignée de tous ses parens. Et sur ma responce qu'elle et ses parens pouvoient poursuyvre la séparation judiciaire, auquel cas de séparation Vostre Altèze avoit piéçà offert et promis de renvoyer ladicte princesse par deçà, il me feit un autre interrogatoire, à sçavoir si Vostre Altèze pourvoit effectuer ceste offre et promesse, et si les Espagnolz ne l'en empescheroient. A quoy après que j'eu respondu qu'il avoit tort d'en doubter, et feroitmieulx de se déporter de telles demandes, il calla voile en exaltant les vertuz de Vostre Altèze, et confessant de luy estre infiniment obligé des honneurs, faveurs et courtoisies qu'il a reçeu d'icelle, de sorte que nous restasmes enfin bons amys.
Et depuis le partement dudict de Préaux, le Nonce de Sa Saincteté me donna part, hier, sur les sept heures du soir, de ce que le Chancellier luy estoit venu dire en secret touchant lesdictes affaires publicques, avecq semonce de n'en sonner mot audict don hiigo ny à moy, à sçavoir en substance que l'on estoit sur le point d'une rupture avecq nous, et que pour une grande partie ladicte princesse en seroit le subject, si Von n'y pourvoyoit en diligence, mesmes à l'intervention de Sa Saincteté, à laquelle il desiroit de l'exhorter à tenir la /nain vers Vostre Altèze Sérénissime pour ledict renvoy, sans attendre la sentence de divorce, qui tireroit trop à la longue, usant ledict Chancellier de plusieurs moyens de persuasion pour à ce engager ledict notice comme à un grand bien de toute la chrestienté. Mais le Aonce luy respondit que Sadicle Saincteté ne conseillerait jamais à Vostre Altèze de faire une chose que luy-mesme ne feroit pas en cas pareil, et qu'il sçavoitbien que Vostre Altèze ay/neroit mieulx hazarder son estât, et dix aullres si elle les avoit, que de faire un faulx bond à son honneur, priant ledict Chancellier de se servir de la voye de justice pour faire juger le divorce, et de croyre qu'il n'y avoit aultre moyen de recevoir ladicte princesse en France, mesmes de ". 34
considérer qu'en cas de guerre le cannes table sera taillé de ne la veoir jamais. De laquelle responce si résolue ledict Chancellier restant estonné, demanda audict Nonce si du moins Von se pourvoit asseuvevque, moyennant une sentence de divorce,, Vostre Altèze rendroit ladicte princesse à son père. Et sur l'affirmation dudict Nonce que cela esloit hors dédouble et qu'il oseroil enrespondre de sa leste1 le Chancelier dit en ces termes : « Et bien doncq nous verrons ; » et pria aultrefois ledict Nonce d'estre secret pour bons respectz.
Or, rapportant ce discours du Chancellier à ceulx desdictz S™ de Villeroy et Pvéaux, comme aussy à celluy du président Jeannin, ce qui en résulte est que l'on entonne tant de menaces pour essayer d'esbranlev la constance de Vostre Altèze, mais que voyans les ministres et conseillers principaulx du roy très-chrestien qu'ilz ne puissent rien guigner sur icelle, Hz retourneront à luy dissuader sondict desseing de vuptuve, comme je suis bien asseuré qu'ilz ont faict jusques à présent avecq les principaulx chefs de guerre, tant pour le peu de fondement qu'eulx-mesmes recognoisseut pour y avoir en la cause comme pour aultant qu'ilz tiennent Fentreprinse pour fort hazardeuse et téméraire , jugeans qu'elle réuscira à leur dommage, si avant que le ducq d'Espernon a dit audict Nonce ces mots : « Nous sommes tous perduz si la guerre va avant; » ce que mesmement se confirme par la voix et famé commune du peuple.
Toutesfois je tiens fermement que le roy de France ne laissera pour cela de passer oultre, comme de faict il advance son armée avecq beaucoup de chaleur, et commencent les trouppes a s'assembler en Champaigne, mesmes celles des régimens de Picardie et Champaigne, comme m'a dit entre les autres le Sr de Guesle, maislre de camp dudict régiment de Champaigne, et qu'il y doibt ammener onze de ses compagnies, et les aultres maistres de camp des vieux régiments de mesme. Je me suis miz en discours avecq luy sur le chemin
que vouldroit prendre le Roy pour mener son armée vers .huiliers, et il m'a confessé qu'elle s'en ira droict à Bouillon, de là à Paliseux, puis à Rochefort, et ainsy de suite sur le pays de Liège, sans toucher à vostre pays de Luxembourg que bien peu. Je continue à presser ledict don Innigo pour la despèche du capitaine de Rusticis versChâlon et lieux circonvoisins, afin d'avoir un rapport asseuré de temps à aultre de l'estat de l'armée. Cependant je me resjouis d'entendre que Vostre Altèze en va apprestant une gaillarde de son costé, espérant qu'elle sera bientost en campagne, comme il est besoin pour estre celluy-cy le seul moyen de conservation après Dieu . .
L'on vient de m'advertir de fort bon lieu que ladicle princesse a escript au roy de France le jour de Pasques, et qu'il y a un personnage françois par delà qui traitte avecq elle en toute familiarité. Je sçay aussy que ledict roy a faict achepler des belles et riches esloffes de drap d'or par son grand escuyer pour les envoyer à ladicte princesse, et qu'elles seront à Bruxelles dans trois ou quatre jours au plus tard, et croyt-on que c'est au sceu du connestable, bien que je n'en veuille rien affirmer ....
LES ARCHIDUCS A PECQUIUS.
(MINUTE
22 avril 1610.
Cher et féal, à peine seroit close nostre lettre cy-joincte du jour d'hier, quand nous arriva votre dernière du xixe de ce mois, qui nous a esté bien-venue, et pour les particularitez y contenues, et pour les discrètes reparties et responses par vous faices aux Sre de Villeroy et Préaux. Et pour aultant que concerne l'affaire de la neutralité des deux Bourgoignes. nostre volonté est que continuiez à presser tant icelluy de Villeroy que aultres ministres de roy très-chrestien , que cou-
viendra qu'au plus tost jour soit prins pour en traicter et en faire une fin. Et veu que le mesme de Villeroy (pour entraver les maulx que pourra produire la guerre dont l'on nous menace) vous a miz en avant l'envoy du prince de Condé à Rome, soubs la protection de Sa Saincteté, et dit que ledict Sr roy se pourroit contenter qu'il fust jà à Rome, ce qu'il doibt ainsi avoir déclairé par son ordre, nostre intention est que faciez valoir ceste proposition vers lesdicts ministres, afin qu'ilz tiennent la main que ledict Sr roy en l'ace traicter avec nostre très-saint père le pape par lettre de son nonce résidant à Paris, ou par la voye qu'il voira convenir, que Sa Saincteté se veuille interposer vers Sa Majesté afin qu'elle se contente que ledict de Condé se retire audict Rome, combien le face proposer en Espagne par don Innigo de Cardeiïas, ou ainsi qu'il le trouvera le plus à propos, attendu que ledict de Condé se trouve en lieu de l'obéyssance de Sadicte Majesté, et conséquemment hors de nostre pouvoir. Et toutesfois, si ledict S1' roy estimera que de nostre part s'y puisse aussy faire quelque office avecq fruit vers l'un ou l'aultre ou vers tous deux, en estans advertiz, nous le ferons volontiers. Quant à la princesse de Condé (qui semble debvoir estre le principal subiet de la rupture et guerre, s'il y fauldra venir, ainsy qu'avez dit bien audict de Villeroy), puisque l'on désire avec tant d'ardeur son renvoy en France, le moyen plus propre et court en seroit celluy du divorce, par vous jà plusieurs fois proposé de nostre part, ou bien que le connestable rende peine d'induire le prince, son mary, à consentir le renvoy de ladicte princesse en la maison d'icelluy connestable. Et si l'on désirera par delà que nous facions aulcuns offices et diligences pour faciliter l'un ou l'aultre de ces deux moyens, nous en faisans advertir, nous nous y employerons volontiers, et en sorte que l'on pourra recognoistre qu'il ne tient aulcunement à nous que ledict connestable ne reçoyve ce contentement auquel temps il habèite (?) que de ravoir sa fille ; mais de prétendre de par des bravades et
menaces nous forcer à faire une chose contre nostre promesse, et conséquemment contre la raison, noslre honneur et réputation, résolument nous n'en ferons rien. Et, si ledict Sr roy se rèsouldra pour ce mal à propos à laclicte rupture et à nous faire la guerre, nous procurerons de la faire aussy à lu\ ; mais en tel cas nous nous tiendrons aussy pour désobligez de tenir plus en nostre maison ladicte princesse, et adviserons de l'envoyer là-part que trouverons convenir, pour esloigner de nous un instrument des maulx infiniz que produira ladicte guerre. Ce que de nostre part vous debvez ainsi dire ouvertement, mais avecq la discrétion requise, tant audict connestable qu'aux ministres principaux dudict Sr roy, et il n'y a pourquoy vous estonniez de ce que ladicte princesse auroit escript audict Sr roy le jour de Pasques, parce qu'elle le faict et a commodité de le faire à qualités fois il luy plaict -par le moyen de la femme du Sr de Berny, son ambassadeur.
LES ARCHIDUCS A PECQUIUS.
( MINUTE
25 avril 1610.
Cher et féal, vostre dernière du xxiie nous a donné compte des propos que depuis nostre pénultième du xixe de ce mois vous a tenu le président Jeannin, pour vous persuader que la princesse de Condé debvoit estre renvoyée, non-seulement pour considération d'estat, mais encore, en termes de justice, pour les causes par luy alléguées, ausquelles vous avez respondu discrètement et bien à propos qu'ayant ladicte princesse esté retenue icy à l'instance dudict Sr roy et prière du connestable et de la duchesse d'Angoulesme, et mesme à sa requeste propre, ausquelles nous ne pouvions donner lieu que du consentement et permission du prince, son mary, qu'il a donné auecq condition et moyennant nostre promesse de ne
la renvoyer à aultre qu'à luy, nous ne pouvons maintenant la rétracter avecq honneur, si ce n'est par l'un des deux moyens touchez par nos précédentes, à sçavoir par sentence de divorce légitimement donnée, ou bien que ledict prince consente qu'elle soit renvoyée à la maison de son père ; et s'il semble audict connestable et à la duchesse d'Angoulesme qu'en la poursuite de divorce se perdra beaucoup de temps, pourquov n'ont-ils pas tenté et n'essayent-ilz le dernier, y ayant de l'apparence que le prince y prestera facilement son consentement, mesme posé (ce qu'ilz croyent) qu'il luy porte peu d'affection ? Et s'ilz désirent que nous facions quelques offices et diligences pour l'accélération de l'un ou de l'aultre de ces moyens, nous en faisans advertir, nous nous y employerons fort volontiers, ainsi que vous avons ordonné par nostre dernière dudict xxije de leur présenter de nostre part ; qui est ce que pour le présent nous sçaurions faire pour leur consolation, bien marriz que n'y pouvons d'avantage, pour la compassion qu'avons de leur juste dœuil, sans nous arrêter ny faire aulcun cas du prétexte dudict prince, que ledict Sr roy auroit voulu entreprendre sur son lict marital, comme de choses qui ne nous touchent aulcunement ; outre ce que (comme a dict bien ledict Jeannin), combien qu'icelluy Sr roy auroit monstre d'estre porté à quelque affection envers ladicte princesse, il ne s'ensuivroit par là qu'elle courrust denger de son honneur. Mais nous ne sommes peu esbahiz du dire dudict président Jeannin, que tous les princes souverains consultez sur ce faict auroient esté d'avis que, pour les causes par luy alléguées et répétées en ladicte vostre, nostre promesse faite audict prince ne seroit obligatoire, et vouldrions bien sçavoir qui sont ces princes-là. Au reste nous avons trouvé voz responses sur le surplus des arguments dudict président tant pertinentes, que n'y avons qu'adjouster présentement, sinon que, si toutes icelles nonobstant ledict Sr roy se résouldra à nous attaquer et faire la guerre, nous tascherons de la luy faire aussy, auquel effect
nous avons faict et faisons les levées nécessaires, lesquelles nous espérons qui seront prestes aussytost que les siennes, et que Dieu (protecteur de la raison) nous aidera par sa bonté.
REQUÊTE ADRESSÉE AUX ARCHIDUCS PAR LE CONNÉTABLE DE FRANCE ET LA DUCHESSE d'aNGOULEME.
Avril 1610.
A Leurs Altesses Sérénissimes.
Diane, fille légitimée de France, tante de Madame la princesse de Condé, et le ducq de Montmorancy, pair et connestable de France,' son père, remonstrent humblement à Voz Altesses que ladicte dame princesse de Condé s'est pleint à eux plusieurs lois par lettres et propos qu'elle a tenu à personnes de qualités et à d'autres leurs serviteurs, pour leur raporter des outrages, indignitez et mauvais traitemens qu'ell'a receu de Monsieur le prince de Condé, son mary, pendant qu'ilz estoient ensanble, et qu'elle desiroit leur représenter sur ce subiet des particularitez qu'elle n'ose commettre à des lettres, et moins encore déclarer à qui que ce soit, sinon à eux, à qui elle estime ne debvoir rien celer, et desquelz elle se promet aussi recevoir les conseilz qu'une fille et niepce qui leur a tousiours esté très-obéissante doit attendre de leur piété et charité, les priant à cest occasion la retirer du lieu où elle est pour la tenir près d'eux ; sur laquelle pleinte réitérée à diverses fois ilz auroient esté induictz d'envoyer vers Voz Altesses pour la suplier de permettre à ladicte dame princesse de les venir trouver , attendu qu'à cause de leur indisposition et ancien aage ilz ne se pouvoient transporter vers elle pour luy rendre ce debvoir d'amitié ; ayans tousiours creu qu'ilz ne seroient éconduitz de ceste demande, trouvée juste par tous leurs parens, agens de conseil, ausquelz ilz en ont communiqué, neantmoins Voz Altesses en auroient fait reifus ; dont
ladicte dame princesse de Condé advertie auroit derechef eu recours à eux avec pleurs et gémissemens, pour les prier de continuer et répéter encor la mesme suplication avec si furieuse instance qu'elle ne soit plus retenue où elle est contre son gré, et par ce moïen empescher de poursuivre en toute liberté la séparation à laquelle elle veult tendre, en y employant le remède que les loix et la justice luy permettent, par l'advis et avec l'assistance de ceulx qui luy appartiennent ; au moïen de quoy ceulx qui l'ayment chèrement et compatissent en son affliction suplient humblement Voz Altesses par ceste requeste signée de leur main, et qui leur sera présentée par le sieur des Préaux, gentilhomme envoyé exprès, leur acorder ceste juste demande après tant d'instances qu'ilz en onct faict, sans leur donner subiet de se plaindre et d'avoir recours à la protection de leur roy, pour obtenir par son moïen ce qu'ilz estiment ne leur pouvoir estre justement desnié.
