IE PRINCE DE CONDÉ A LORD BURLEIGH

La Fère, 12 avril 1580.

Monsieur de Burghley, les obligations que les pauvres églises de ce royaulme vous ont en général, et moy particulièrement, sont si grandes, pour tant de faveurs desquelles vous avés cydevant assisté le bien de nostre cause, toutes et quantes fois qu'en avés esté requis et vos moiens l'ont peu permectre, qu'après vous en avoir dcsià faict un, voire plusieurs affectionés remercymens, nous sommes contraincts toutefois d'en confesser encor la debte non moindre ; mais, puisqu'il n'y a eu aulcun deffault de désir et de bonne volonté à vous en revencher, je veulx encore vous promectre la vie toute semblable au besoing qui s'offre maintenant de la recherche et semondre pour le secours de nos affaires; sur la disposition desquels je despesche présentement le sieur Bouchait, mon conseiller, vers

PIÈCES ET DOCUMENTS. i'21

la Royne, vostre souveraine dame, avecque une très-humble supplicacion de son assistance, l'ayant aussi bien expressément chargé vous veoir de ma part, et oultre de tesmoigner de ma parfaicte amytié en vostre endroict, vous asseurer bien particulièrement de toutes les occurences de deçà et des causes de son voïage, dont je me remects dessus luy, après luy en avoir donné à congnoistre. Je vous prie d'avoir en telle et si spéciale recommandacion ce dont il vous requerra en mon nom, et pour obtenir, par vostre moyen, non-seullement une favorable audience de Sa Majesté, mais aussi son expédition en telle que nosdictes afiaires en reçoivent le fruict qui leur est nécessaire ; et si vous congnoissez que, pour le contentement de vous ou des vostres. je puisse vous faire plaisir, le sachant, je m'y disposeray d'une vollonté si franche, qu'elle servira toujours d'augmentation à k vostre, dont la certitude me gardera vous faire une plus longue lettre.

(Musée britannique, Cotton, Galba, E, VI, 12>\)