Mss. par

2 Mss. ilz.

l'esté et non pas au temps d'yver. Il est aussi ordonné en quelle façon lesdictes gallées se doyvent charger, affîn que par trop grant charge elle ne puisse périr. Item, il est ordonné que toutes les espiceries et les soyes qui sont portées a Venise ne se puissent porter sinon dedans lesdictes gallées, et ce principallement pour* ce que lesdictes espiceries et soyes, qui sont marchandises de grant valleur, viennent seurement, et aussi que l'argent qui y est envoyé pour acheter lesdictes espices et soyes soit porté seurement. Et finablement, après beaucoup d'aultres ordres qui sont faictes pour seureté et bien desdictes gallées et voyages, il est ordonné que les capitaines, après qu'ilz seront retournez a Venise, ilz rapportent premièrement au Colliege et après au Conseil des Priés toute l'ordre de leur navigacion, et principallement comment ses patrons se sont portez audit voyage, et s'ilz ont bien observé les loix et ordres desdiz voyages, ou si en aucune chose ilz ont esté inobediens. Et après, chascun desdiz patrons sont ballotez au Conseil des Priés, | avecques deux bouettes, une rouge et (f" li>8) une verte ; et ceulx qui mettent leurs balottes a la bouette rouge appreuvent lesdiz patrons comme bons patrons, et ceulx qui mettent leurs balottes en la bouette verte la repreuvent- ; et se quelqu'un a plus de balottes a la bouette verle que a la rouge, il est reprouvé et ne peult jamais estre patron de gallée, s'il n'a grâce de la Seigneurie et du Conseil des Priés, laquelle se obtient a grant dilTiculté. Et aflin que nous voulons a parler particulièrement desdiz voyages, c'est assavoir que ung des voyages ordinaires c'est en Engleterre ou tous les ans y est envoyé troys gallées, aucunes foys quatre, desquelles une va en Flandres, a Bruges et aucunes foys jusques en Envers, et portent des espices, des malvoysies, du drap dor, drap d'argent, draps de soyes, du boys a faire des ars, et beaucoup d'aultres marchandises, et raportent a Venise des laynes principallement et des draps de layne de toutes sortes de tapiceries, toylles de lestaiu et beaucoup d'aultres choses. Et par ce que les marchandises qui se aportent a