Mss. par. — 2. Mss. reprennent

(f 158 v°) Venise | vallent beaucoup plus que celles qui sont envoyez de Venise avecques lesdictes gallées, les marchans remectent grant quantité d'argent pour achater lesdictes marchandises ; lequel remesa* se fait en ceste manière: c'est assavoir que lesdiz marchans baillent ledit argent aux aultres marchans de change qui demeurent a Venise, lesquelz, par lettre de change luy fait bailler ledit argent en Engleterre et en Flandres avecques gain d'une partie et d'aultre. Item, il y a ung aultre voyage en Egue[s] Mortes ou communément tous les ans est envoyé deux gallées, lesquelles portent lesdictes mesmes marchandises que portent les gallées en Engleterre et en Flandres, et aussi de l'argent remys par lettre de change comme dessus, et rapportent a Venise des laynes, des draps de layne et beaucoup d'aultres marchandises, selon la condicion du voyage. Il y a ung aultre voyage en Alexandrie d'Egypte, ou communément tous les ans est envoyé quatre gallées lesquelles portent monnoye d'argent, pièces d'argent et de cuyvre, du coural, du drap d'or et d'argent, draps de soye et draps de layne. Il est aussi envoyé ausdiz voyages, mais le (M59) plus souvent | avecques nefz, de l'uylle d'olif en grant quantité et par grant valleur ; aussy du savon, des amendes, des noxilles2, des chastaingnes et aultres choses ; lesquelles gallées rapportent a Venise de l'espicerie grosse et menue pour la pluspart, et aussy du cramoys^ duquel se fait la taincture des soyes cramoysies, du bresil, des pierres précieuses et d'aultres choses. Ung aultre voyage est en Surie^ à Baroutte près Damasque, ou est envoyé ordinairement tous les ans troys gallées, lesquelles portent telles marchandises que portent celles de Alexandrie, et rapportent a Venise aussi des espiceries grosses et menues la plus grant part, et des soyes, du cramoys, du quoton, du bresil, de lume quatine ^ de laquelle se fait le savon et les verres, et aussi des pierres précieuses et