LA GOUVERNANTE AU MAGISTRAT

ou 19 AVRIL 1564

MINUTE. — INÉDIT

LiaBBe LVI des Papiers d*£tat et de TAudience restitués par

TAutriche en 1862.

Chiers et bien aymez, nous avons yeu voz lettres du 25 de mars dernier avec l'advertissement d^aucunes causes de raisons/ qui averoient méu aucuns de voz pers etcompaignons en Loy de nous représenter les difficultez qu*ilz trouvoient au prooèz de Daniel Dubois, vostre prisonnier, chargé d*avoîr maintenu quelques propoz héréticques, lesquelles lettres et advertissements, ensemble le procès par vous faict allencontre de luy, avons faict veoir au conseil du Roy mou seigneur, pour y ordonner comme il appartiendroit en bonne et droicturière justice. Et, le tout veu et considéré, nous ne povons sinon sçavoir bon gré à la plus part d'entre vous, qui avez esté d'opinion de faire observer les ordonnances et placcartz de Sa Majesté, puisque ledict Daniel se trouve convaincu d'avoir dit et proféré par ci-devant plussieurs propos erronnez et héréticqùes contraires h la vraye et sincère doctrine catholicque, de tant plus qu'il a si opiniâtrement refusé de faire abjuration solempnelle et recevoir la grâce de Sa Majesté, de laquelle par ce moyen il s'est rendu indigne. Néantmoins, comme nous désirons quelque fois, à l'endroit de ceulx qui se dient pénitens, donner de grâce et miséricorde, et préférer icelle à la rigueur de justice, nous sommes contente que le Pré-

DB YALBNCIBNNBS 805

vo8t-le-Contê et vous luy offrez encoires une fois pour toutes ieelle grâce, à la charge de faire promptement abjuration solempnelle et canonicque, le confinant en oultre pour Tespace d'un an dedens la ville, luy enjoingnant de fréquenter festes et dimenche le S* service divin avec sermons es églises catholicques, et d'en faire appar roir deuement de trois mois en trois mois; et, où il persisteroit de ne voulloir faire ladicte abjuration (comme dit est), nous vous auctorisons de le condampner de servir perpétuellement aux gallères de Sa Majesté, vous renvoyant au surplus ledict procès pour en wider.

Ati surplus, pour ce que nous entendons que quelquefois en doniiant par vous sentence contre les héréticques, vous la concepvez et pronunchez comme donnant ieelle par charge de Sa Majesté ou de nous, ce qu'il ne convient sinon que aux juges supérieurs, jugeans au nom de Sa Majesté; Pourqùoy, nous entendons et voulions que, pour Tadvenir, vous dictes voz sentences comme de vousmesmes, ainsy qu estes accoustumez faire en toutes aultres matières criminèles, et ce aussy affin de démonstrer Taffection qu'avez en vostre regard à l'observation de la religion et tranquilité publicque.

A tant, etc.. Du 19 avril 1564.

A ceulx de Vallenciennes.