DU 21 AVRIL
ORIGINAL. — INÉDIT
Registres des choses communes. — Bibliot. de yalenciennes.
De Jehan de Hollande.
Philippe, par la grâce de Dieu, roi de Castille, de Léon, d* Aragon, de Navarre, de Naples, de Cécille, de Maillorque, de Sardaine, des Isles, Indes et terre ferme de la mer Océane, Archiduc d'Austrice, Duc de Bourgoingne, de Lothier, de Brabant, de Lembourg, de Luxembourg, de Gheldres et de Milan, conte de Habsbourg, de Flandres, d'Artois, de Bourgoingne, palatin, et de Haynnau, de Hollande, de Zélaude, de Namur et de Zutphen, prince de Swave, marquis du Saint Empire, Seigneur de Frise, de Salins, de Malines, des cité et villes du pays d'Utrecth, Overissel, de Groninge, et dominateur en Asie et en Afrique ;
A nos bien Amez les Prévost, Jurez et escevins de nostre ville de Yalenchîennes, salut.
Reçeu avons l'humble suplication de Jehan de Hol« lande, natif dud^ Valenchiennes contenant comme, suyant la cherge à lui donnée par nostre très chier et féal président de nostre privé conseil, et du Sgr de La Thieuloye, nostre prévost-le-Conte aud' Valenchiennes, sont passé environ XV mois, pour descouvrir les conventicules et assemblées des sectaires qui se tenoient aud* Valenchiennes^ il auroit pluisieurs fois, soubz umbre d'ad-
DB VALBNCÎBNKBd 907
hérer & leur doctrine, reçeuz en sa maison lesd. assamblées, et icelles annoncées tacitement à nostre d. prévost-le conte, ayant en cest endroit fait fort bon debvoîr, mais, en ce faisant, auroit esté descouvert, et par aucuns de nostre d. ville conçeu une très grande hayne et envye sur lui, taschant de par tous moyens lui faire tout le deshonneur et desplaisir possible qu'ilz polroient, de sorte que finablement, après avoir esté contre lui produit pluisieurs tesmoings suspectz, comme il offre vérifier, et pour pluisieurs insolences par lui commises en nostre d. ville, dont Ton a volu chargier, vous Tauriez banny à tousjours d'icelle ville et banlieue à son très grant deshonneur et ruysne, en lui donnant tiltre tel que s enssuyt :
(Suit la sentence de bannissement, donnée dans notre premier volume.)
Obstant lequel ban, led^ supliant n'oseroit retourner ny fréquenter nostre d. ville, mais l'en conviendra tousjours demeurer absent, et vivre niisérablement en toutte misère et povreté, se nostre grâce ne lui est pour ce ImptrS ; Laquelle il nous a très humblement supplié;
Pour ce est-il que nous, ces choses considérées, et sur icelles eu Tadvis de nostre prévost-le-Conte à Valenchiennes, vous mandons et commandons par ces présentes que, au dessusdit Jehan de Hollande suppliant, inclinans à sad. suplication, vous lui rendez et restituez Thabitation en nostre d* ville de Valenchiennes et banlieue d'icelle par loy et par jugement, nonobstant le ban susdit, et laquelle habitation nous meismes lui aVons rendu et rendons de grâce spéciale par ces nieismes présentes, car ainsi* nous plaist-il estre fait.
Donné en nostre ville de Bruxelles, le xxi« d'apvril, l'an de grâce mil cincq cent soixante quatre; de nos règles, assavoir : des Espaignes et de Cécille, le ix®, et de Naples le xi**.
306 HI8T0IRB DBS TR017BLBS
En desoubz avoit escript : Par le Boy en son conseil, et plus bas signé du secrétaire Bourgeois.
Le vu* jour de septembre XV«LXIIII, Mons' de la Thieuloye,,préY08t-Ie-conte, a consenty Tentérinement de ces lettres.
Et le XXI' jour dud' mois. Mess" de la Justice, en nombre de loy, suyant le bon plaisir de la Majesté, ont ossi acordé led< entérinement, et si ont rendu la ville aud' Jehan de Hollande et par jugement.
