LETTRES DE RÉMISSION POUR GODEFROI DE HARCOURT

| 91 décembre 1346.

Phelippe , par la grace de Dieu roys de France, à touz ceuls qui ces presentes lettres verront, salut. Savoir faisons que , pour l'amour et consideracion de nostre armé et feal cousin le conte de Harecourt , et à sa requeste, nous avons quittié , remis , quittons , remettons, de grace especial et de tertaine science, à Godefroy de Harecourt, chevalier, oncle dudit conte, eue aussi consideracion à la grant contriction e humilité que li diz Godefroy a monstré en venant à nous requerre mercy et pardon des meffaiz que il a meffais en- Vers nous ou temps passé , et mesmement que il et pluseurs autres en sa compaignie ont juré en la presence de Jehan ;

nostre très chier fil, duc de Normandie, et devant nous l’eust fait se nous eussions voulu , que oncques il ne fist ne avoit fait au devant du ban qui faiz et pronunciez a esté contre lui en nostre court chose que on deust tenir à traïson ne fausseté envers nous ne contre nous, et que dés ore mais ycelui Godefroy sera bons et loyaux à nous et à la corone de France et à noz hoirs et successeurs,tout ce en quoy il puet estre encourrus et meffaiz envers nous et contre nous , par quelque maniereque ce soit, et lui avons pardonné et pardonnons par la teneur de ces lettres le ban ouquel il fu mis et qui fu fait et pronuncié contre lui et en nostre court; et le remettons au pais et à sa bonne renommée. Et de plus grant grace, toute la terre qu'il avoitau devant du dit ban, dessouz nous, ou dessouz nostre dit fil le ducde Normandie , ou souz quelconques autre en la duchie de Normandie , où que elle feust assise, tant en la dicte duchie comme aultre part, nous, à la supplicacion du dit conte et pour consideracion des choses dessus dictes , l'avons donné et donnons au dit Godefroy àtenir par lui de nous ou de nostre dit chier filz le duc et de touz autres de qui les terres, rentes, possessions, maisons et chasteaux sont tenuz , en foy et homage à touz jours , non obstant quelconques autres dons ou assignacionsà vie ou à heritage que faiz aions à quelconques autres personnes , de quelconque estat ou condicion que il soient, les quiex nous rappellons par la teneur de ces lettres , afin que le dit Godefroy ait ettiegne sa terre deschargiée ainsi comme elle estoit au devant de ce que elle vint à nous et en nostre main à cause dudit ban. Et encores, de plus habundant grace, avons ottroié et ottroions au dit Godefroy , de certaine science et pour cause , que le chastel de Saint-Sauveur , que il souloit avoir et qui a esté abatuz de nostre commandement, il puist faire reffaire toutes foiz que il lui plaira et il pourra , sanz encourre nul meffait ne nulle offence envers nous, ne envers nostre fil le duc de Normandie, ne envers noz successeurs et les siens. Si donnons en mandement, etc. Ce fu fait et

donné à Maubuisson emprés Pontoise, le xxi* jour de de-

cembre , l'an de grace MCCCXLVI. - ( Registre LXVIII du Trésor des chartes, pièce 136.)

80 LETTRES DE RÉMISSION POUR RAOUL PATRI, QUI AVAIT TENU LE CHATEAU DE SAINT-SAUVEUR CONTRE LES GENS DU ROI.

Mare 1347.

Ph. etc. Savoir faisons à touz presens et à venir que, comme Raoul Patry, chevalier, eust esté souspeconné d'avoir fait aucunes monopoles, conspiracions et traisons contre nous et nostre trés cher filz le duc de Normandie , avec Godefroy de Harecourt, chevalier, et aucuns autres, et aussi de avoir contretenu le chastel de Saint Sauveur le Viconte contre noz gens, et pour sa fuite ait esté banny de nostre royaume , ses biens confisquez , et aucuns en avons donnez ; et depuis nous ait signifié lui estre vrai innocent des malefacons dessus dictes , excepté la rebellion du dit chastel de Saint Sauveur , en suppliant humblement que sur ce Ji vuillons faire grace sur les choses dessus dictes ; à ycelli avons remis, quitté et pardonné, quittons, remettons et pardonnons de grace especial , de nostre auctorité et plain pooirroial , par ces lettres , toute indignacion , peine civil et criminelle , et confiscacion des biens és quelx il estoit et pooit estre encoruz envers nous ou envers nostre dit filz pour les causes dessus dictes, etc. Donné au Moncel lès Pons Sainte Maxence, l'an de grace mil ccc xLvi, ou mois

de mars.

(Registre LXXVI du Trésor de chartes , pièce 121.)

81. QUITTANCE DE PIERRE ; SEIGNEUR DE MOYAUX , CAPITAINE ÉTABLI A DIVES PAR GODEFROI DE HARCOURT.

3 juillet 1347.

Sachent touz présens et advenir moy Pierres , seigneur de Moyad , chevalier, capitaine commis et establi par monseigneur Godefrey de Harecourt , segneur de Sainct Salvoer le Viconte, capitaine souverain establi de par le rey nostre seigneur ou bailliage de Rouen sur le fect des gens d'armes, de la rivière de Saine jusques au bailliage de Caen, et par Pierres de Lieuviller, baillif de Rouen, gouvernoer de la conté de Byaumont (1), de diz homes d'armes et de cinquante homes de pié , à demourer en la ville de Dive et ou pais d'environ , sur la frontière de la mer, as gages anciens, aver eu et receu de Johan du Boes , viconte du Pont de l'Arche, trezorier pour le rey nostre seigneur de l'argent pour paier les gens d'armes passés souz et par le dit monseigneur Godefrev ou par son lieutenant eu cas et pais dessus dict, c'est assaver trente livres torneis, lesquieuls il m'a baillées par le quemandement monseigneur Robert de Tybouville, lieutenant du dict monseigneur Godefrey eu cas dessus dict, en prest sur mes gages, pour moy et pour mes gens à deservir. En tesmoin de laquelle chose, je ay seelley ces lettres de mon propre seel. Ce fut fect en l'an de grace mil trois cens quarante et sept, le mardi aprés la feste Sainct Pierre et Sainct Pol, tiers jour de jullet.

(Orig. à la Bibl. Imp., Cabinet des titres, 1'* série des originaux, au mot Moyard.) (2).

(4) Beaumont-le-Roger, Eure.

(2) Beaucoup de quittances analogues à celle qu'on vient de lire sont publiées dans La Roque , IV, p. 1899 à 1906.