QUITTANCE DE MARTIN CARBONNEL
I8 janvier 1370.
Sachent tous que je Martin Carbonnel, roy des heraux du roy de Navarre , mon trés-redoubté seigneur, congnoiz avoir eu et receu de Gerard de Crepon, viconte de Valoignes et recevour illec de la composicion darreniérement faite aux Engloiz de Saint Sauvour, et de l'argent d'icelle , la somme de trente frans d'or (1).... Le xvm* jour de janvier, l'an mil CCC Lx et neuf.
( Orig. à la Bibl. Imp., titres scellés de Clairambault, vol. 145, p. 3161.)
(1) Voy. plus haut , a la date du 19 décembre 1369, n. 117.
190. QUITTANCE D'UNE SOMME PAYÉE A HOCHEQUIN HILTONNE SUR LE PRODUIT DES RANÇONS OCTROYÉES A LA GARNISON DE SAINT-SAUVEUR.
5 février 1370.
Sachent tous que je Hochekin Hiltonne, un des capitaines des Engloiz estans en Normendie pour mon trés-redoubté seignour le roy d'Engleterre et de France, ae heu de monseignour Johan de la Haye, chevalier, et de Gerart de Crepon, viconte de Valoignes, recevours au dit lieu des ranchons otroiez au fort de Saint Sauveur le Viconte , et pour le terme de la Chandeleur desrain passée , la somme de quatre cens frans, pour ce que les dis recevours en ont fait satisfacion et paiement à plusieurs personnes à qui j'en estoie tenu, en la manére qui ensuit : c'est à savoir au Bourc de Bretot, pour six pipes de vin, six vins frans; à Mahiet de Concherel, pour un coursier, deux cens vint frans ; au capitaine du Pont l'Abbé, Johan d'Orglandres, pour un cheval de lui achaté , soixante frans ; de laqueille somme de quatre cens frans dessus dis je me tieng pour bien content et paié du dit monseigneur Johan et du dit viconte par les parties et en la manére dessus dictes, par tesmoing de ces présentes, seellées de mon propre seel, le v* jour de février, l'an mil ccc Lxix.
( Orig. à la Bibl. Imp., Cabinet des titres, 1'* série des originaux , au mot Híltonne.)
121. MANDEMENT DU ROI DE NAVARRE RELATIF A UN TRAITÉ CONCLU AVEC LES ANGLAIS DE SAINT SAUVEUR ET DE GARNETOT.
Juin 1370.
Charles, par la grace de Dieu roy de Navarre et conte d'Evreux , à Girart de Crépon , nostre viconte de Valoignes, salut. Comme, pour refraindre et eschiverà plus grans malz qui par le fait des Englés à present estans à Saint Sauveur et à Guernetot avenoient, peoient ou peussent avenir et estre faiz en nostre pays et sur noz subgez de noz vicontez de Valongnes et de Carenten, certain traictié ait esté fait par noz genz, de nostre consentement, avec le capitaine des diz Englés, par lequel traictié il deivent tenir en seure triève , jusques au terme de la Saint Michiel prochainement venant, tous les habitanz et genz des dictes vicontez et de tont le cloz de Costentin et tous leurs biens, sanz y prendre homme ne femme ne enfant ne bestes , ne chevaucier aucuns blez vers ou sekz ne autres biens , excepté tant seulement herbes, fuerre et fain pour fourrages, et y sont comprinses toutes les parroiches du cloz de Costentin, exceptéez la ville de Néauhou et la ville de Briquebec; par lequel traictié est promis et accordé aux diz Englés que il auront la sommede douze mile frans d'or àtrois termes, est assavoir à la quinzaine de la Sainct-Jehan deirenérement passée troiz mile frans, à la fin de troiz scpmaines prochainement après ensuivant autres troiz mile frans , et au terme de la Sainct Michel six mile frans, de laquele somme est ordené que vous prendrez et paierez sur vostre viconté huit mile (rans : c'est assavoir au premier paiement deux mile, au second paiement autres deux mile, avecques huit cens et quatre vins frans pour les raenchons de deuz prisonniers englés qui par le dict traictié leur sont délivrez : est assavoir Adam
Uu
zd an
Egregat , prisonnier de Michielco Datiz, de six cens quarante frans , et...... , prisonnier de Dominguet, de deuz cens quarante frans, lesqueles raenchons vous paierez à nostre amé et féal chambellan Ferrando d'Avens, capitaine de Cherbourg , au dit second paiement , lequel Ferrando de nostre commandement en a fait la délivrance , lesqueles raenchons de prisonniers tendront lieu sur le derrenier paiement de la somme de six cens frans. Et pour faire les deuz premiers paiemens , desquelz vous estes chargiez, qui montent quatre mile huit cens quatre vins frans , compté ens la délivrance des dis prisonniers, est faite une assiéte par pluseurs nobles et autres genz des dictes vicontez, laquele est escripte en un rolle, seellé de nostre seel , contenant les parties. Pour ce est-il que nous vous mandons et commettons , se mestier est, que les dictes parties vous levez et faiteslever bien diligeaument, en constraignant ceulz à qui il appartendra, ainsi que le cas le désire, pour haster les paiemens , et faites les diz paiemens aux termes dessus devisez , en tele manère que, par deffaut d'yceulz , aucun dommage ne puisse venir à nostre dit pays ou à certaines personnes de noz genz etsubjez, chevaliers , escuiers et autres qui envers les diz capilaines s'en sont obligiez. Mandons et commandons ete. Donné le......... jour de juing , l'an de grace mil cccLxx. Par le rov:
E. Bot nc.
( Oriz. aux Arch. de l'Emp., K. 49.)
192, QUITTANCE D'UNE SOMME PAYÉE AU LIEUTENANT DU GARDIEN DE SAINT-SAUVEUR, ET A PLUSIEURS AUTRES CAPI- TAINES ANGLAIS.
12 juillet 1370.
Sachent tous que je Thomas Catertonne , lieutenant à Saint Savour pour mons. Guillame sire de Latymier, gar-
dien du dit lieu, et Guillame Chelletonne , Gieffroy Valletonne , Robert Myttonne et Henri Brun, capilaines des Engloiz estans à present en Normendie pour trés haut et excellent prince le roy d'Engleterre et de France , nostre très redoubté seignour , confessons avoir eu et receu par la main de Gerard de Crepon, viconte et recevour de Valoignes , sur la somme douze mille frans à nouz ottroiez par les noblez gentilz hommes et autres du paiz de Coustantin , pour garder le dit clos, gens, forteresces du roy de Navarre de toutes prinses de ranchons, tant. de nous que de touz les autres Engloiz estans en Normendie , jusques à la Saint Michiel prochaine venant , si comme plus à plain est contenu eu traitié sur ce fait, c'est assavoir la somme de trois mille frans d'or, de laqueille somme , etc. En tesmoig de ce, nous avons seellé ces lettres de nos propres seaulz, le xi* jour de juillet, l'an mil cccux et dix. Et est la dicte somme de trois mille frans à nous paié , com me dessus est dit , pour le premier terme qui estoit à la quinzaine de la Saint Jehan darraine passée. Donné comme
dessus.
(Orig. à la Bibl. Imp. , Cabinet des titres , 1'* série des ori-
ginaux , au mot Crépon. )
