PIÈCES JUSTIFICATIVES, XIII0 SIÈCLE

aultruy, ou de disme, ou pour douzème au roy, ou pour autre taille, ou par autre quelque manière, nous serons tenues à payer de noz propres rentes, ou cy qui sera procureur de nos temporelz, en acquiter les diz moines de toutes ces choses.

Et si sommes tenues à payer la procuration de l’abbé de Molesmes, quant il venra en nostre maison, li debuons héberger, et donner pour raison ce que mestier sera à ceulx qui venront en nostre maison, s’ilz ont lettres patentes de l’abbé.

Et se nous, ou nostre procureur défaillons en aulcunes des choses dessus dites, nous voulons et octroyons que li sires de Joinville, en cui garde nostre maison est, nous puisse contraindre au faire et au tenir, si comme il est dessus devisé. Après nous cognoissons que l’abbé de Molesmes a sur nous et sur nostre maison et sur les appendises, toute juridiction spirituelle ; et si sommes tenues à le recevoir, quant il venra en nostre maison, comme père, abbé, ainsi corn l’on lou reçoit en ses autres maisons de dames ; et debuons receuoir de luy ou de son commandement touz nos sacremenz et bénéicons, et toutes autres choses que moines et nonnains doibuent recevoir de leur abbé, selon droit.

Et debuons tenir et garder les commandemens et les établissemens et les ordonnemens que les abbés de Molesmes feront en nostre maison; et leurs debuons toutes subjection, toute réuérance et toute obédience, selon ce que droiz et ordre apporte.

Et li moines auront leurs maison entièrement que il ont tenues ; et cil cui li abbé de Molesmes envauront en nostre maison pour prieux, seront tenus faire le service de Nostre Seigneur et auront sur nous juridiction espiritel.

Et toutes ces choses dessus dictes auons nous promises à tenir et garder en bonne foy, perpétuellement, et auons mis nostre seaul en ces présentes lettres pour seurté. Pour

li témoignaige de tontes ces choses dessus dictes, et à notre requeste, Adam, abbé de sainct Urbain et Robert, sires de Sailly ont cy mis leurs seaulx.

Et je Jehan, sires de Joinville et sénéchaux de Champaigne, en cui présent toutes ces choses sont faites, à la requeste de la prieuse et du conuent, ay ses choses conformées de mon seaulx, et promises à tenir et garder comme gardains dou leu, à bonne foy. Ce fut fait en l’an de grâce mil deux 7cens cinquante et huit, au mois de décembre.

(Copie du xve siècle, vers 1460, Arch. de la Côte-d’Or, prieuré du Val d’Osne, H. 251.)