BREF DU PAPE ALEXANDRE IV POUR LA NOMINATION DU PRIEUR

de jully. (Page 150.)

(Anagni, le 21 juin 1260)

Alexander episcopus, servus servorum Dei, dilectis in Christo filiabus priorisse et conventui monasterii Juliacensis, ordinis sancti Benedicti, Lingonensis diocesis, salutem et apostolicam benedictionem. Ea que iudicio vel concordia terminantur, firma debent et illibata persistere, et ne in récidivé contentionis scrupulum relabantur, convenit apostolico presidio communiri. Exhibita siquidem nobis vestra petitio continebat quod, cum inter vos, ex una parte, et abbatem et conventum monasterii Molismensis, ordinis sancti Benedicti, Lingonensis diocesis, super electione prioris in vestro monasterio, pro temporc facienda, et quibusdam aliis articulis, ex altéra, coram venerabilibus nostris Lingonensi et Autissiodorensi episcopis, auctoritate apostolica, questio verteretur ; tandem eisdem episcopis mediantibus, inter partes compositio

PIÈCES JUSTIFICATIVES, XIIIe SIÈCLE.

intervertit, prout in patentibus litteris confectis exinde, ac sigillis episcoporum ipsorum signatis, plenius dicitur contineri. Quare petebatis a nobis, ut compositionem hujusmodi apostolico curaremus munimine roborare. Nos itaque vestris supplicationibus inclinati, compositionem eandem, sicut rite, sine prauitate, provide facta est, et ab utraque parte sponte recepta, ac hactenus pacifiée observata, et in alicujus prejudicium non redundat, ratam et firmarn habentes, eam auctoritate apostolica confirmamus, et presentis scripti patrocinio communimus. Nulli ergo homini liceat hanc paginam nostre confirmationis infringere, vel ei ausu temerario contraire. Si quis autem hoc attemptare presumpserit, indignationem omnipotentis Dei et beatorum Pétri et Pauli, apostolorum ejus, se noverit incursurum.

Datum Anagnie, XI Kalendas mensis julii, pontificatus nostri anno sexto.

(Orig. Arch. de V Yonne, prieuré de Jully, H.)