LXXXVIII

BAIL A VIE DE LA MAISON DE LA Mercerie SISE A BAR-SUR-AUBE.

(Page 106.)

(Novembre 1262)

Nos frères Robert, prieus de Saint-Père de Bar-seur- Aube, et maître Andriers, doiens de la chrestianté de ce dit Bar, faisons à sauoir à touz ceus qui ces présentes lettres verront et ourront ; que, an notre présence estaubli, sire Humbers li merciers, Amoingars, sa famé, et Bernarz, leur fis, de ce deuant dit Bar, ont recogneu par deuant nos, que il ont retenu, tant com il viueront, de suer Isabiau, prieuse de Iulli, et dou couvent de ce meime leu, une maison que eles ont à Bar-seur-Aube, qui fu

Martin le tailleor, et siet an la Mercerie darriers les Changes ; c’est à sauoir, de lès la place as chanoinnes de Saint Maclou, d’une part; et de lès la maison qui fu le biau Boriois, d’autre part. Par tel couent et par tel condition, que li deuant dit Humbers, Amoingars et Bernars, ont promis et sont tenu à rendre et à paier wit (8) libres de tornois as dites dames, ou à leur certain commandement, chascun an, paiement de la foire dou dit Bar, par leur fois donées corporelement an nos mains. Et doient métré an amendement de ladite maison jusque à XL libres de la dite monoie; et quant eles i seront mises, il la doient maintenir en tel estât, ou an mellor, tous les iors de leur vie, comme ele sera après l’amandance des dites XL libres. Et se li deuant dit Humbers, Amoingars et Bernarz défailloient an aucunes des couenances desus dites, les dites dames repaireroient à leur maison, et la tanroient iusque tant que leur gage seroit faiz tôt entérinement. Et des domaiges et des costemans que eles i aueroient, eles en seroient creues par leur simple parole, sans nulle autre proeue. Au tesmoinaige de la quel chose, nos avons scellées ces présentes lettres de nos seels. Ce fut fait an l’an de grâce MCC et sexante duis, ou mois de nouembre.

(Orig. Arch. de la Côte-d’Or , prieuré de Jully, H. 250.)

/) . o* ' O n T H ! St*