SAGE ET DE PATURAGE DANS LES BOIS ^ET SUR LE FINAGE DES
arrans. (Page 143.) a
(Mai 1265)
A tous ceulx qui verront et orront ces présentes lettres, Ysabeau, humble prieuse et tout ly convant de
PIÈCES JUSTIFICATIVES, XIIIe SIÈCLE.
Jully, salut en Notre Seigneur. Saichent tuit que discort fut entre nous d’une part, et monseigneur Millon de Cherène, chevalier, madame Odéart, sa femme, damoiselle Agnès etMarye, fille à la dite Odéart, et Guillaume, mary à la dite Marye, d’autre part ; pour ce que nous demandions pleinier usaige en tous les boys ou finaige d’Arran, et les pastures pour nos bestes grosses et menues de notre grandie d’Arran ; par li conseil de bonnes gens, paix en fut faicte en telle manière qui fut trouvé et congneu que nous avyens et devyens avoir pleinier usaige ès boys, ès pastures de tout le finaige d’Arran ; ès boys pour coppé vert et sec, pour maisonner,pour marronner, pour chauffer et pour touts aisances que mestier on a et peut avoir pour notre grandie d’Arran ; sans vendre, sans donner et sans essarter ; sans ce que ly devans dits Milles ou si hoirs, ou sy qui ly boys devant dits seront, pourront vendre les ditz boys d’Arran, soit l’un, soit les dous, toutes les foys qui pourront ou vouront ; et quant il les vendront, la vendue doibt estre faicte a tire d’une part, selon l’usaige de Bourgongne; et en la vendue quant il auront faicte, soit à arpans, soit à montre, noz, ni aultres pour nous, ne povons ni devons coppé ni user en la vendue; si ce n’estoit ainsinque nous, ou aultres pour nous, ne puissions trouver ou remenant du boys ce que mestier nous seroit ; quar lors pourrions nous panrre et faire panrre et coppé en la vendue ce que mestier seroit à notre devant dicte granche d’Arran ; puisque l’an ne l’on trouverait, fors que la vendue, ou remenant des boys devant ditz. Et quand les vendues seront faictes, se comme il est dessus ditz, les bestes de notre devant ditte grange d’Arran ne doibvent pas aller aux reuenues pour raison de pasture, jusques à la quarte feulle, selon l’usaige de Bourgongne; si ce n’estoit en tel manière que les villes voysines useissent segnoement, sans contredit, ès devant dictes revenues dedans la quarte feulle, ou aultres bestes qui que elles fussent ; car lors y pourraient user de pasture les bestes à nostre dicte grange d’Arran,
sans achoison; mais les bestes grosses et menues à nostre dicte grange d’Arran peuvent et doibvent aller et user par raison de pasture, partout lou devant dict finaige d’Arran, soit en boys, soit en plain, fors que aux revenues, si comme il est divisé dessus. Et est assavoir : que ly devant dict Milles, ou sy hoirs, doibt avoir deux arpans de boys frans, entour sa maison, où cil de nostre grange d’Arran, ne noz, ne peuvent, ne ne doibvent user, ne copper, ne pasturer, fors que tant que ce il n’estoient clos souffisamment, les bestes à nostre devant dicte grange il pourroit pasturer sans achoison; et ly devant dictz Milles, ou sy hoirs, ou sy que ly boys seront peult clorre les ditz arpans devant dictz, à leur volenté et tenir clous. Et pour ceu que se soit ferme chose et estable, nous avons mis nostre seel en ces présentes lettres.
Ce fut faict en l’an de l’Incarnation Nostre Seigneur mil deux centz soixante et cinq ans, ou moys de May.
Collation faicte au vrai original par nous messire Humbert Lefol, presbtre, Jehan Vaultrouilier et Michel Déon, notaire ou conté de Tonnerre. Lequel original avons trouvé sain et entier, sans ratures, scellé à doubles queues à cire verte; auquel seel a une image de Nostre-Dame tenant son enffent, et d’aultre, a une teste environnée d’escriptures.
Ce faict par nous notaires dessus dictz, le vingt-sixiesme jour du moys d’apuril, l’an mil cinq cens trente cinq.
Signé : Lefoul, Déon, Vautroulier.
(Copie de 153o, Arch. de la Côte-d’Or, prieuré de Jully, H. 279.)
